ببيت الجد إبراهيم الساعه 9:30 الصباح :
ام وليد : رهف فيك شيء يمه؟
رهف : لا مافيني شيء، ليه؟
ام وليد : من قمتي وانتي مو عاجبتني، تعبانه ولا مانمتي زين؟
رهف : لا الحمدلله نايمه زين ومافيني الا العافيه
الجد إبراهيم : ماقلتي لنا وش صار لكم امس بالسوق مب عادتك ماتقولين لنا شيء
رهف : ماصار شيء، طلعه سوق عاديه بدون احداث تذكر
الجد إبراهيم : زين الحمدلله، عسى سلمان ما تأخر عليكم؟
رهف : لا ابد ما تأخر إحنا تأخرنا شوي بالطلعه
ام وليد : ليه تأخرتو؟
رهف : كنا بمحل والكاشير عنده ناس واجد واخذ وقت على ما طلعنا
ام وليد : أي ماعليه حصل خير
الجد إبراهيم : لاتنسون تقولون للعيال عن عزيمه محمد
رهف : ان شاء الله أبشر
قام جدها وطلع من عندهم وهي دخلت بتفكيرها الي يوديها بداهيه دايم، دعت ربها ان الامور تمشي على خير وتبعد زياد عنها وعن حياه اخوانها
مر الوقت لين جت الساعه 6:05 المغرب، الكل وقتها كانو طالعين من المسجد
ببيت ابو عبدالرحمن :
كانت جود قاعده تبخر مجلس الرجال ووتين تبخر الملحق
دخلو بعد ما خلصو
جود : يمه ترى خلصنا
ام عبدالرحمن : كثر الله خيركم ما قصرتو
وتين : شدعوه يمه
جود : انا باخذ لي شاور وبقعد بالغرفه اذا بغيتو شيء علموني
الجده حصه : مو ناويه تجلسين معنا ان شاء الله؟
جود : والله يا جده منهد حيلي هد برتاح شوي ويمكن انزل
الجده حصه : خلاص الله يحفظك
طلعت جود لغرفتها ووتين جلست مع امها وجدتها تتقهوى معهم
على الساعه 6:30 وصلو ودخلهم عبدالرحمن للمجلس وبدأ الترحيب من الجد محمد وابو عبدالرحمن بزياد
جلسو وبدأ عبدالرحمن يصب لهم القهوه والحوارات تدور بينهم
جلس عبدالرحمن جنب سلطان بعد ما ترك الدله على الطاوله
سلطان : ياليت تهدأ شوي ترى واضح عليك انك مو طايقه
عبدالرحمن ببرود : خلهم يدرون، اساسا مايشرفني يكون واحد زيه بوسط مجالسنا
سلطان : مب حلوه بحق المجالس صح، بس خاطر جدك اهم
عبدالرحمن ببرود : أمري لله ما اقدر اقول شيء
نطق سلطان وهو يطبطب على كتفه : تصبر وانا اخوك تصبر
عند جود داخل غرفتها كانت مسكره الباب وجالسه عند تسريحتها وتكلم رهف وحاطه سبيكر
جود : والله يع ما اشتقت لذا الدكتور يارب مادته ماتنزل لي هالترم
رهف : بتنزل صدقيني ما يصدق على الله مادته تنزل هالترم مع باقي المواد
جود : الله يفكنا منه يارب
رهف : جود وش قاعده تسوين انتي؟
جود : ابد والله افير شعري
رهف : ليه وش المناسبه؟
جود : تقدرين تقولين فضاوه
رهف بضحك : حلو عادات وتقاليد اجل
جود : اغلب البنات كذا، وقت الفراغ يلعبون بأنفسهم
عم الصمت بينهم ل دقايق معدوده لين نطقت جود : رهف بسألك سؤال وجاوبيني بكل صراحه، بذمتك ماتكذبين علي
رهف : اسألي
جود : وش الي صار معك هالفتره ورهف تكفين ماتكذبين علي
كانت رهف تدري ان جود بتسألها هالسؤال لان من ذاك اليوم وهي ملاحظة ان جود تبي تعرف وش الي صاير لها
