Fight The Fire 《火焰戎装》Myanmar Translation

YOU ARE READING

General Fiction

Original Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...

#188boysgroup #bl #boyxboy #chinese #shuiqiancheng #translation #水千丞

Chapter 44

Start from the beginning

by Alice__Wang17

ကုံးရင့်ရှန်သည် ဟူဒီခေါင်းစွပ်ဆောင်းထားသည့်လူနှင့် ဘယ်နှဆယ်မီတာမျှမကွာတော့သည့်အချိန်တွင်၊ ဟူဒီနှင့်လူသည် ကုံးရင့်ရှန်အား တွေ့သွားပြီး၊ ခန္ဓာကိုယ်ကလည်း သိသိသာသာလန့်သွားခဲ့သည်။

ကုံးရင့်ရှန်က သူ့ရဲ့အပြင်ပန်းပုံစံအပေါ် ဘာမှမခံစားမိတဲ့ပုံပဲ။ ဒီလောက် ဖမ်းစားနိုင်စွမ်းရှိနေတာ၊ ရာဇဝတ်သားကိုလာဖမ်းတာနဲ့ တကယ်ကိုအံကိုက်မနေဘူး ဟု ရန်ရိစိတ်ထဲတွင်တွေးမိလိုက်သည်။

တကယ်ကိုပင်၊ ဟူဒီနှင့်လူသည် မသိလိုက်ဘာသာနှင့်သံသယစိတ်က မြှင့်တက်လာခဲ့ပြီး၊ ကုံးရင့်ရှန်အား မှတ်မိသွားတော့သည်။ သူသည် သူ့အပေါင်းအပါကို တစ်ခွန်းခွန်းပြောလိုက်ပြီး၊ နှစ်ယောက်သည် ရုတ်ခြည်းဆိုသလို ကိုယ်ကိုလှည့်ပြီးထွက်ပြေးကြတော့သည်။

ရဲများကလည်း မဆိုင်းမတွလိုက်ဖမ်းလေသည်။

သံသယလူနှစ်ယောက်သည် အရပ်နှစ်ဖက်ကိုခွဲပြီး လှိုဏ်ခေါင်းထဲသို့ပြေးဝင်သွားပြီး၊ လူရှုပ်သည့်ရပ်ကွက်ထဲသို့ ရောဝင်သွားလေသည်။

ကုံးရင့်ရှန်သည် ဟူဒီခေါင်းစွပ်ဆောင်းထားသည့်ယောကျာ်းကို လိုက်ရင်း၊ သူ့၏လုပ်ဖော်ကိုင်ဖက်နှစ်ယောက်ကို ဟူဒီနှင့်လူ၏အပေါင်းအပါကို လိုက်ခိုင်းလိုက်သည်။

ထိုဟူဒီနှင့်သည် ပြင်းထန်သည့်ပြစ်မှုကျူးလွန်ခြင်းထဲတွင်ပါဝင်သည့် လူကိုထိခိုက်ခဲ့ဖူးသည့်ပြစ်မှုမှတ်တမ်းဟောင်းရှိသည်။ ရဲများက သည်လိုမျိုးလူခြေစိပ်သည့်နေရာမျိုးတွင် မတတ်သာ၍သာမဟုတ်ပါက သေနတ်နှင့်ပစ်လိမ့်မည်မဟုတ်ကြောင်းကို ရန်ရိသိပေသည်။ တစ်က အများပြည်သူကို ထိခိုက်မှာစိုး၍ဖြစ်ပြီး၊ နှစ်က အထိတ်တလန့်ဖြစ်မှာစိုးသောကြောင့်ဖြစ်သည်။ ရန်ရိသည် ကုံးရင့်ရှန်ကို စိတ်မချသဖြင့်၊ ကားတံခါးကိုတွန်းဖွင့်ပြီး ကားပေါ်မှဆင်းကာ၊ လိုက်သွားတော့သည်။

ဟူဒီခေါင်းစွပ်ဆောင်းထားသည့်ယောကျာ်းမှာ ဒီနယ်မြေတစ်ဝိုက်ကို အလွန်တရာမှအကျွမ်းတဝင်ရှိပြီး၊ လမ်းကြိုလမ်းကြားထဲသို့ အသက်လုပြီးပြေးသွားလေသည်။ လမ်းကြိုကြားထဲတွင် သက်ရှိလှုပ်ရှားမှုများနှင့်ပြည့်နှက်နေခဲ့သည်။ အင်္ကျီအခြောက်လှန်းထားခြင်း၊ ကောက်ပဲသီးနှံများ လှန်းထားခြင်း၊ အစားအသောက်များ ရောင်းချခြင်း၊ သစ်အယ်သီးများ လှော်နေခြင်းစသည်တို့မှာ လမ်းကြား၏နေရာတိုင်းတွင် ဖြန့်ကြက်ကာတည်ရှိနေခဲ့သည်။ ဤနေရာရှိ အခြေခံအဆောက်အအုံများမှာ အရမ်းဆိုးရွားလွန်းပေသည်။ လမ်းမပေါ်တွင် ကလိုင်များဖြစ်နေပြီး၊ အိမ်များမှာ အိုဟောင်းစုတ်ပျက်နေခဲ့သည်။ နေရာတိုင်းတွင် အမှိုက်နံ့နှင့်မိလ္လာရေအနံ့ဆိုးများ ထုတ်လွှတ်နေခဲ့သည်။