بجهة ثانيه من الديرة بالمزرعه :
وقف عبدالرحمن سيارته برا ودخل ولقى سلطان واقف عند الخيل وراح له
عبدالرحمن : سلطان
سلطان : توقعتك بتطول؟ المزرعه بعيده شوي
عبدالرحمن : خلك مني الحين وش الي صار؟
سلطان : ندخل داخل واقول لك
راحو سوا للملحق وجلسو فيه وكان مجهز الشاهي والقهوه
سلطان : انت تعرف بالي بيني وبين
ابوي صح؟
عبدالرحمن : اكيد
سلطان : تعبت معد اقدر اتحمل أكثر من كذا
عبدالرحمن : تعوذ من بليس سلطان وش ذا الكلام؟
سلطان : عبدالرحمن تراني صادق معد اقدر ادخل البيت واتحمل الإهانات هذي واذا طنشت كلامه يروح لأمي ويمسكها جلد
عبدالرحمن : سلطان اسمعني انت طيب دام الوضع كذا لاترجع ابد
سلطان : وامي؟
عبدالرحمن : انت ماعليك الحين دام ان مافي شيء يقهر ابوك امك بحفظ الله ورعايته
سلطان : شكلي بقعد بالمزرعه لين تترتب افكاري شوي
عبدالرحمن : شدعوه سلطان تنام هنا وبيت اخوك موجود؟
سلطان : العذر والسموحه منك مقدر اقعد ببيتكم حريمكم طالعين داخلين صعب احجرهم بالبيت عشاني موجود
عبدالرحمن : ماعليك معتبرينك زي ولدهم ومنت الا اخوهم وأكثر بعد
سلطان : ماتقصرون والله بس خلها هالمره بالمزرعه وان جاء نايف خليناه يرقد فيذا معنا
عبدالرحمن : والدوام؟
سلطان : توني مكلمهم اخذت اجازه هالاسبوع بس
عبدالرحمن : وين العود ما اشوفه
سلطان : ناوي تشعر يالحبّيب؟
عبدالرحمن : نغير لك جوك عادي قم قم جبه يله بقولك قصايد نايف الي حافظها
سلطان : لا لا دق عليه يقولها لنا احسن انت صوتك ينجهل يارجال
عبدالرحمن بضحك : زين يله
حاول عبدالرحمن قد مايقدر انه يغير من نفسيه سلطان اليوم وقعد معه لين نامو ثنينهم بالمزرعه وعطى اهله خبر انه بينام عنده
بعد يومين ببيت الجد محمد :
الساعه 7:00 الصباح
الجده حصه : محمد وراك قايم هالحزه؟
الجد محمد : هلا بحلوه اللبن
جلست جنبه ونطقت : تعبان؟ فيك شيء مكدر خاطرك؟
الجد محمد : والله معد نشوف هالزين يا حصه
الجده حصه بأبتسامه : وانت طول يومك مع دحوم من وين لك وقت تشوف هالزين
الجد محمد : يعني مافيه الدحّمي فيه حلوه اللبن؟
الجده حصه : تقدر تقول اي يعني، وش بغيت على الفطور؟
الجد محمد : اي شيء من يدينك حلو
الجده حصه : ابشر
قامت وهو قام يساعدها مايحب يتعبها من يومهم متزوجين يساعدها بكل شيء حتى لما يقعد يناظرها قدام عيالهم عيونه تفضحه وتبين حبه لها رغم انه مايتكلم قدامهم ابد
بس معلمهم انهم لين تزوجوا يبينون لعيالهم انهم يحبون بعض عشان تتجنبون المشاكل وهذي قاعده كبرو عليها عياله من تزوجوا
حول الساعه 7:18 دخل ابو عبدالرحمن للمطبخ وشافهم وهم يجهزون الفطور
ابو عبدالرحمن : صباح الخير
قرب منها وحب راسها ثم راس ابوه
الجده حصه : صباح النور هلا عزوز
ابو عبدالرحمن بضحك : يمه مب قدام ابوي عاد ترى يغار اذا دلعتي عياله وهو لا
الجد محمد : شفتي ان حتى عيالك يعرفون وانتي ماعرفتي
الجده حصه : عادي يا امك خله يغار شوي طول يومه مع ولدك ولا يقعد معي من تالي
ابو عبدالرحمن : افاا يبه ساحب على اميمّتي؟
الجد محمد : وانتم ساحبين مرتي مني وش تبيني اسوي
أبو عبدالرحمن : معليك يمه انا ببعد عبدالرحمن عنه وانتي استانسي يالغاليه
نطقت وهي تطق يده : حفيدي لاتقربه ابد علم ابوك كيف يوزن بينا
ام عبدالرحمن وهي توها داخله المطبخ : يويلي خالتي وراك تضربينه وش مسوي لك عزوز؟
الجد محمد وهو يقرب ام عبدالرحمن لعنده : خلاص انت خذ امك وانا اباخذ مرتك
ابو عبدالرحمن : لا خلاص شف خل نتفق زين؟
الجد محمد بضحك : ماش ياحصه عيالك خفايف خذها خذها مكتفي بحصوصتي انا
الجده حصه : يله الفطور جاهز افرشو فرشتكم بالحوش نفطر برا
ام عبدالرحمن : ابشري
جهزوا جلستهم برا وقومو جود ووتين وافطرو سوا برا وجلستم ماخلت من الوناسه ابد كلها ضحك بضحك
بعد العصر دقت رهف على جود :
جود : هلا والله
رهف : جود الحقي
جود : وش صار؟
رهف : امي ارسلت السواق ومافي احد يودينا
جود : كذاببه شلون راح السواق
رهف : مدريي امي نست اننا بنروح
جود : يلييل والحين وش السواه؟
رهف : مدري مافي احد من اخواني سلمان طالع يذاكر ووليد مداوم
جود : تعالي عندي عبدالرحمن يودينا
رهف : زين يله بلبس وبجي شوفي لي الدرب
جود : طيب
سكرت رهف وتجهزت وراحت بيت
ابو عبدالرحمن
ارسلت جود لعبدالرحمن انه يوديهم للسوق
وقال لهم اطلعوا لسياره سلطان
طلعو رهف وجود وركبو السياره وراحوا هم وعبدالرحمن وسلطان
بعد نص ساعه وصلو للسوق ونزلو البنات
لف سلطان على عبدالرحمن ولمح شيء ورا
لف عشان يشوف ولقى شنطه
سلطان : شكل وحده من البنات نست شنطتها
لف عبدالرحمن ونطق : شنطة جود
خذها ونزلو وراهم
قبل يدخلون المحل مسك عبدالرحمن جود
جود : وش فيك؟
عبدالرحمن : شنطتك نسيتيها
جود : اوه وانا اقول ليش مافي ثقل على كتفي
عطاها شنطتها ونطق : بروح انا وسلطان نفصل ثياب انتبهي
يتبع...
