ام عبدالرحمن : روحي اسأليه
جود : عساكم انتم الي مزعلينه؟
عبدالرحمن بأبتسامه : محد قاله يزعل أمي
جود : ياويلي عليكمم مزعليين ابويي
ام عبدالرحمن : عاد ذي الحين وش يسكتها
جود : مايسكتني الا رضى ابوي
طلعت جود لأبوها وجلست قدامه
جود : افا يالغالي زعلان؟
ابو عبدالرحمن : لا منب زعلان ولا شيء
جود : من مزعلك علمني وبجلده
ابو عبدالرحمن : صوني اخوك عني وبس
جود : ابد ابشرر
الجد محمد : وعقوبتك يا عبدالعزيز شف ولدك يسوي حركاتك اول معي
الجده حصه : خله يستاهل محد قال له يعايرها ولدك وتعرفه
الجد محمد : تستاهل قايل لك انا لاتزعلها بس ماتسمعني
ابو عبدالرحمن : يببه خلاص عاد ترى الي فيني مكفيني
جود وهي تحضن ابوها : خلاص جدي اتركو ابوي بحاله لحد يقول له شيء
طلعت ام عبدالرحمن وعبدالرحمن من المطبخ وحطو الفطور
عبدالرحمن : يله انا استأذنكم
الجد محمد : الله يحفظك بس لاتتأخر معزومين ترى
عبدالرحمن : ابشر، تامرون على شيء؟
ام عبدالرحمن : سلامه قلبك
طلع عبدالرحمن ومشى لدوامه
افطروا سوا ثم جلسو كلهم بالصالة الا ام عبدالرحمن راحت للمطبخ تسوي حلا للعزيمه وعشان تاخذ راحتها عشان تتجهز
على الساعه 3:03 تقريبا توه راجع نايف للبيت بعد ما خلص صلاه بالمسجد ولا حسب حساب انه لما يدخل يلقى أغراض الجوهره بالحوش
دخل داخل بسرعه وكانت الجوهره جالسه بالصالة بعبايتها
نايف : بتمشين الحين؟
الجوهره : اي أسامه قريب
نايف : ماودك تقعدين اليوم وانا اوديك بكره؟
الجوهره : أسامه وصل وصعبه ارجعه من جديد وغير كذا تكلمنا بالموضوع اليوم صح ولا لا؟
نايف : توصلين بالسلامه يابعدي
قامت الجوهره ووقفت قدامه وهو لا إرادياً حط يده على خصرها وقربها منه وباس خدها وكانت قريب من ثغرها
نايف : ليه كذا تجرمين فيني
نطقت الجوهره بهدوء وهي تلعب بأزرار ثوبه : مدري والله
نايف : شلون خليتيني أهييم فيك لذي الدرجه
الجوهره بهدوء : نايف
نايف : سمّي يا عيونه وقلبه وروحه
الجوهره بهدوء : بتتركني بيوم من الايام لو كنت مجبور
نايف : وش ذا الكلام؟ في احد قال لك شيء؟
حطت عينها بعينه وعينها كانت غرقانه بالدموع : امي عرفت اني حامل وبتجبرني اقعد عندها لين أولد
نايف بعصبيه : معصّيي والله ماتقعدين!!
حطت الجوهره راسها على صدره وانهارت من البكي : مدري كيف عرفت اني حامل بس ما ابي أتركك ما اببي
نايف بعصبيه : بتقعدين اسبوعين وانا بنفسي بجي وباخذك ومحد له كلمه عليك!
الجوهره ببكاء : تكفى نايف الله يخليك بدون مشاكل
رفع وجهها له ومسح دموعها ونطق : ابد الي تبينه تم بس انتي لاتقولين شيء لأهلك
الجوهره : ان شاء الله
قاطعهم رنه جوال الجوهره وعرفت انه أسامه وطلعت عشان تفتح له الباب
دخل أسامه وسلم على نايف
أسامه : افاا فيه دموع يالجوهره وش فيك؟
الجوهره : مافيني شيء
أسامه : مزعلها؟
نايف : انتم مزعلينها بتاخذونها من رجّلها غصب
أسامه : ليه مو راضيه تجين؟
الجوهره : الا راضيه
أسامه : زين اركبي وبحط شنطتك يله
تنقبت الجوهره وطلعت للسياره
نايف : أسامه
أسامه : سمّ
نايف : بأمانتك ترى لايجيها ولا شيء وان جتني وفيها شيء مب صاير لكم خير
أسامه بأبتسامه : لاتوصي حريص
نايف : داري انك بتحرص عليها بس انتبه الله يعافيك
أسامه : ابشر
نايف : عاد لاتبطون ترى ابيها
أسامه : والله ما اضمن لك بس يله
طلع أسامه ومشو
ببيت الجد إبراهيم :
كان الكل قايم فيه من تجهيز وترتيب
رهف : وليد قم بخر المجلس
وليد : روحي انتي شغلتك ذي
ام وليد : وليد قم عاون بس
وليد : وين سلمان؟
رهف : راح يجيب أغراض طالبتها
قام وليد بعد إصرار من امه وراح بخر المجلس
على صلاه المغرب وصلو اهل الجد محمد كلهم دخلو الحريم داخل وسلمو والرجال دخلو المجلس
الجد إبراهيم : حّي الله سامي
سامي : الله يحييك ويبقيك
وليد : والله توه مانور البيت
سامي : منور بأهله والله
بدا سلمان يصب لهم القهوة وتقهوا
عند البنات :
ام وليد : البيت بيتكم خذو راحتكم
الجده حصه : ماتقصرين يا ام وليد
كان كل شيء حلو باليوم هذا وكلهم كانو مستانسين فيه وتعشو جميع والكل بعدها راح لبيته
في بيت ابو فهد :
ام فهد : والله عشاهم بارد ليتني ماتعنيت ورحت
ابو فهد : والله ليتك مارحتي عشان تفكينهم من حكيك هذا
إيمان : وهي صادقه امي عشاهم ماينوكل بس عشان خاطرهم اكلنا منه
ابو فهد : إيمان احترمي نفسك لا يجيك شيء ما يعجبك
ام فهد : والله ماتقربها بنتي لين كذبت يصير خير
فهد : ممكن توقفون هواش ترى تعبت كل يوم وانا اسمع نفس الكلام
ابو فهد : رح وانا ابوك ونام بدال ماتقعد تسمع هالحكي الي ما منه داعي
طلع فهد لغرفته وقفل الباب ونام وهم ولا اعتبرو كلام ولدهم صار وكملوا هواش بينهم
ابو فهد وام فهد مابينهم اي انسجام من بعد ما جابت فهد على هالدينا وهي بس تطلع عيوب بالناس حتى لو ان مافي بس تحب تنقدهم وأهلها ماسلمو منها
يتبع...
