قاب وطنين أو أدنى

بداية؟

تلميح : أحمد.

وقف جود أمامها وهي تقول/ خلص آخر مرة ما بعيدها!
جود/ أكذب وحدة في التااريخ!
كل مرة بتحكيلي نفس الاشي!

تأففت حور/ جووود مرقها خلص اخر مرة!
ثم صرخت بوجع حين حرقها المعقم الذي يضعه فراس على جرح ركبتها/ فراس شوي شوي بووجع!
نظر لها بغضب/ مستاهلة! انتي متى بدك تكبري؟
عيب عليكي صار عمرك 17 سنة وانتي مفكرة حالك صغيرة بتتصرفي بطيش!

عبست/ حكيتلك ضعت! ما بعرف الطرق لسا.
فراس/ ليش تطلعي من الاسااس؟
حور/ هيك حبيت أشمّ هوا جديد!
أغلق علبة المطهر وقال/ اخر مرة حور! اذا ثاني مرة بتعملي اشي بتخوفينا عليكي هيك رح اتصرف معك تصرف تاني! فهمتي؟

رمشت بقهر/ ما تصرخ عليّ خلص.

دخلت أم فراس الغرفة وهي تحمل معها الماء/ كيف صرتي؟
اومأت حور/ تمام
وأخذت منها الكأس لتشرب بينما فراس يضع لاصقة للجروح على ركبتها ويقول/ خلصنا، سلامتك.
حور/ الله يسلمك، وين بابا؟
ام فراس/ تحت مع الزلام، بدنا نحط الاكل عشان يتغدو، فراس وجود الزلام بغرفة الضيوف الخارجية ماما
جود/ ماشي انا نااازل...

وخرج، بينما وقف فراس وهو ينظف ما تركه على الارض من قطن فأوقفته أمه/ اترك من ايدك انا بشيلهم روح
فراس/ خديلي طريق طيب
ام فراس/ في طريق توكل

خرج فراس بخطوات سريعة وهي يمسح يديه بمحارم ورقية.

سألت حور أمها/ متى بدنا نرجع على البيت؟
أم فراس/ مش شايفة ابن عمك جاي من السفر؟ بدنا للعشا
حور فتحت عينيها/ نعممم! انا مش رح استحمل!
بدي ارجع على غرفتي! الله يخليكي حدا يوصلني للبيت ويرجع هون.
أم فراس/ لاا طبعا، ما بصير تضلي لحالك بالبيت لانو بعيد عن هون، خليكي شوي وبنروّح ما تقلقيني بحكيك الكتير
حور/ بس يا ماما...
قاطعتها/ انا رايحة شوف نسوان عمامك واساعدهم، حسك عينك اسمعك بتحكي هيك عيب، الناس عازمينا ومتعبين حالهم.

تكتفت حور باعتراض ونظرت للجهة الأخرى بعدم اعجاب بينما خرجت أمها، أمالت فمها بعبرة وهمست/ متى بدي أتعوّد؟ قرفت حالي ياربي!!

تنهدت وهي تتذكر، قبل نصف ساعة :

نظر لها عمر وهي واقعة على الأرض، اقترب منها وقال/ صارلك شي؟
قالت بغضب/ لا!!
تكره أن تظهر ضعفها! لديها كبرياء عنيد لا ينكسر!

عمر/ طيب اعطيني ايدك اساعدك يلا بدنا نلحق نوصل
نظرت ليده الممدودة ثم الى وجهه وشعرت بقلبها ينبض بصورة غريبة، وضعت يدها على معدتها بصورة آلية حين انقبضت هي الأخرى.
حين لاحظ سرحانها ضيّق عينيه بتفكير/ طيب؟ رح تضلي صافنة هيك؟