BLACK MASK <||JJK||> ON GOING

🖤 12 🖤

වෙනදා වගේම මිෂෙල් යුනි ඉවර වෙලා ටේහියුන් එක්ක ගෙදරට ගොඩ වුණේ සින්දුවකුත් මුමුණන ගමන්මයි. සිංදුව මුමුණ මුමුණ ගෙට ඇතුලු වුණ මිෂෙල් දොර ගාවම නැවතුණේ එයා කියටවත් මේ මොහොතේ බලාපොරොත්තු නොවුණ කෙනෙක් සොෆාව මත ඉඳගෙන සිටි නිසයි.

ඒ වෙන කවුරුත් නෙමෙ ලීජන්ග්.

ලීජන්ග් සාමාන්‍යයෙන් මේ වගේ වෙලාවලට ගෙදර නොයෙන නිසයි මිෂෙල් ලීජන්ග්ව දැකලා පුදුම වුණේ.  ලීජන්ග් ගොඩක් වෙලාවලට කාලය ගත කරේ තමන්ගෙ කාර්යාලයේ. ඒකට ලොකුම හේතුව වුණේ මිෂෙල්ව මගහරින්න තිබ්බ ඕනකම. මොකද ලීජන්ගෙ හිතේ තදින්ම කා වැදිලා තිබ්බ දෙයක් තමයි එයා නිසා මිෂෙල්ට කරදරයක් වෙයි කියන එක. හරියට නිකන් මීට අවුරුදු ගාණකට කලින් තමන්ගෙ බිරිඳ තම ඇස් ඉදිරිපිටම මේ ලොව දාලා ගියා වගෙ.

තම පියාගෙ පැමිණිම පුදුම සහගත වුවත් කිසිවක් කතා නොකිරීමට උනන්දු වුනෙ නැති මිෂෙල් පඩි නගින්න පටන් ගත්තෙ තමා දැන් ලීජන්ග් එක්ක කතා කරොත් ඔහුට බාධාවක් වෙයි කියලා හිතලා. මොකද ලීජන්ග් හිටියෙ සඟරාවක් කියවමින්. 

ඔහොම නවතින්න මිෂෙල්.

පිටුපසින් ඇහුණ ගැඹුරු හඬට අවනත වුණ මිෂෙල් පිටුපස හැරි ලීජන්ග් දෙස බැලුවේ ඇයි කියලා අහන්න වගේ.

මෙතනින් ඉඳ ගන්න. මට කියන්න දෙයක් තියෙනවා. 

තමා හිඳ සිටි පුටුවට ඉදිරියෙන් තිබෙන පුටුව පෙන්නන ගමන් ලීජන්ග් කියනකොට මිෂෙල් කරෙ කරේ දමන් සිටි බෑගය අතට ගන්න ගමන් ලීජන්ග් වෙතට ඇවිදගෙන ගිය එක.

බෑගය ගලවා පැත්තකින් තිබු මිෂෙල් ලීජන්ග් දෙස බැලු විට ලීජන්ග් අතෙ තිබු සඟරාව පැත්තකින් තබා මිෂෙල් දෙසට නැඹුරු වුණා.

ම්ම්ම් මට කියන්න ඕන වුණේ හරියටම තව සතියකින් ඔයාගෙ මැරේජ් එක වෙනවා කියන්න. 

එක පාට්ට ලීජන්ග් එහෙම කියනකොට කලබල වුණ මිෂෙල්ගෙ කටින් වචන පිටවුනෙ නැති තරම්. මොකද කෙල්ල හිටියෙ ඒ තරමටම ශෝක් වෙලා.