(Unicode)"ကိုယ်ကလူကိုရိုက်တယ် မင်းကလူကိုဆဲတယ်။ အဲ့တော့ ကိုယ်တို့တစ်ယောက်ကို ယွမ်တစ်သောင်းဆီ ဒဏ်ငွေဆောင်ရမယ်တဲ့"
အကယ်၍ ကျန်းရုန်သာ အားထပ်ထည့်ပြီး ရုန်းမည်ဆိုပါက သူလွတ်သွားနိုင်သည်။ သူရုန်းကန်နေမိပြီးမှ လုပေါ်ယွမ်၏လက်ဒဏ်ရာအကြောင်းကို သွားစဥ်းစားမိလိုက်၏။ ချက်ချင်းဆိုသလို သူလုံးဝထပ်မလှုပ်ရဲတော့ချေ။ ထို့ကြောင့် ရွေးချယ်စရာမရှိ ဒေါသကိုဖြေလျှော့ဖို့အတွက် သူ့ပါးစပ်ကိုသာ မှီခိုလိုက်ရသည်။
ကျန်းရုန် သူ့မျက်လုံးထဲမှာ ထိုလူကိုမမြင်ရတော့မှပဲ ဆဲဆိုနေတာကို ရပ်လိုက်တော့သည်။
စကားတွေအများကြီး ပြောလိုက်ရသည်ကြောင့် ကျန်းရုန်မှာ မောပင်မောလာ၏။ ပြီးတော့မှ သူအောက်ကိုငုံ့ကြည့်လိုက်တော့ သူ့ရဲ့လက်ရှိအခြေအနေက နည်းနည်းထူးဆန်းနေမှန်း သဘောပေါက်သွားသည်။
ကျန်းရုန်က လုပေါ်ယွမ်ဆီကနေ လုံးလုံးလျားလျားကို အသယ်ခံထားရသည်။ လုပေါ်ယွမ်ကသူ့ကို တည်တည်ငြိမ်ငြိမ်နှင့်ပင် ထိန်းထားသည်ဖြစ်သော်လည်း မသိစိတ်အရ ခန္ဓါကိုယ်ဟန်ချက်ကို ထိန်းဖို့အတွက် ကျန်းရုန်က တစ်စုံတစ်ခုကို ကိုင်ဆုပ်ထားမိဆဲ။
ကျန်းရုန်၏ဘယ်ဘက်လက်မောင်းက လုပေါ်ယွမ်၏လည်ပင်းကို ချိတ်တွယ်ထားကာ.....ဒီလိုအနေအထားမျိုးကို ပွေ့ဖက်ထားသည်ဟုပင် သုံးနှုန်းလို့ရလောက်၏။ သူက လုပေါ်ယွမ်၏ဦးထုပ်ကိုလည်း နည်းနည်းတိုက်မိထားသည်ကြောင့် လုပေါ်ယွမ်၏ဘယ်ဘက်ခြမ်းတွင် ဆံပင်တွေက ဖရိုဖရဲပေါ်ထွက်နေလေသည်။
သူဒီအဝတ်လျှော်ဆပ်ပြာနံ့ကို ရှူရှိုက်ဖူးခဲ့သည်မှာ အကြိမ်ပေါင်းမနည်းသော်လည်း လုပေါ်ယွမ်၏ကိုယ်ပေါ် စွဲထင်နေသည့်ဒီရနံ့က သိသိသာသာမွှေးလွန်းကြောင်း သူခံစားမိနေဆဲပင် ဖြစ်သည်။
ခဏလောက် ကြောင်အမ်းနေပြီးမှ ကျန်းရုန် ချက်ချင်းဆိုသလို သူ့လက်ကိုဖယ်လိုက်တော့သည်။
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~