[Unicode]နောက်ထပ်ဆယ်ပွဲဆိုလည်းမင်းရှုံးဦးမှာပဲ
တင်းကော ရိုက်ကူးရေးဝန်ထမ်းတွေအတွက် အသီးတွေ၊မုန့်တွေ ဝယ်ပြီးပြန်အလာ သူအပေါ်ထပ်ကိုတက်လာသည်နှင့် အခြားသုံးယောက်က အတူရပ်ပြီးစကားပြောနေပေမယ့် ကျန်းရုန်ကတော့ လက်ရမ်းကိုမှီကာ သူ့ဘာသာတစ်ယောက်တည်းရပ်နေသည်အား မြင်လိုက်ရသည်။
"မင်းမနက်စာအများကြီးမစားထားဘူးမလား" တင်းကောကသူ့ဆီ ပန်းကန်ပြားကိုကမ်းပေးလိုက်ရင်း "ဘီစကွတ်နည်းနည်းလောက်စားထားလိုက် ဗိုက်ပြည့်အောင်"
"ရတယ် ဗိုက်မဆာဘူး"
"ကောင်းပြီလေ" သူ့ရဲ့တင်းတင်းစေ့ထားတဲ့ နှုတ်ခမ်းတွေကိုမြင်တော့ တင်းကောပြောလိုက်၏။ "အရမ်းစိတ်လှုပ်ရှားစရာမလိုဘူး အင်တာဗျူးအကြောင်းအရာရော ဗီဒီယိုရောက မတင်ခင်ငါ့ဆီအရင်ပို့ကြမှာ"
သူပြောပြီးပြီးချင်းမှာပဲ လေ့ကျင့်ရေးအခန်းတံခါးက ပွင့်လာသည်။ လုပေါယွမ်ကို အင်တာဗျူးလို့ပြီးသွားပုံပေါ်၏။
"မင်းအလှည့် ၀င်သွားလေ" တင်းကောက သူ့ပုခုံးကိုပုတ်ပေးလာသည်။
အင်တာဗျူးကပြီးသွားသော်ငြား လုပေါယွမ်က ထန်ချင်း၊အင်တာဗျူးစီစဥ်သူတို့နှင့် စကားပြောနေဆဲဖြစ်သည်။ အခန်းထဲ၌ လိုက်တင်ရော အသံဖမ်းကိရိယာတွေပါ တပ်ဆင်ထားပြီး ၀န်ထမ်းတွေကလည်း ဘေးပတ်ပတ်လည်မှာ ရပ်နေကြသည်ကြောင့် လူအုပ်ကြီးလိုဖြစ်နေသည်။
ကျန်းရုန် တံခါး၀ညာဘက်ခြမ်းမှာ နံရံကိုမှီကာရပ်လိုက်ပြီး ခေါင်းငုံ့လျက်စောင့်နေလိုက်သည်။
ခုဏက ရှောင်ပိုင်ပြောလိုက်တဲ့စကားတွေက ခေါင်းထဲပြန်ပေါ်လာတာမို့ ကျန်းရုန် စိတ်ရှုပ်ရှုပ်နှင့် လျှာကိုကိုက်လိုက်မိ၏။
သူသာအဲ့အကြောင်းကို စောစောသိမည်ဆိုပါက အလုပ်လျှောက်လွှာဆိုတာမျိုး ပို့ဖြစ်မည်မဟုတ်ပေ။
လုပေါယွမ် အဲ့ဒီemailကိုမြင်သွားတုန်းက သူ့ကိုရောနှာဘူးလို့ထင်သွားလောက်လား?
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~