_The Orchid Resident_
ពន្លឺព្រះអាទិត្យចេះរស្មីចូលមកក្នុងបន្ទប់គេងតាមផ្ទាំងកញ្ចក់ ដូចជាកំពុងតែលាបព៌ណទឹកមាសស្រាលស្រទន់ ទៅលើជញ្ជាំងព៌ណសនៃបន្ទប់ ទីក្រុងនៅខាងខាងក្រៅកំពុងតែមមាញឹម ចំណែកឯនៅក្នុងបន្ទប់នេះនៅរក្សាភាពស្ងប់ស្ងាត់ដដែល
Jimin បានភ្ញាក់ពីដំណេកដោយនៅសឺរៗ នៅឡើយ បបូរមាត់ញាចចេញជាស្នាមញញឹមនៅពេលដែលស្តាប់ឮសម្លេងបេះដូងរបស់ Jungkook នៅជាប់ត្រចៀកខណៈពេលដែល គេកំពុងតែគេងនៅលើដើមទ្រូងរបស់ Jungkook ហើយដៃរបស់ Jungkook នៅអោបក្រសោបចង្កេះរបស់គេនៅ ឡើយ
Jimin គ្រាន់តែសម្លឹងមើលគេដោយមិនបានកំរើក គ្រាន់តែដកដង្ហើមរីករាយនឹងវត្តមានមនុស្សដែរកំពុងតែគេងអោបគេនៅពេលនេះ ក្លិនទឹកអប់ប្រហើររបស់ Jungkook នៅភាយមកចូលក្នុងច្រមុះគេនៅឡើយ ទោះជាយប់មិញរវងាគេជាមួយ Jungkook បញ្ចប់ទៅមិនតិចដងបែកញើសសស្រាក់ យ៉ាងណាក៏ដោយ
វាជាលើកទីមួយក្នុងឆាកជីវិតរបស់គេដែរភ្ញាក់ឡើងនៅក្នុងរង្វង់ដៃរបស់នរណាម្នាក់ដែរធ្វើអោយមានអារម្មណ៍ថាកក់ក្តៅ មិនមែនជាការស្តាយក្រោយ
"Jungkook..." Jimin ឧទានឡើងដោយបិទភ្នែករបស់គេវិញ ព្រមជាមួយសម្លេងស្រទន់
"ហឹម?" សម្លេងឆ្លើយតបពីបំពង់.ក.របស់ Jungkook ធ្វើអោយ Jimin ញញឹម
"អូនគិតថាអូនចូលចិត្តភ្ញាក់ឡើងបែបនេះ" Jimin និយាយដោយសម្លេងទាបល្មម
"ល្អហើយ! ព្រោះបងគិតថានឹងផ្តល់ពេលវេលាបែបនេះអោយអូនពេញមួយជីវិតនេះទៅ" Jungkook ប្រាប់ដោយអោប Jimin កាន់តែណែននៅក្នុងរង្វង់ដៃរបស់គេ
"មិនបានទេ! អូនចូលចិត្តបែបនេះតែពួកយើងមិនអាចធ្វើ
បែបនេះរាល់ថ្ងៃទេ" Jimin បើកភ្នែកមកតវ៉ា
"ព្រោះអូនត្រូវរស់នៅជាមួយបង Jin"
"មករស់នៅជាមួយបងមក! បង Jin ទុកអោយបងធំគាត់មើលថែទៅ" Jungkook តបវិញដោយសាមញ្ញ ដោយធ្វើអោយ Jimin ទះដើមទ្រូងរបស់គេតិចៗ ធ្វើអោយគេអស់សំណើច ហើយខិតមកថើបថ្ងាស់របស់ Jimin
"ពេលនេះម៉ោងប៉ុន្មានហើយ?" Jungkook សួរដោយនៅខ្ជិលមិនទាន់ចង់ក្រោកចេញពីលើពូកនៅឡើយ
