အပိုင်း(၁၂၂)
//သခင့်အရှိန်နဲ့ဟောင်နေတဲ့ခွေး//
ပြီးခဲ့တဲ့နှစ်တွင် TTC spawn campခံခဲ့ရခြင်းက အစကတည်းက တရုတ်LPLကစားသမားတွေအတွက် မထိမခံနိုင်သည့်ဒဏ်ရာ ဖြစ်ကျန်ခဲ့ရာ အခုလို ဒီအကြောင်းကို တစ်ဖန်စားမြုံ့ပြန်သူ ရှိလာတော့ လူတိုင်းက ပေါက်ကွဲကုန်ကြသည်။ Rish၏ခွေးခေါင်းကို ဖုန်းမှန်ထဲကနေ လှမ်းမရိုက်နိုင်သည့်အချက်ကိုပင် သူတို့တွေမှာ မုန်းတီးနေကြလျက်။
အချိန်က ညဥ့်နက်နေပြီဖြစ်ရာ ဒီလိုအချိန်မျိုးတွင် HSပေါ်မှနေရာတွေကို ပိုက်ဆံပေးဝယ်တတ်သည့် နာမည်ကြီးတွေလည်း မရှိသည့်အပြင် ဂိမ်းကစားသူတွေ၏ အတက်ကြွဆုံးအချိန်ဖြစ်နေတော့ ထိုကိစ္စက သိပ်မကြာလိုက်ပဲ HSပေါ်ရှိနေရာတစ်ချို့ကို ကြီးစိုးသွားတော့သည်။
#Rishက TTCကိုလှောင်နေတဲ့gifကို ပိုစ့်တင်ထားတယ်# ဒီTopic၏အဆုံးတွင် အန်နေသည့်အီမိုဂျီပါ ထည့်ပေးထားသည်။
#အွန်လိုင်းဘာသာပြန် အရမ်းထစ်နေပြီ#
#Rishရဲ့gifကို Likeပေးသွားတဲ့Master#
#LPLကိုပေါင်းပြီးအရှက်ခွဲနေတဲ့HT#
ဂိမ်းသမားတွေက ဘာသာပြန်အက်ပလီကေးရှင်းကိုသုံးပြီး သူတို့ပြောချင်သမျှကို ကိုရီးယားဘာသာသို့ပြောင်းကာ ကိုရီးယားတစ်သိုက်နှင့် ပွဲပေါင်း၃၀၀လောက် ညလုံးပေါက် ဆင်နွှဲကြလေသည်။
[အဲဒီပွဲတုန်းက TTCဘက်မှာ ပင်မအသင်းသားက သုံးယောက်ပဲရှိတာ။ သူတို့ဘက်မှာ လူစုံတက်စုံသာဆိုရင် မင်းလိုကောင်ရဲ့သွားတွေကျွတ်တဲ့အထိ အဆော်ခံရမှာမဟုတ်လား? ဘယ်သူ့ကိုလှောင်ဖို့ ကြိုးစားနေတာလဲ?]
[ကိုရီးယားNetizen : ရှုံးတာကရှုံးတာပဲ။ ဘယ်သူကစားတာလဲက အရေးမပါဘူး။ LPLဆိုတာ အရှုံးသမားတွေပဲမလား?]
(T/N : Netizen--အင်တာနက်သုံးစွဲသူ)
[အရှုံးသမား? ဘာလဲ ပွဲစီစဥ်တဲ့ဘက်က မင်းတို့ကောင်တွေ သောက်ရမ်းရွံစရာကောင်းတယ်ဆိုပြီး ဆုမပေးတော့လို့လား? ဒါမှမဟုတ် LPLဘက်က စကားမတည်ဘဲ ရှုံးသွားတဲ့ပွဲကို ထပ်ပြိုင်ခိုင်းလို့လား? ဒီဆုသေးသေးလေးက ဘယ်လောက်တန်ဖိုးရှိလဲ ဦးနှောက်တွေက မစဥ်းစားတတ်ကြတော့ဘူးလား?]
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~