MSIပွဲစဥ်ပြီးဆုံးသွားပြီးနောက် လဝက်အကြာတွင် နွေရာသီက စတင်ပေသည်။
နွေရာသီပွဲစဥ်၏ပထမဆုံးပြိုင်ပွဲနေ့၌ ပြိုင်ပွဲတွေက ညနေ(၃)နာရီတွင် စတင်ပြီး တိုက်ရိုက်ထုတ်လွှင့်ရေးပလက်ဖောင်းဘက်မှ တောင်းဆိုမှုကြောင့် ကျန်းရုန်တစ်ယောက် ရှင်းလင်းတင်ဆက်သူအဖြစ် တိုက်ရိုက်ထုတ်လွှင့်ပေးရသည်။
သူစလွှင့်ပြီး သိပ်မကြာခင်မှာပဲ သူ့တိုက်ရိုက်ထုတ်လွှင့်ခန်းက ပလက်ဖောင်း၏ နာမည်အကြီးဆုံး ထိပ်ဆုံးနေရာဆီ ခုန်တက်သွားသည်။
Livestreamဆီ အပြေးလာကြသည့် အဖေတစ်သိုက်နှင့်အတူ အပျော်ဝင်ကြည့်သည့် ဖြတ်သွားဖြတ်လာတွေအားလုံး ရောက်လာကြရာ အခုလေးမှ အိပ်ရာထလာပုံရသည့် ငှက်သိုက်ဆံပင်နှင့် လူငယ်လေးကို တွေ့လိုက်ကြရသည်။ သူက နွားနို့ကိုပိုက်နှင့်စုပ်သောက်လိုက်ရင်း သူ့ဘေးရှိတစ်ယောက်အား လှမ်းမေးလိုက်သည်။ "ဒီနေ့ ခွပ်ကြမှာ ဘယ်ကကြက်ပေါက်စတွေလဲ?"
ရှောင်ပိုင် : "..."
ရှောင်ပိုင် : "PUDနဲ့ကျန်းဟူ"
ကျန်းရုန်က "သြော်"ဟု အသံပြုလိုက်ပြီး "ဒါဆို သန့်စင်ခန်းခဏသွားလိုက်ဦးမယ်။ သူတို့ဆိုရင် ပွဲက အနည်းဆုံး မိနစ်၄၀ပဲ"
ရှောင်ပိုင်က သူ့ကွန်ပျူတာဆီ လှမ်းကြည့်လာ၏။ မျက်လုံးထဲမှာတော့ စာနာမှုများအပြည့်။ "မနေ့ညက XIUနဲ့သာ့နျိုတို့ သူတို့ပြိုင်ပွဲကနေ ဝေးဝေးနေအောင် မင်းကို ဟုန်ပေါင်းပေးသေးတယ် မဟုတ်ဘူးလား?"
သူတို့နှစ်ယောက်ဆီမှ စကားအစစ်အမှန်ကတော့ : [@R-ong မနက်ဖြန် Livestreamမလွှင့်ဖို့ ဒီမှာပိုက်ဆံ ယူပြီး လစ်လိုက်ပါတော့!]
ကျန်းရုန်က ရှင်းပြလာသည်။ "ပလက်ဖောင်းဘက်ကပေးတဲ့ဟုန်ပေါင်းက ပိုကြီးတယ်"
"ပိုက်ဆံကြောင့်နဲ့ ညီအစ်ကိုတွေကိုတောင် သစ္စာဖောက်တော့မှာလား?" ရှောင်ပိုင်ကပြောလာ၏။ "ပလက်ဖောင်းဘက်က ဘယ်လောက်ပေးလို့လဲ?"
ကျန်းရုန်က ကွန်ပျူတာအောက်တွင် လက်ဖြန့်လိုက်ပြီး လက်ချောင်းတွေကိုသုံးကာ ဂဏန်းအရေအတွက်ကို ရှောင်ပိုင်ဆီ လက်ဟန်ပြလိုက်သည်။
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~