Unicode
အပိုင်း-၃၇ နင် လုပ်ရဲတယ်ဆိုရင်တော့ ငါ့ကို ထားခဲ့လိုက်လေ
"ဝါး , လန့်လိုက်တာ "
မုရှောင်းရှောင် သူမဘေးနားမှာ လှဲနေတဲ့ ယင်းရှောင်ကျဲရဲ့ အေးစက်ချောမောတဲ့ မျက်နှာသေကြီးကို တွေ့လိုက်ရတော့ သူမစိတ်ထဲမှာ မပြင်ဆင်ထားရသေးတာကြောင့် လန့်သွားရလေသည် .
နံဘေးမှာ လှဲနေတဲ့ ယင်းရှောင်ကျဲရဲ့ ချောမောလှတဲ့မျက်နှာဟာ ရှောင်းရှောင်ရဲ့မျက်နှာနဲ့ စင်တီမီတာ အနည်းငယ်ပဲ ကွာဝေးပေမယ့် တမင် သူ ထပ်တိုးလိုက်ပြီး ရှောင်းရှောင်ရဲ့ မျက်လုံးတွေကို စိုက်ကြည့်လိုက်သည်
ဒီအချိန်မှာတော့ မုရှောင်းရှောင် အိပ်ချင်စိတ် လုံးလုံးပြယ်သွားချေပြီ မုရှောင်းရှောင် သူမရဲ့ မျက်လုံးလှလှလေးတွေကို တောင်မြောက် ကြည့်ပြီး ကလယ်ကလယ်လေး လုပ်လိုက်ကာ သူမအနီးနားကို ကပ်လာတဲ့ ယင်းရှောင်ကျဲကို ကြည့်ပြီး
" ဟေ့ နင်အရင် လာထိတာနော် ? မနေ့ကတော့ နင်ပဲ ငါ့ကို
လာပြီး တစ်ခုခုမလုပ်နဲ့လေး ဘာလေးနဲ့ ကိုယ့်ကိုကိုယ်
ငပွေဆိုတာလဲ သတိလေးရဦး "
ပြောနေတုန်း ရှောင်းရှောင်ဟာ သူမရဲ့ လက်ချောင်းလေးတွေနဲ့ ယင်းရှောင်ကျဲရဲ့ ရင်ဘတ်ကို ထိုးထိုးပြီးပြောနေတာကြောင့် ယင်းရှောင်ကျဲ သူမရဲ့ လက်ချောင်းတွေကို ဖမ်းဆုပ်လိုက်ကာ မျက်လုံးတွေကို ကျဉ်းမြောင်းလိုက်ပြီး
"ရှောင်းရှောင် မင်းသေချာကြည့် ဒီဘက် အခြမ်းက ငါပိုင်တာလေ မင်းအရင် စထိတာလေ "
ဒါပေါ့ သူလုံး၀ပြောမှာမဟုတ်ဘူး မနေ့က သူမလေးအိပ်ပျော်နေတုန်း သူ့ကို လုပ်ခဲ့တဲ့ ကိစ္စကိုပေါ့
မုရှောင်းရှောင် ခုတင်ကို ကြည့်လိုက်တော့လဲ သူတို့ မနေ့ကအိပ်တုန်းက တစ်ယောက်တစ်ခြမ်းစီအိပ်တာ ဖြစ်ပေမယ့်
အခုသူမက ယင်းရှောင်ကျဲရဲ့ အိပ်ရာဘက်ကို ရောက်နေပြီး ယင်းရှောင်ကျဲရဲ့ ခန္ဓာကိုယ်ကိုလဲ ရေဘဝဲလို့မျိုး ခွထားရက်သားဖြစ်နေသည်
ဘယ်သူက အရင် စထိတာလဲ ဆိုတာက ဘယ်လိုပဲ ဖြစ်ဖြစ်သိသာနေတာပင်
YOU ARE READING
ချစ်ခြင်းဘီလီယံ ( Billion of Pampering Only For You)
RomanceThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ ငယ်ပေါင်းကြီးဖော်တွေဖြစ်တဲ့ သူ...
