استودعهم عبدالرحمن قبل يمشي وراح مع سلطان عشان ياخذون الي يحتاجونه للعرس
مرت ساعتين من دخلو السوق والبنات من محل للمحل
جود : رهف شوفي بدخل هالمحل بشوف اذا فيه شيء زين ولا لا
رهف : تمام انا بنتظرك برا
جود : لاتبعدين شوي وبطلع
دخلت جود للمحل ورهف برا وتشغل نفسها بجوالها لين تطلع جود
حست وقتها رهف ان في احد وقف قدامها
زياد بأبتسامه : وش عندها رهف واقف لحالها؟
رهف بخوف : وش تبي انت!
زياد : ابد مريت من هنا ولقيتك موجوده قلت اجي اسلم عليك
رهف بخوف : ابعد عني يالمجنون
سمعت جود صوت رهف وقت كانت تحاسب على الفستان
خذت الكيسه وطلعت وشافت واحد واقف قدامها
جود : هي انت! ابعد عنها
زياد : ومن انتي عشان تتدخلين؟
رهف بخوف : خلاص امش من هنا ولا ترى بجمع عليك الناس
زياد : يابنت الحلال جيت بسلم عليك وبمشي يعني انتي قريب بتصيرين حلالي
جود : انت وش قاعد تخربط ابعد عنها!
سحبت جود رهف لعندها ومسكت يدها وعطو زياد مقفاهم "ظهورهم"
زياد : ياحلوه انتي على وين ماخذه البنت؟
جود : قلت لك بعد عننا تفهم انت ولا كيف؟؟
قرب زياد من جود ودفها بقوه على الأرض
وقتها كان سلطان يمشي بالممر الي هم فيه وكان عبدالرحمن بمحل ياخذ المقاسات عشان تفصيل الثياب
لما كان يمشي لمح البنات ورجال واقف قدامهم
راح لهم بسرعه لما شاف الشنطه الي كانت بسيارته وعرف انهم جود ورهف
سحب زياد من ورا ونطق ببرود : شكلك مضيع الدرب تيسر
زياد : ومن انت؟
سلطان ببرود : مايهم من انا عطني مقفاك وورني عرض اكتافك يله
نطق زياد وهو يمسح على كتف سلطان : اسمع على ما اعرف ان ولا وحدة منهم انت محرم لها عشان كذا يا اخوك اطلع منها عشان ماتتورط معهم زياده
وقتها ماحس زياد الا باللكمة القويه الي جته من سلطان
وقتها عبدالرحمن طلع من المحل وشاف المنظر وراح لهم بسرعه
عبدالرحمن وهو يناظر زياد : اقسم بالله العظيم ان كان الي براسي صح اني ما اخليك سليم يابن الكلب
سلطان ببرود : الي براسك صحيح سو الي تبي فيه
جود : عبدالرحمن تكفى مانبي مشاكل تكفى
عبدالرحمن : ممكن تاخذهم سلطان للسياره؟ منب متأخر
سلطان : سمّ، يله قومو
نطق زياد وهو بمسح الدم الي طلع من شفايفه : مع انه مو من محارمهم الا انك تأمن عليهم عادي انا صديق اخوها زي ما هو صديقك
عبدالرحمن بعصبيه: الي تتكلم عنه هذا يحترم انهم مو من محارمه مافي يوومم يتجرأ فيه يمسك يد اختي بخلوه يالي ماتستحي! تقارن سلطان فيك انت!!
لا شعورياً بدا هواش بينه وبين زياد وكل واحد يضرب الثاني ورهف وهي تشوف المنظر هذا قدامها انهارت بكي لان عارفه نهايه الموضوع هذا وش بيصير
حاول سلطان يفك بينهم ولا قدر لين تدخلو رجال كانو بالسوق وفكوهم عن بعض
عبدالرحمن : اقسم بمن احل القسم ان شفتك حولنا انك لتشوف شيء مايعجبك ابد سامع ياقليل الخاتمه!
سحبه سلطان معه لبرا ومتأكد ان البنات وراهم وركبو السياره وهو يسمع شهقات رهف بس ماقدر يميز اذا هي جود او رهف
وصلهم لبيت ابو عبدالرحمن ونزلت رهف معهم ووقتها وليد والجد ابراهيم عندهم
دخلو البنات بسرعه من باب المطبخ عشان محد يشوفهم من الحريم
غسلت رهف وجهها وهدت ثم دخلو عندهم وجلسو
دخل وقتها سلطان وعبدالرحمن للمجلس الي فيه الرجال
عبدالرحمن : السلام عليكم ورحمة الله وبركاته
لفو عليه الي بالمجلس وهم مصدومين من منظره جرح جنب شفايفه وكدمه على خده
نطق الجد محمد وهو مرتاع : وعليكم السلام، وش فيك؟
يتبع...
