(Unicode)ငါ့ADCကိုတောက်လျှောက်လိုက်Gankနေတာ ငါမင်းကိုဘာများလုပ်မိလို့လဲ?
သူတို့တန်းစီနေစဥ်တွင် လုပေါ်ယွမ်၏ဖုန်းက အသံမြည်လာခဲ့သည်။
သူ့ဖုန်းထဲတွင်ဖွင့်ထားသည့် Livestream Appကို ပိတ်လိုက်ပြီး မက်ဆေ့ချ်တွေကို သွားကြည့်လိုက်သည်။ အရင်တစ်ခေါက် တို့ဖူ၏Livestreamဆီ သူ့အဓိကအကောင့်နှင့် ရောက်သွားပြီးကတည်းက တင်းကောက သူ့အရံအကောင့်ကိုသာသုံးဖို့ သတိပေးထားသည်။
[တင်းကော : အကြာကြီးလေ့ကျင့်မနေနဲ့နော်။ ငါတို့မှာ လေ့ကျင့်ရေးပွဲရှိသေးတယ်။ ဆရာဝန်ပြောထားတဲ့ လေ့ကျင့်ရေးသတ်မှတ်ချိန်ကို စိတ်ထဲမှာမှတ်ထားဦး]
လုပေါ်ယွမ်က 'သိပြီ'ဟု စာပြန်လိုက်ပြီးနောက် သူတို့တွေလည်း ပြိုင်ပွဲဆီဝင်သွားတော့သည်။
[TTC°Road သည် လော်ဘီထဲ ဝင်ရောက်လာပါသည်။]
[ငါကစားတာသာကြည့်လိုက် သည် လော်ဘီထဲ ဝင်ရောက်လာပါသည်။]
[I'm qiuqiu You QAQ သည် လော်ဘီထဲ ဝင်ရောက်လာပါသည်။]
ထိုနာမည်က အခုလေးတင် Barrageထဲ ရှိနေခဲ့သည့်နာမည်ပင်။
လုပေါ်ယွမ်က Livestream Appကို ပြန်ဖွင့်ရန်ကြံလိုက်သည့်တိုင် စက္ကန့်ဝက်လောက် ချီတုံချတုံဖြစ်နေပြီးနောက် ဖုန်းကိုပိတ်ကာ စားပွဲပေါ်သာ တင်ထားလိုက်သည်။ အဲ့သည့်နောက် သူ့ကွန်ပျူတာကို အစားသုံးပြီး StarTVထဲသို့ တိုက်ရိုက်ပင် ဝင်လိုက်တော့သည်။
လော်ဘီထဲသို့ဝင်ခါနီး၌ ကျန်းရုန် ပထမဆုံးလုပ်သည့်အရာက သူ့Roleကို သွားစစ်ဆေးခြင်းပင်။
လုပေါ်ယွမ်က Supportဖြစ်ပြီး သူကတော့ ADCဖြစ်သည်။
ကျန်းရုန်ကျေနပ်သွား၏။ သူက ငါးယောက်မြောက်ရွေးချယ်ရမည့်သူဆိုတာ သိလိုက်ရတော့ ကျန်းရုန်က အခွင့်အရေးကိုအသုံးချပြီး Barrageကို ကြည့်လိုက်သည်။
"ငါဘယ်ADCကိုင်ရင်ကောင်းမလဲ?"
[Softကသေချာပေါက်Roadကိုကြိုက်နေတာဗျိုး]
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~