သည်တစ်ခေါက်တွင် အနောက်၌ကာကွယ်ပေးမည့်ဒုတိယမီးသတ်ပိုက်မရှိသဖြင့် ရန်ရိသည် စွန့်စားပြီးတော့မဝင်ရဲချေ။ သို့သော် လိပ်တံခါးသည် အရှေ့ဘက်မဝေးသည့်နေရာတွင် ကျိန်းသေရှိနေပေသည်။ အကယ်၍ ဒုတိယမီးသတ်ပိုက်ကို စောင့်နေမည်ဆိုလျှင် အချိန်က ခွင့်မပြုလောက်ချေ။ တစ်အနေဖြင့် မီးသည် ပိုပို၍ကြီးလာနိုင်ပြီး နောက်ဆုံးတွင် ထိန်းချုပ်၍မရသည်အထိဖြစ်သွားနိုင်သည်။ နှစ်အနေဖြင့် သူတို့၏အောက်ဆီဂျင်ဘူးသည် ခုနစ်လွှာရှိလိပ်တံခါးကို ချသည်အထိ မတောင့်ခံနိုင်မည်ကို စိုးရပေသည်။ ဘူးကို သွားလိုက်လာလိုက်နှင့် လဲနေရသဖြင့် နှောင့်နှေးသွားသည့်အချိန်သည် သူတို့ လိပ်တံခါးကိုချနိုင်မည့်အချိန်ကို အလဟဿဖြစ်သွားစေနိုင်ပေသည်။
ရန်ရိ ：
" ဌာနချုပ်၊ အခု လေဦးတည်ရာက ဘယ်ဘက်လဲဗျ ？"
" လေက အနောက်တောင်ကိုဦးတည်နေတယ်။ "
ရန်ရိသည် အနောက်ဘက်ရှိပြတင်းပေါက်ကို ညွှန်ပြလိုက်ပြီး ：
" ပစ္စည်းတစ်ခုခုကို ရှာပြီးတော့ အဲဤဒီပြတင်းပေါက်ကို ခွဲလိုက်။ ငါတို့အတွက် အချိန်နည်းနည်းယူပေးနိုင်လောက်တယ်။ "
" ကောင်းပါပြီ။ "
ချွေးယိစန့်သည် ဘေးပတ်ပတ်လည်ကို ကြည့်လိုက်ပြီး၊ ခွေးခြေတစ်လုံးကို ရွှေ့လာခဲ့သည်။
ရန်ရိသည် ဝေါ်ကီတော်ကီမှတစ်ဆင့်ပြောလိုက်သည် ：
" ဝမ်မန်၊ ဝမ်မန်။ "
" ရှိတယ်၊ ပြော။ "
" ငါတို့ခြောက်လွှာစင်္ကြံကို မီးသတ်ပိုက်တစ်ချောင်း လောက်ကူညီပေးနိုင်မလား ？"
ဝမ်မန်၏အသံမှာ ပြင်းထန်စွာမောဟိုက်နေပြီး၊ လည်ချောင်းကလည်းခြောက်နေသဖြင့် လူသံနှင့်မတူတော့ပေ ：
" ငါ လူတွေကိုရွှေ့ပေးနေတုန်းမလို့ ခွဲထွက်လို့မရဘူး။ မင်း ဌာနချုပ်ကိုရှာပြီးတော့ စီစဥ်ခိုင်းလိုက်ပါ။ "
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
Chapter 116
Start from the beginning
