مر يومين بدون اي شيء ينذكر فيها مر زي اي يوم عادي بالنسبه للجميع ماعدى نايف مابعد تعود على بعد الجوهره عنه
بيوم خميس الساعه 4:30 العصر في بيت ابو عبدالرحمن :
اتصل وقتها سلطان على عبدالرحمن
عبدالرحمن : أرحب
سلطان بضحك : البقى
عبدالرحمن : أمر شبغيت؟
سلطان : مايمر عليك عدو، ودكم نطلع جميع مع الاهل وكذا للمزرعة؟ مع اهل العم إبراهيم؟
عبدالرحمن : والله دامه إجازه منب قايل لك لا بس بشوف الاهل وانت كلم سلمان ولا وليد
سلطان : كلمت سلمان وقال اهله قالو تم بس ننتظركم وكلمت فهد بعد وبيجي لحاله
عبدالرحمن : افاا انا اخر من تدق عليه؟؟
سلطان : لا دقيت عليك واجد وانا اخوك بس منتب يم جوالك
عبدالرحمن : معليش توني داخل للبيت، كلمت نايف طيب؟
سلطان بضحك : يشيخ مشتط مايدري أرضه من سماه
عبدالرحمن بضحك : وش فيه بعد؟
سلطان : ابد والله الحب عند أهلها وهو قاعد لحاله وقلت له تعال قال بيشوف اذا فاضي جاء
عبدالرحمن : فيها نومه؟ نجيب مفارش معنا؟
سلطان : ابد والله نقعد بكره وبعده والأحد بالليل نرجع محد عنده دوام الأحد الا ان كان وليد بس
عبدالرحمن : اجل خلاص بكلم الأهل وبرد لك خبر
سلطان : تم، فمان الله
عبدالرحمن : مع السلامة
سكر عبدالرحمن ودخل البيت وشاف اهله كلهم بالصالة
سلم على جده وجدته وامه وابوه
عبدالرحمن : عندي لكم بشاره
جود : وشو؟
عبدالرحمن : تبون نطلع بكره المزرعة؟
وتين بحماس : احلف بتودينا!
عبدالرحمن : اي اوديكم بس تم تروحون بكره؟ وبننام ترى
ام عبدالرحمن : إلى متى؟
عبدالرحمن : ننام بكره وبعده والاحد باليل نرجع
الجده حصه : من بيجي معنا؟ ولا لحالنا؟
عبدالرحمن : مع ام سلطان واهل العم إبراهيم
قامت جود بحماس وهي تحضن عبدالرحمن : والله ااحببك اخييرا بشوفف رهفف
بادلها عبدالرحمن وهو يحب راسها
وتين وهي رايحه له : خيير حتى انا ابيي
بعدت جود عن عبدالرحين ووتين حضنته
وتين : عسانا ماننحرم منك
الجده حصه : بيجون عيالي؟
عبدالرحمن : بيجي فهود بس
الجده حصه : حي الله فهود بس ما اقصدهم اقصد سلطان ونايف
عبدالرحمن : سلطان اكيد بيجي ونايف والله ما ندري لين الحين ما قال شيء
ام عبدالرحمن : خلوه يجي معكم ويستانس محد حوله هناك
عبدالرحمن : ما ضنتي يجي بس ابشري بنكلمه
وتين : مافي وقت نجيب الأغراض طيب؟
عبدالرحمن : نروح بكره بعد صلاه الجمعه وتاخذون الي تبون بس قسمو من الحين لكم بس حنا ندبر أعمارنا
جود : ابششر
راحو وتين وجود فوق عشان يكلمون رهف ويقسمون بينهم عشان يكتبون الي يحتاجونه بكره
الجد محمد : عبدالرحمن
عبدالرحمن : سمّ
الجد محمد : اعتذر من ابوك
عبدالرحمن : وراه؟
ابو عبدالرحمن : خليت امك تتغلى علي وتقول وراه؟
عبدالرحمن بضحك : أحلفي يمه صامله لين الحين
ام عبدالرحمن وهي تجلس عبدالرحمن جنبها : ولدي مب معتذر يا عمي بس ولدك العزيز هو الي لازم يعتذر
الجد محمد : وش قايل هو؟
ام عبدالرحمن : انا يا عمي ترضى ياخذ علي مرة؟
الجده حصه بحّده : يعقب مايسويها وش ذا الحكي يا عبدالعزيز
ابو عبدالرحمن : منب مسويها حكي بس
الجد محمد : انا بطلع منها دام هذا حكي تقوله لها
عبدالرحمن : والله يبه انا اسف يعني يوم اني ابعدك عنها بس مانرضى على الغاليه
ام عبدالرحمن : كفو ولدي
ابو عبدالرحمن : ونعتذر يالندى بس اعتقيني خلاص
ام عبدالرحمن بضحك : خلاص سامحتك
عبدالرحمن : يمه!
ام عبدالرحمن : والله العزيز غالي ويستاهل ما جاه خلاص
عبدالرحمن : منب داخل بينكم مع السلامة
قام عبدالرحمن وراح لغرفته وقفل الباب
اخذ له شاور بمويه بارده عشان يبعد عنه التفكير
بجهه ثانية بعيده عن الديره بكثير :
الجوهره : يمه شبعت خلاص
ام الجوهره : انتي حامل ولازم تاكلين زين ناحفه مره تراك
الجوهره : مب نحف من الحمل انتي من زمان مو شايفتني يمه اكيد بتغير
ام الجوهره : لا تعانديني وكملي اكلك وانتي ساكته هالي ببطنك يحتاج غذاء وانتي محد مهتم فيك هناك
الجوهره : لا والله مهتمين فيني وحاطيني بعيونهم مايقصرون ابد
ابو الجوهره : انتي شبعتي يالجوهره؟
الجوهره : اي يبه
ابو الجوهره : خلاص يبه قومي وارتاحي بغرفتك
قامت الجوهره وحبت راس ابوها وراحت لغرفتها
ام الجوهره : لاتقوي راسها علي
أسامه : وانتي يمه لاتضغطينها من الحين
تهاني : يمه حبيبتي انتي كيف تبينها تقعد كل هالمده وانتي تجبرينها على كل شيء
" تعريف بسيط على عائله الجوهره :
ابو الجوهره 'زايد' عمره 45 سنه مدير شركة كبيره ومعروفه للعطور
ام الجوهره 'منى' عمرها 40 سنه ومعلمه بمدرسه ثانويه
البكر أسامه عمره 27 سنه عسكري برتبه لواء معروف وله هيبته بين العساكر
بعد الجوهره تهاني عمرها 20 سنه ماتزال طالبه بالجامعه بتخصص تمريض "
ابو الجوهره : لاتشدين على البنت يكفي
سكتت امها والكل كمل اكله وتفرقو بالبيت
كانت تهاني تجلس مع الجوهره وتغير جو مع اختها وتحكي لها الي فات كله
يتبع...
