قربت وتين الأغراض عند الباب عشان مايدخل عبدالرحمن وتتورط من جديد
عبدالرحمن : الله يهديك ويصلحك قولي امين
وتين : امين، والله اسفه
عبدالرحمن : حصل خير معليك بس انتبهي المره الجايه
اخذ نص الأغراض وعطاها سلمان بعد ما هاوشه لأنه كان فاهي بجواله والنص الثاني خذاه هو ورجعو للعيال
مسك وليد وسلطان اللحم
وسلمان وعبدالرحمن الرز والدجاج
وفهد كان يزين معهم بعض الأشياء
بعد نص ساعه جاهم الجد إبراهيم يسأل عن العشاء
الجد إبراهيم : مابعد جهز؟
وليد : اللحم مابعد استوى
سلطان : والرز مابعد طبخ زين الكميه كبيره شوي
الجد إبراهيم : وهالدجاج ذا لمن؟
عبدالرحمن : دجاجتين للحريم يا عم
الجد إبراهيم : ياكلون لحم معنا
سلمان : رهف ماتاكل لحم يا جد
فهد : ولا جدتي ما تاكله بعد
عبدالرحمن اول ما جابو سيره رهف من جديد كان لين الحين شكلها براسه ويفكر فيها من بعد ما شافها
سلمان : عبدالرحمن حطه هنا
عبدالرحمن : سلمان جب الصحن الثاني
سلمان : حط نص هنا ونص بالثاني
عبدالرحمن بحده : سلمان ابعد عني
سلطان : فهد جب الصحن الكبير قبل لا يشب فينا ذا
عبدالرحمن بحده : سلطان ان طحت بيدي مب فاكك احد ترى
سلطان : سلمان تعال معي داخل احسن لك
دخلو الاثنين عشان يزينون السفره وجاب عبدالرحمن الصحن حقهم عقب مادخل عشاء الحريم
كلهم تعشوو وعلى الساعه 11 بدا الجد محمد يدخلهم كلهم عشان ينامون
كان سلطان وعبدالرحمن وسلمان وفهد ووليد بالخيمه
والجد إبراهيم والجد محمد وابو عبدالرحمن بالملحق
كانو العيال سهرانين ويسولفون ويضحكون لين جت الساعه 1:40 وسمعو صوت احد قايم وكل واحد حط راسه على مخدته على اساس انهم نايمين وكلهم نامو بدون شعور من التعب
الساعه 5:25 كان وقت صلاه الفجر
دخل الجد إبراهيم للخيمه وقوم العيال الي كانو مرهقين مره
الجد إبراهيم بعصبيه : قومو الله حسيبكم من عيال!
سلمان : خمس دقايق
الجد إبراهيم : اعنبوكم مافيكم خيير قومو!
قامو وتوضو وهم يالله يمشون وصلو جماعه وبعدها رجعو ونامو
باليوم الي بعده الساعه 10 كان الكل قايم ويبون يسوون الفطور لكن الخبز خلص وفي أشياء البنات طالبينها
عبدالرحمن : من بيجي معي؟
سلطان : بجي معك
سلمان : وانا بجي بعد فهد نايم لين الحين عبدالرحمن بأبتسامه : يله مشينا
كانت ام عبدالرحمن مرسله الطلبات لعبدالرحمن
راحوا الثلاثه وكان عبدالرحمن الي يسوق وسلطان بجنبه وسلمان ورا
راحو السوبرماركت وجابو الأشياء الناقصه
ركبو السياره وهم بالطريق قعدو يتأكدون من الأغراض
عبدالرحمن : جبنا كل شيء اكيد؟
سلمان : جبنا خبز و المشروبات للعشاء واعواد الشوي واللحم
سلطان : وعندي انا الكباب والبهارت وبطاطسات البنات الي طلبو والحب
عبدالرحمن : زين وكرتونين الموية بالشنطه
وقت حديثهم ماحسو الا بشاحنه كانت معاكسه الطريق وخبطت بسيارتهم وانقلبو فيها
نزل سواق الشاحنه واتصل بالاسعاف على طول
بالمزرعة :
كان الجد إبراهيم والجد محمد جالسين سوا لين قاطعهم اتصال من جوال الجد إبراهيم وكان من سلمان
الجد إبراهيم : سلمان يدق عن إذنك
طلع من الملحق
الجد إبراهيم : ها وينكم؟
سلمان ببكاء : جدي تعال المستشفى تكفى
انفجع الجد إبراهيم من نبرته ومن الكلام الي يقوله : وش جاكم؟ وليه تصيح؟
سلمان ببكاء : جدي تكفى مقدر لحالي تعال
الجد إبراهيم : ابشر ابشر الحين بنجي بس انت أهدأ يابوك
سكر الجد إبراهيم ودخل للملحق
الجد محمد : وش قال لك؟
الجد إبراهيم : يقول تعالو المستشفى
قاطعهم دخول فهد وهو يقول مفجوع : سوو حادث يبه! بلغوني المستشفى تو
قام الجد محمد بسرعه معهم وقالو للحريم انهم بيطلعون وقلب الامهات من يومها طايح
قامو كلهم ابو عبدالرحمن والجد محمد والجد إبراهيم ووليد وفهد وركبو سياره وحده وراحو للمستشفى
عند البنات :
رهف : يمه وليد مايرد على جواله
وتين : شفت وليد يطلع معهم اكيد مارح يرد عليك
ام عبدالرحمن بخوف : الله يستر عليهم ولا يورينا فيهم مكروه
ام وليد : اللهم امين
جود : يمه طولو عبدالرحمن والي معه
الجده حصه بقهر : اكيد صار لهم شيء ولا مايطلعون كلهم كذا
ام سلطان : خالتي تكفين لاتروعيني على عيالي
الجده حصه : ما ابي اروع احد بس اكيد في شيء
بالمستشفى :
اول ما دخلو للمستشفى كان بوجههم سلمان وراحوا له بسرعه
الجد إبراهيم : سلمان
لف سلمان ولما شاف جده راح وارتمى بحضنه وهو منهار
خلوه يجلس ويهدئ عشان يعرفون وش الي صار
الجد إبراهيم : بسم الله عليك يا ابوك وش صار؟
سلمان : مدري مدري كنا بالسياره ونتفقد الأغراض فجأه طلعت قدامنا شاحنه معاكسه للطريق ولا ادري بعدها وش صار
ابو عبدالرحمن : الحمدلله على سلامتك اول
سلمان : الله يسلمك
وليد : وين الباقي طيب؟
سلمان : مدري والله قمت وانا فوقي ثلاث ممرضين ودكتور وجوالي كان معهم وشبه سليم ودقيت على جدي على طول
الجد محمد : ماتذكر وش الي صار ابد بالسياره؟
سلمان : لا
فهد : بسأل عنهم وبجيكم
راح فهد للاستقبال
فهد : سلام عليكم ورحمة الله وبركاته
الموظف : وعليكم السلام ورحمة الله وبركاته، كيف اخدمك؟
فهد : الصباح جاكم حادث فيه ثلاث اشخاص في اثنين مابعد لقيناهم وينهم؟
الموظف : حادث السياره؟
فهد : اي
يتبع...
