Unicode
အပိုင်း - ၈၁ သူအရမ်းလွန်သွားပြီ!
“ မင်းဂျုံနဲ့ လုပ်ထားတဲ့ မုန့်တွေပဲ စားရမယ် ကြက်ဥတို့ ပြုတ်ထားတဲ့ အသားတို့ ငါးအသားလွှာတို့ကိုရွေး ငါ မင်းကို ငါးစက္ကန့်ပေးမယ် မြန်မြန်လေး ရွေး "
ယင်းရှောင်ကျဲက နဲနဲလေးတောင် အလျော့မပေးဘဲ စတင်ပြီးရေတွက်ကာ ဘာရွေးမလဲဆိုတဲ့ သဘောနဲ့ ကြည့်နေသည်
မုရှောင်းရှောင် အကူအညီမဲ့စွာနဲ့ပဲ
"ဒါဆိုလဲ ငါ ကြက်ဥနဲ့ ပြုတ်ထားတဲ့ အသားကိုပဲ ငါယူလိုက်ပါ့မယ် အခြားတစ်ခုခု ထပ်ထည့်လို့ရသေးလား? ဥပမာ စတော်ဘယ်ရီ ကိတ်တို့ ဘာတို့ပေါ့ နော် နဲနဲပဲလေ နော် နော် "
ယင်းရှောင်ကျဲက သူမကို တစ်ချက်ပဲ ဖြတ်ခနဲ စိုက်ကြည့်လိုက်ပြီး သူမနံဘေးမှာပဲ ဖုန်းနံပါတ်တစ်ခုကို ခေါ်လိုက်တော့သည်
မုရှောင်းရှောင် ယင်းရှောင်ကျဲ ပြောတာကို သေချာ မကြားရဘဲ သူမရပ်နေတဲ့နေရာမှာပဲ ငြိမ်ငြိမ်လေး ရပ်နေခဲ့သည်
"အစားအစာ ရောက်လာအောင် ဘယ်လောက်ကြာကြာစောင့်ရမှာလဲ ? "
မုရှောင်းရှောင် တစ်ခွန်းသာ မေးပြီး ညကောင်းကင်ယံကိုသာ တိတ်တဆိတ် လေ့လာနေမိသည် အမှောင်ထုသည်တောက်ပနေသောကြယ်များဖြင့်ပြည့်နှက်နေပြီးအလွန်လှပနေသည် ဒါကိုကြည့်လိုက်တော့ သူမရဲ့စိတ်ကပိုပြီး နေလို့ကောင်းလာပေမယ့် အစာအိမ်ကဆာလောင်ကြောင်း အချက်ပြနေသည်
"သိပ်မကြာပါဘူး။ ထိုင်ဖို့နေရာရှာကြစို့"
ကံကောင်းတာက သူတို့ရပ်နေတဲ့ ပတ်ပတ်လည်မှာ မြက်တွေရှိသည် ဒါကြောင့်သူတို့ထိုင်ချနိုင်သော နေရာများအများအပြားရှိသည်
မုရှောင်းရှောင် သူမမျက်နှာကို ရှုံ့တွပြီး
"ဒီမှာ ပိုးကောင်တွေရှိလား? "
"ဟုတ်တယ်၊ ပိုးကောင်တွေ အများကြီး ရှိတယ် မြွေတွေတောင် ရှိတယ် မင်းမထိုင်ချင်ဘူးလား?"
ယင်းရှောင်ကျဲ ဆိုးဝါးစွာပြုံးပြပြီး ပြောရင်း ထိုင်ချလိုက်သည်
YOU ARE READING
ချစ်ခြင်းဘီလီယံ ( Billion of Pampering Only For You)
RomanceThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ ငယ်ပေါင်းကြီးဖော်တွေဖြစ်တဲ့ သူ...
