قاب وطنين أو أدنى

أبعد مدى

تلميح: حبيبتي؛ أعرف أنّ الأسرار إن انكشفت ستسقط السماء على رؤوسنا.. وأعرف أنّ القلوب - وإن طال الأمر - تذبل، والمشاعر - وإن كانت عميقة - تنمحي، والآلام - مهما زادت - تندثر، ولكنّني أعرف كذلك أنكِ أنتِ... وحدكِ حبيبتي الملاذ.

كانوا يجلسون في كافيه قريبا من شقة عمر، نظر يحيى لمارسيل متجاهلا الشباب الذين يتكلمون، وهمس/ مالك؟ من اول ما قعدت وانت ساكت
مارس/ ولاشي
يحيى تنهّد/ حالتك مش عاجبتني يا مارسيل!
مارسيل نظر له ثم قال بتردد/ ولا أنا !
يحيى/ طيب احكي!! صار اشي لما انسجنت؟
مارس/ عااااد يعني قضيت سبع سنين بالسجن! كلّها ليييلة
ابتسم يحيى وأكمل يغنّي/ ليلة لو باقي ليلة من عمري...
قاطعه/ اخرس مشان الله مش ببالي اسمع ولا حرف من اغنية دمار!
يحيى/ لاااا حالتك بالويل!! طيب أغنيلك دحية؟
مارس نظر له بحدة فضحك/ ههههههه خلص بمزح معك مالك صدقت!!

عبدالله وقف بعد أن شرب كأس النيسكافيه وقال/ يلا يا جماعة انا رايح
يحيى/ لسا ما قعدت!
عبدالله/ عزيزي يحيى، الحمدلله على السلامة، الله يسلمك، اي والله اخذنا واعطينا مع بعض بكفي ما تحسسني انك الك سنة محبوس ومش شايفك! ترا مبارح كنت بخلقتي!!
يحيى/ طيب الحق على الحيوان الي قاعد قبالك! انقلع روووح وين ما تروح!
ضرب عبدالله الطاولة وقال باستفزاز/ حياة التيكن صعبة ياخوان!! انتو سنجل بائسين طول نهاركم فاضيين بس احنا لاااا اابدا
يحيى حدّق به بطريقة أخافته، كأنه سيقتله
يوسف/ انت لا تجيد سوى الكلام، حين ينظر لك أحدهم تتحول لكلب يرتجف!
عبدالله نظر له بصدمة/ جميييييل! انت من متى طالعلك لسان؟
يحيى/ ههههههههههههههههههه والله صاير يقصف جبهات احلا يوووسي
يوسف بانزعاج/ لا تغير اسمي! اسمي يوسف
يحيى/ حاضر انت بس ما تضايق
عبدالله/ مالت ع هيك وجووووه... سلام!!!
يحيى/ الله معوووو...

حين غادر تمتم/ قال سناجل بائسين قال!! ما الك بالقصر الا مبارح العصر يا مفعوووص
طيب بتشوفو الا اخطب واقاهركم
مارس/ اه اه.. جيبلنا راس أرجيلة جديد وانت ساكت
يحيى/ بتسلّكلي ابو العم؟! طيب... ضلو استخفوا بقدراتي شي يوم رح اصدمكم
مارس/ مشان الله اصدمني!! اه اصدمني وصير بني ادم
يحيى بإصرار/ خلص ولا يهمك غاااالي والطلب رخيص!
يوسف/ يا شباب... سؤال
يحيى/ تفضل عزيزي يوووسف
يوسف/ بدي تساعدوني... احكوا لي كيف رح يتم الزواج بهاد البلد؟
يحيى/ ااه ااااااه يعني نووويت؟
يوسف/ انا فقط اسأل! سأجمع معلومات
يحيى/ يعني بتتخوث علي تجمع معلومات عن الزواج؟ هو انت عليك برزنتيشن ولا ايش!!
احكي بس انك بدك تخطب البنت العجيبة!
يوسف/ رح تحكو ولا اسأل واحد آخر؟
يحيى/ لا شو واحد اخر! انا الي بحكيلك!! شوف رح ابلشلك من الخطبة.. وبعدهااااا للزواج تا ينجمعو راسين بالحلال شو رأيك؟

نظر له يوسف باستغراب، تحسّس رأسه وقال بخوف/ راسين؟
يحيى نظر لمارسيل بضحكة/ ههههههه والله لازمو فت خبز عشان يصير فلسطيني!! بس اصبر اذا ما خطبتلو الي بحبها بإيدي ما بكون يحيى!!
والله لأسااااعدو.. الصديق وقت الضيق
مارس وهو يعدّل أرجيلته/ اه اه ! اخطب لحالك أول!!