Unicode
အပိုင်း - ၄၂ မင်း ငါ့ရှေ့မှာ ဆက်ပြီးတော့ ဖြူစင်ရိုးသားဟန် ဆောင်စရာမလိုဘူး
လုရိချန် ရုတ်တရက်ရပ်တန့်လိုက်ပြီး မျက်မှောင်ကြုတ်လျက် စကားပြောနေတဲ့ အစောင့်နှစ်ယောက်ဆီကိုလှည့်ကာ
“ ဟယ်လို ခင်များတို့ ပြောနေတာ မနေ့က ဂိတ်စောင့် ဦးလေးကိုပြောနေတာလား? ”
အစောင့်သစ်တွေလဲ ခဏတော့ ကြောင်သွားပေမယ့် မေးနေတဲ့ သူ့ကိုသိပုံရသည် ထို့ကြောင့် သဘောကောင်းစွာနဲ့ပဲ
"ဟုတ်တယ်၊ ကိစ္စ တစ်ခုခု ဖြစ်လို့လား "
ပြန်မေးကြသည်
"သူဘယ်အချိန်တုန်းက အလုပ်ထုတ်ခံလိုက်ရတာလဲ? ဘာကြောင့် အလုပ်ထုတ်ခံလိုက်ရတာလဲ? "
လုရိချန် သေသေချာချာ လေးနက်စွာ ထပ်မေးလိုက်ပြန်သည်
"ဒါ .....ဒါက ....မနေ့က နေ့လည် မွန်းလွဲပိုင်း လောက်မှ ထုတ်ခံလိုက်ရတာ အကြောင်းပြချက်ကတော့ ... "
အစောင့်သစ်သည် အလွန်စိတ်သောကရောက်နေပုံပေါ်နေကာ ပြောရင်ကောင်းမလား မပြောရင်ကောင်းမလား စဉ်းစားကာ လုရိချန် အနားမှာ ရှိနေတဲ့ မုရှောင်းရှောင်ကို တစ်ချက်ကြည့်လိုက်ပြီး
"ဝမ်းနည်းပါတယ်၊ ဒါက အတွင်းရေးကိစ္စမို့ မင်းကိုပြောဖို့အဆင်မပြေဘူး"
အစောင့်က မပြောခဲ့ရင်တောင် လုရိချန် ဘာတွေဖြစ်နေတယ်ဆိုတာကို နားလည်သွားသည်
လုရိချန် မျက်နှာက ပြန်ပြီးတော့ ပုံမှန်ဖြစ်သွားကာ တည်ငြိမ်ယဥ်ကျေးစွာဖြင့်
"ကျေးဇူးတင်ပါတယ် ကျွန်တော် သိပါပြီ "
ထို့နောက် လုရိချန် မုရှောင်းရှောင်ကို ထားခဲ့ကာ ထွက်သွားတော့သည်
မုရှောင်းရှောင်ကတော့ ဘာတွေ ဖြစ်နေမှန်း သေချာ ရှင်းရှင်းလင်းလင်းမသိပေ လုရိချန် အစောင့်ကို မေးတာကိုစောင့်ပေးနေမိသည် အလုပ်ထုတ်လိုက်တယ် ?
မနေ့က သူမကို တားလိုက်တဲ့အစောင့်လား? သူ့ကို ဘာကြောင့်များ အလုပ်ထုတ်ပစ်တာပါလိမ့် ?
YOU ARE READING
ချစ်ခြင်းဘီလီယံ ( Billion of Pampering Only For You)
RomanceThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ ငယ်ပေါင်းကြီးဖော်တွေဖြစ်တဲ့ သူ...
