[Unicode]"မေးပါရစေ၊ ဘယ်တော့လောက်မင်းရဲ့ခေါင်းကိုပို့လာမှာလဲ?"
ဂိမ်းတရားဝင်စသည်နှင့် တစ်ပြိုင်နက် Champငါးကောင်က သက်ဆိုင်ရာbaseတွင် အသီးသီးပေါ်လာကြ၏။
"နားကြပ်တပ်ထားတာတောင် အောက်ကအော်သံတွေ ခုထိကြားနေရတုန်းပဲ" ယွမ်ချန်းကပြောလာသည်။
ရှောင်ပိုင် : "ချန်းကော၊ နောက်တစ်ခေါက်ကျရင် Teemoရွေးလိုက်လေ ပရိတ်သတ်တွေ ဒီနေ့ထက်တောင် စိတ်လှုပ်ရှားကြဦးမယ်"
ယွမ်ချန်းက ခေါင်းတစ်ခါခါနှင့်ရယ်နေလျက် "ထားလိုက်ပါတော့ ဒီလောက်အစောကြီးတော့ အနားမယူချင်သေးဘူးကွာ"
တကယ်တော့ ယွမ်ချန်းက ချဲ့ကားပြောနေခြင်းသာ။ ကစားသမားတွေအပေါ်မှာ ပရိတ်သတ်တွေနှင့် ရှင်းလင်းတင်ဆက်သူတွေရဲ့အသံတွေ သက်ရောက်မှုမရှိစေရန် ကစားသမားတိုင်းက ဆူညံမှုကိုဖယ်ရှားပေးသည့် အရည်အသွေးအကောင်းဆုံးနားကြပ်တွေကို တပ်ထားရသည်။ ကျန်းရုန်ကတော့ သူ့အသင်းသားတွေရဲ့အသံနှင့် ဂိမ်းထဲကအသံတွေကလွဲ ဘာဆိုဘာမှမကြားရပေ။
itemsတွေကိုဝယ်ပြီးသည်နှင့် သူတို့ငါးယောက်လုံး baseကနေအရှိန်အဟုန်အပြည့်နဲ့ ထွက်ခွာသွားကြပြီး lvl 1အဆင့် team fightရန် ကိုယ့်နေရာနှင့်ကိုယ် တာဝန်ယူလိုက်ကြ၏။
ရှောင်ပိုင် : "ဒီနေ့ကောင်းကောင်းကစားပြီး ငါတို့နိုင်ခဲ့ရင် ဖားသားသွားစားကြတာပေါ့!"
ပြိုင်ပွဲတွေအတွင်း အစာအဆိပ်သင့်ခြင်းမှကာကွယ်ရန် ကျွမ်းကျင်ကစားသမားတွေမှာ ပြိုင်ပွဲမတိုင်မီ ဘာမှစားကြလေ့မရှိပေ။
Pineက သူ့နောက်ကနေ နီးနီးကပ်ကပ်လိုက်နေရင်း မေးလာသည်။ "ငါတို့ရှုံးခဲ့ရင်ရော?"
"ပါးစပ်ပုတ်ကြီးနဲ့လျှောက်ပြောမနေနဲ့" ရှောင်ပိုင် သတိပေးသည့်အနေနှင့် Pineဆီ skillတစ်ခုပစ်လွှတ်လိုက်၏။ "ငါတို့ကဘယ်လိုလုပ် Squidကိုရှုံးမှာလဲ.....မှန်တယ်မလား ကော?"
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~