(Unicode)သူဂေးမနေဘူးဆိုမှ လက်ခံဖို့ခက်ဦးမယ်
ကျန်းရုန်ရဲ့မူလရည်ရွယ်ချက်ကတော့ ပြန်အိပ်ဖို့ပင်ဖြစ်သည်။
သို့သော်လည်း တံခါးဝမှာ ခဏလောက်လေတိုက်ခံခဲ့ရတာကြောင့် သူ့အခန်းကိုပြန်ရောက်ချိန်၌ သူ့မှာ နွားသိုးတစ်ကောင်လို တက်ကြွနေတော့သည်။ မိနစ်အတော်ကြာသည်အထိ အိပ်ရာပေါ်မှာလှဲနေသော်လည်း အိပ်ချင်စိတ်ကပြန်ဖြစ်မလာတော့။ မထူးသည့်အဆုံး မနက်(၈)နာရီကြီး ဂိမ်းဆော့တတ်သည့် အလေ့အကျင့်လည်းမရှိတာကြောင့် ဖုန်းကြည့်ရန်သာ ဆုံးဖြတ်လိုက်သည်။
ထို့နောက်မှာတော့ သူ့ရဲ့Weibo main account၌ မက်ဆေ့ချ်တွေအများကြီးရောက်နေကြောင်း သူသိလိုက်ရသည်။
မက်ဆေ့ချ်ပို့ထားသည့်ထဲမှ တစ်အုပ်စုက Squid၏ပရိတ်သတ်တွေဖြစ်ကာ wfတွေကိုယှဥ်မဆဲနိုင်သည့်အတွက် သူ့ကိုလာဆဲထားကြခြင်းပင်။ နောက်ထပ် အလွန့်အလွန်ကိုနည်းတဲ့ လူနည်းစုကတော့ သူ့ရဲ့Livestreamက သာမန်wfတွေဖြစ်ကာ သူ့အား 'Zedမှာcomboဘယ်လိုသုံးရလဲ' ၊ 'Leblancကိုင်ရင် ဘာitemတွေဝယ်ရမလဲ' စသဖြင့် လာမေးထားကြသည်။
တစ်ချက်ကြည့်လိုက်ရုံဖြင့်ပင် ကျန်နေတဲ့အုပ်စုကတော့ "အဖေမင်းကိုလွမ်းနေပြီ"တို့၊ "ငါမင်းကိုဆဲဖို့စောင့်နေတယ်နော် အရူးလေး"တို့ ပါဝင်သည့် အုပ်စုပင်။ ထိုစာတွေကို ဖွင့်ဖတ်ဖို့အတွက် ကျန်းရုန်မှာ အင်မတန်ပျင်းနေလေသည်။
ခြေထောက်ကိုချိတ်ထိုင်ကာ အချိန်အတော်ကြာသည်အထိ ထိုမက်ဆေ့ချ်တွေကို ကျန်းရုန်ဖတ်နေလိုက်သည်။ ပြီးတော့မှ ပိုစ့်တစ်ခုတင်လိုက်၏။
နှစ်ကူးမရောက်ခင် တစ်ရက်အလို၌ လူအများစုက အိမ်တွင်အနားယူနေကြသည်မှာများသည်။ သို့သော်လည်း မနက်(၈)နာရီလောက်မှာ Weiboထိုင်သုံးနေကြသူတွေကတော့ သိပ်များများစားစားမရှိပါချေ။ ထို့ကြောင့် ကျန်းရုန်အတွက် ကွန်မန့်တွေကိုဖတ်လို့ရနေကာ တစ်ချို့ကို သူစာပြန်ပေးလိုက်သည်။
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~