Roadကိုတောင်းဆိုပါတယ်၊ငါ့သားစောက်ပိန်းလေးကိုတစ်ချက်လောက်လှည့်ကြည့်ပါဦး
ပြိုင်ပွဲပြီးသွားသည့်အချိန်တွင် အားကစားရုံအနီးတစ်ဝိုက်ရှိလမ်းကြားတွေ၌ လူတွေ၊ယာဥ်တွေနှင့်ရှုပ်ယှက်ခက်နေသည်။
ကားက ရှေ့ကိုလက်မအနည်းငယ်လောက်ရွေ့သွားပေမယ့်လည်း ထပ်ပြီးစက်သေသွားပြန်၏။ရှစ်လျှို့က ကားကိုဒီတိုင်းရပ်ထားခဲ့တော့မည်ဟု ဆုံးဖြတ်လိုက်ကာ ခရီးသည်တင်သည့်ထိုင်ခုံဘက်ကို လှည့်ကြည့်လိုက်သည်။
ကျန်းရုန်က သူ့ရဲ့တံတောင်ဆစ်ကိုကားပြတင်းပေါက်ဘောင်ပေါ် တင်ထားပြီး သူ့ရဲ့လက်ဖဝါးကတော့ လည်ပင်းအနောက်ဘက်မှာနေရာယူထားလေသည်။သူကအပြင်ဘက်ကိုငေးကြည့်နေ၏။
ရှစ်လျှို့ သူ့ရဲ့မျက်ဝန်းတွေကိုကျဥ်းလိုက်ပြီး ကျန်းရုန်နားကိုကပ်သွားလိုက်သည်။အခြားသူရဲ့အကြည့်ကို ခံစားမိတော့ ကျန်းရုန်ကခေါင်းကိုလှည့်ကြည့်လာသည်။ "ဘာလဲ?"
"မင်းမျက်နှာကဘာလို့ဒီလောက်နီနေတာလဲ?" ရှစ်လျှို့က သူ့ကိုအထက်အောက်စုံဆန်ကြည့်ပြီးမေးလာသည်။ "ရှောင်ပိုင်ဝင်တိုက်မိတာဘယ်နေရာလဲ?ငါဆေးရုံလိုက်ပို့ရမလား?"
ကျန်းရုန်က နည်းနည်းလေးပူလောင်နေတဲ့သူ့ရဲ့ဂုတ်ပိုးကို ဖုံးလိုက်၍ပြောလိုက်၏။ "အဆင်ပြေပါတယ် ငါမနာပါဘူး။အဲ့မှာအကြာကြီးထိုင်ခဲ့ရတော့ အေးလာလို့လေ"
ရှစ်လျှို့က "အမ်း"လို့ပြောလိုက်ပြီး သူ့ထိုင်ခုံမှာပြန်ထိုင်လိုက်သည်။ "ချန်းကောကတကယ်ကောင်းတဲ့လူပဲ။သူကငါတို့ကိုတောင်အနောက်ဘက်တံခါးကထွက်ခိုင်းသေးတယ်။တကယ်တော့ ငါသူနဲ့အဆက်အသွယ်မလုပ်ဖြစ်တာ တော်တော်ကြာပြီ..."
ကျန်းရုန်က သူပြောနေသည်ကိုနားထောင်နေသော်လည်း စိတ်အာရုံကပျံ့လွင့်နေ၏။ထို့နောက် သူ့ဖုန်းကိုထုတ်ကာကြည့်နေသည်။ဖုန်းမျက်နှာပြင်တစ်ခုလုံးက weibo notiတွေနှင့် ပြည့်နှက်နေလေသည်။
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~