في بيت الجد إبراهيم :
الجد إبراهيم : هلا بعيال الغالي
العيال : هلا فيك
انطلقت رهف وهي تحضن جدها وتبكي
رهف : ما اقدر أنساه يبه
الجد إبراهيم : قضاء الله وقدره يابنتي
رهف : ماكنت اتخيل ان اقرب الناس لي راح بغمضه عين
قعدت رهف بحضن جدها وهي تصيح لين انهد حيلها ونامت بدون شعور
بعد فتره انتهت الاجازة وبدت الدوامات وتحسنت حاله رهف الي كانت أكثر وحده متأثره بالي صار
بيت الجد إبراهيم :
رهف : سلمان يله بتأخر عن الجامعه
سلمان : يله يله جاي لاتصحين
رهف : بمشيها لك هالمره عشانك بس بتوديني
سلمان : اقول قومي اركبي السياره قبل أهون
رهف وهي رايحه السياره بسرعه : مسوي يهدد الخايس
ركب السياره واتجهه للجامعه
سلمان : يله ياست هانم وصلنا
رهف : الله يعطيك العافيه
سلمان : مسويه ذربه يعني؟
رهف بتهديد : باب السياره مره مرتب وانا ما احب الترتيب
سلمان : رهف ياويلك لو تسوينها
صفقت رهف الباب بقوه وراحت
دخلت رهف الجامعه ولا تدري وين تروح بحكم انه اول يوم لها والجامعه جديده عليها
رهف : سلام عليكم
جود : هلا وعليكم السلام
رهف : لو سمحتي وين القاعه ***؟
جود : انا بروح لها تعالي معي
رهف : تمام
توجهو للقاعه وجلسو مع بعض
خلصت المحاضره وطلعو مع بعض وقتها شافو عبدالرحمن يسولف مع سلمان
ركبت كل وحده فيهم السياره واتجهو لبيوتهم
في بيت الجد ابراهيم :
الجد ابراهيم : اجهزو نبي نسير على صديق لي
ام وليد : اي صديق يا عمي ؟
الجد ابراهيم : محمد جارنا ابو عبد العزيز
ام وليد : انشاءالله
تجهزو و وراحو عندهم
دخلو رهف و هيا عند الحريم و دخل الجد ابراهيم المجلس ووراه وليد و سلمان سلمو و قلطو
اما بالطرف الثاني عند البنات :
ام عبد الرحمن : حي الله من جانا تو ما نور البيت
ام وليد : الله يحيك
رهف : منور بأهله
قعدو يسولفون بعدها دخلت جود
سلمت عليهم و امها تعرفهم على بعض
جود : يا زينها من صدفه
رهف : اي والله
ام عبد الرحمن : وش صدفته ؟
قالت جود وش صار و كيف تصادفو
جلستهم كانت عفويه والي زاد الجلسه حلاوه طقطقة وتين
عند العيال كانو جالسين بهدوء
عبد العزيز وهو ملاحظ الطفش : قومو نغير جو بالدكه
وليد : تسلم يا عم بس جلستكم ترد الروح
فهد : تسلم عمي
لف وقتها فهد وناظر عبدالرحمن
عبدالرحمن : بنجلس ببيت الشعر احسن
الجد محمد : بحفظ الرحمن انتبهوا من الحشرات بس
فهد : ان شاء الله
قامو وراحو للخيمه وشبو النار وجلسو حولها ومسك سلطان العود كونهم يحبون الجلسات الشعّريه
نايف : العذر والسموحه منك يا سلمان مانعرف وش تحب لكن حنا نحب جلسات الشعر
سلمان : ابد خذو راحتكم احب اسمع للشعّر بس ما اكتبه
سلطان : جونا بيعجبك اجل
عبدالرحمن : نايف اشعّاره كلها غزل بغزل اعذرنا إذا فهمت شيء غلط
سلمان : بصراحه احب اسمع للغزل رغم اني مو معجب بأحد بس احب اسمع لها
نايف : دحوم لو سمحت اشعّاري كلها غزل لأني اخذت وحده ملت عيني الحمدلله
سلطان : الله يخليكم لبعض ويحرمنا منكم
عبدالرحمن : بالعكس احب اسمع سواليفهم حبهم يجنن
سلطان : جاني جفاف عاطفي من حلاوتهم ياشييخ
سلمان : واضح انك تحبها يا نايف
نايف : والله اني اموت فيها مو بس احبها
عبدالرحمن : لو سمحت بزر ذا لاتعلمه على هالاشياء توه
سلمان : اي بزر طال عمرك؟ 18 سنه ذي ماملت عينك؟
عبدالرحمن : الـ18 ذي ماتفيدك عندنا شف الشايب نايف عمره 26
نايف : تراني صغير بس مكبريني ذول
فهد : اخلصوا علينا قبل يجي العشاء
سلطان : عسانا نشوف عيالك قبل تموت
عبدالرحمن وهو يمسح على راس نايف : بسم الله عليه
قعدو شوي وبدو يدقون بالعود ونايف ماقصر بالقصيد عندهم
وقتها سلمان عاجبة الجو ولا وده انهم يمشون
تعشو والكل راح لبيته
في بيت سعد :
إيمان : يمه والله ما اسكت لهاي دايم تدقني بالكلام قدام الحريم
نوال : ماعليه يا امي خليها تعدي هالمره
إيمان : وجدتي تسمع ماقالت لها شيء ولما تكلمت انا مارضت عليها يعني انا اي وهي لا؟
نوال : مو شيء جديد عند جدك وجدتك عيال عمك عبدالعزيز غيير
سعد : نوال احترمي نفسك امي وابوي مايفرقون بين عيالنا وعيالهم
نوال : التفرقه واضحه ياسعد بس انت تنكر!
سعد : شوفي فهد يعاملونه زي عبدالرحمن
فهد : والله جدي مايقصر مافرق بيني وبينه
إيمان : امي حصه تفرق يبه جود قدام الكل تحرجني ولا تقول لها شيء
نوال : وأمك المصون لما بنتي تكلمت سكتتها قدام الحريم
سعد بعصبيه : نوال!! لهنا وخلاص عاد! يكفي دق بالكلام بنتك واعرفها تحارش الكل!
راحت نوال بعصبيه لغرفتها والكل بعدها راح لغرفته وسعد طلع وقعد بالملحق
