_KTK Group_
ការប្រជុំទៅតាមផ្នែកនីមួយៗ ក៏ត្រូវបានបញ្ចើទៅដោយគ្មានបញ្ហាអ្វីស្មុគស្មាញ ដែលប៉ះពាល់ពីការផ្លាស់ប្តូររចនាសម្ព័ន្ធថ្មី គ្រាន់តែមានការងារខ្លះនៅខ្វះចន្លោះបន្តិចបន្តួច តែក៏ជាជាបញ្ហាតូចតាចប៉ុណ្ណោះ
Namjoon ក៏បានត្រឡប់មកបន្ទប់ធ្វើការរបស់គេវិញ រួចយក ទូរសព្ទ័ខលទៅរកប្អូនប្រុសរបស់គេ ដែលបាត់មួយល្ងាចសូម្បីតែប្រជុំក៏មិនចូល ខលចូលហើយតែ Jungkook មិនលើកទូរសព្ទ័
ឃើញបែបនេះ Namjoon ក៏មិនបានតាំងគិតថានឹងខលទៅម្ដងទៀត ព្រោះដឹងថាបើខលទៅម្ដងទៀតក៏ប្អូនគេនៅតែមិនលើលដដែល
ប៉ុន្តែ Namjoon ក៏ងឿងឆ្ងល់ខ្លះដែរថាប្អូនប្រុសរបស់គេមានការងារអីសំខាន់ជាងប្រជុំទៀតនោះ ខំគិតប៉ុន្មាននាទីដែរក្រែងល៎នឹកឃើញថាប្អូនគេមានណាត់ជាមួយភ្ញៀវវីអាយភី ឬយ៉ាងម៉េចតែគេក៏នឹកមិនឃើញ បន្ទាប់មកក៏ខ្ចិលគិតទៀត ងាកមកចាប់អារម្មណ៍ជាមួយនឹងការងារនៅលើតុរបស់គេវិញ
បន្ទាប់ពីចំណាយប្រហែលជិតកន្លះម៉ោង ផ្តោតទៅលើឯកសារ ប្អូនប្រុសរបស់គេក៏បានខលមករកគេវិញ
_On Phone_
"អាឡូ! Jungkook ឯងនៅឯណា?"
"ខ្ញុំនៅក្រៅជាមួយប្អូនស្រី"
"ហាស៎? ឯងទៅធ្វើអីជាមួយ Jisoo?" Namjoon លើកចិញ្ចើមសួរដោយចង់ដឹង ទោះប្អូនរបស់គេមិនអាចឃើញទឹកមុខរបស់គេតាមទូរសព្ទ័ក៏ដោយ
"គេបបួលខ្ញុំមកកំដរគេអផុ្សក"
"អញ្ចឹងឯងក៏សុខចិត្តទុកការប្រជុំចោលអញ្ចឹងមែនទេ?"
"ខ្ញុំអោយ Areum ចូលទៅ—" Jungkook និយាយមិនទាន់ចប់ស្រួលបួលផង Jisoo ក៏ដណ្តើមទូរសព្ទ័ទៅនិយាយ
"អាឡូបងធំ! គឺខ្ញុំ Jisoo ណា"
"ជើងល្អណាស់ឯង! បងឮសម្លេងក៏ស្គាល់ហើយ... មិនបាច់ណែនាំឈ្មោះទេ"
"ហូយ! បងធំកុំថាអោយបង Jungkook អីណា"
"អញ្ចឹងអោយបងថាអោយឯងវិញមែនទេ?" Namjoon សួរដោយសម្លេងញ៉ោះប្អូនស្រី
"អត់ទេ! បងថាអោយខ្ញុំមិនបាននោះទេ"
"ហេតុអីក៏បងថាអោយឯងមិនបាន? នេះបងមិនមែនជា Jungkook ទេ"
