The Prince Who Built the Snowman (Prince Series #4)

Chapter 45

"Huh? Hindi rin. Dapat pala matagal na? Hindi na talaga sila magkasundong dalawa kahit noong dito pa nakatira ang mga Ferell. Besides, Tanya's too in love with someone else. Ganoon din yata si Troy. Sa pagkakaalala ko ay si Owen pa ang nanligaw diyan kay Tanya."

Napanguso ako. "Ay, talo-talo? Naririnig ko iyong mga sinasabi ni Troy. Lagi niyang sinasabi na bet siya ni Tanya."

Nasamid si Leiden. "No way."

Tumaas ang kilay ko at umiling lang sa akin si Leiden. "I am not too close with them, pero dahil kay White mas nakilala ko sila. It's impossible for them to have that problem. Basta... they are good guys, Ashanti. Good friends too, and too bad as enemies."

Napatango ako sa huling sinabi niya.

Akala ko ay magtatagal sa mikropo iyong si Troy, nag-anunsyo siya na kailangan niya raw ng water break kaya si Aldus na naman ang dj. Hindi ko pa nakakalimutan ang lahat ng lumalabas doon sa bibig niya nang huling beses ko siyang narinig mag-dj.

It was a disaster!

"L-Leiden, I need to go somewhere..."

"Hmm? Do you want me to—" umiling ako.

Gusto kong magpunta roon sa lugar na hindi ko maririnig iyong mga Ferell. Nasaan na ba talaga iyong si Farrah? Natapos na iyong laro ay hindi ko pa rin siya nakikita!

Nagtataka man ay tumango na lamang sa akin si Leiden. Lakad takbo na ako papalayo sa lamesa namin at nang sandaling lumingon ako pabalik sa kanya, pansin ko na may lumapit na ilang babae sa lamesa namin.

He turned to look at me. I nodded at him. I even waved my hand to tell him that it was okay. Kahit malayo siya ay nakita kong nagkibit balikat siya, umakbay rin siya sa mga babae at mukhang hihilahin na siya sa dance floor.

Nagsisimula na akong mag-dial sa aking telepono nang biglang may bumangga sa aking unahan.

"Ouch!"

"A-Ashanti!"

"Farrah! Saan ka ba nagpunta?"

Hindi niya agad ako sinagot, sa halip ay lumingon siya sa likuran niya na parang may tinatakbuhan siya.

"Something's wrong?"

"We need the crowd, Ashanti."

"Huh?"

Hinawakan na niya ang kamay ko at marahas niya akong hinila roon sa dagat ng mga tao na kasalukuyang nagkakagulo sa dance floor.

"F-Farrah! Wait!"

"Please, Ashanti... just for a moment."

Nagtataka man ay hinayaan ko na siyang hilahin ako. Doon pa talaga kami tumigil sa gitna na halos naghalo na ang amoy at pawis ng mga tao. Ramdam ko na naman ang pinauulan nilang alak.

Eksaktong walang Ferell ang nakaupo roon sa stage para magpaulan ng kabulastugan.

"What is wrong with you, Farrah?"

Hindi na niya ako sinagot. Sa halip ay walang kurap niyang tinatanggap iyong mga baso ng alak na may iba't ibang kulay sa tuwing may nag-aalok sa kanya.

Nagtatalon-talon na rin siya habang nakataas ang kamay. Sa sobrang dami ng mga taong nagsasayaw, ilang beses na kaming nababangga ni Farrah.

Akala ko ay wala pa siyang inom kanina nang dalhin niya ako rito, pero nagkamali ako. Bakit hindi ko agad siya naamoy?

"F-Farrah! Stop it! Baka hindi ka na makauwi niyan!"

Ilang beses kong pinigilan si Farrah sa pagtanggap niya ng iba't ibang alak na inaabot sa kanya. I even tried to drink four to five glasses of colored drinks just to stop her, but I just realized that it was a bad move.