I
Oh Amang walang kapantay
Na Siyang Manlalalang
Kaluluwa nami't buhay
Ikaw ang nagtatangan
Kaya si Kristong pag-ibig
Sinugo Mo sa daigdig
Sa sala nami'y panlinis
Tutubos sa ligalig
II
Ligalig ng sanlibutan
Lagi sa kalayawan
Mahirap at mayayaman
Marunong mga mangmang
Kaya tao mag-isip ka
Samantalang may oras pa
Upang tayo'y iligtas N'ya
Sa lagim ng parusa
III
Ang salita ng Dios Ilaw
Tanglaw sa kadiliman
Alalay sa kahinaan
Sa 'ting lupang katawan
Kaya kami nananalig
Na kami ay mabibihis
Sa salang lumiligalig
Narito sa paligid
IV
Walang hapis, walang lungkot
Sa Bayang maalindog
Pawang aliw, pawang lugod
Na hindi matatapos
Kamataya'y napawi na
Hirap dusa at balisa
Bagabag na bumabakla
Ligayang walang hangga.
DU LIEST GERADE
HIMNARIO - MCGI
SpirituellesAng mga awit na ito ay ibinalangkas sa pangangasiwa ni Kapatid na Nicolas A. Perez at Kapatid na Eliseo F. Soriano.
