ရှောင်ပိုင် : "သေရော ဒါဆို ဒီအတိုင်းပဲ ငြိမ်နေတော့မှာလား? ဒီမြေးလေးတွေကတော့....ကြည့်ရတာ ဒီရက်တွေထဲ ငါပါ ကိုရီးယားဆာဗာဆီ လာကစားရမယ့်ပုံပဲ"
ကျန်းရုန်က မျက်နှာသေဖြင့် နှာမှုတ်လိုက်သည်။
ဒီလူတွေက သူတို့၏ အဆင့်မြင့်အကောင့်တွေကိုပင် မလိုချင်ကြတော့သယောင်။ သူတရုတ်ဆာဗာကို ပြန်မသွားခင်အထိ အရှက်ခွဲချင်နေကြခြင်း ဖြစ်သည်။
အခုချိန်မှာ သူက Masterနှင့် LPအမှတ်၁၀၀ကျော်သာ ကွာတော့သည်။ သူပြန်သွားစရာ အကြောင်းမရှိ။
ပြီးတော့ ဒီဂိမ်းထဲတွင် တစ်စုံတစ်ယောက်ကို စိတ်အနှောင့်အယှက်ဖြစ်စေချင်ပါက ဆဲဆိုနေခြင်းက အကောင်းဆုံးနည်းလမ်း မဟုတ်ပါချေ။
ကျန်းရုန်က 'Dark Seal'ဆိုသည့် itemကိုဆွဲထုတ်လာပြီး အလယ်လမ်းဆီ တစ်ရှိန်ထိုးပြန်သွားနေချိန် ရုတ်တရက် တစ်စုံတစ်ယောက်က သူ့နားရွက်ကို လှမ်းကိုင်လိုက်သည်။
"ကော်ဖီဖျော်ပေးရမလား?" လုပေါ်ယွမ်က သူ့နားရွက်ဖျားလေးကို လိုက်ရှာနေသည်။
ကျန်းရုန်၏မျက်နှာပေါ်မှ သတ်ဖြတ်ချင်စိတ်တို့က နည်းနည်းလေး လျော့ပါးသွားတော့သည်။ "....အွန်း"
Rishကြောင့် ဒေါသထွက်နေရသောကြောင့်လည်း ဖြစ်နိုင်သည် ၊ ဒီနေ့ ကျန်းရုန်က ဘာမှသိပ်မစားဖြစ်။ ကျန်းရုန်တစ်ယောက် သန်းခေါင်အထိ လေ့ကျင့်နေမှာကိုလည်း လုပေါ်ယွမ်သိသလို အရင်တစ်ခေါက်အတိုင်း သကြားဓါတ်နည်းဦးမှာ စိုးရိမ်တာကြောင့် လုပေါ်ယွမ်က အံဆွဲကိုဖွင့်လိုက်ပြီး သကြားလုံးကိုထုတ် အခွံခွာလိုက်ကာ ကျန်းရုန်၏နှုတ်ခမ်းဘေးတွင် ထားပေးလိုက်သည်။
ကျန်းရုန်က ရပ်သွားပြီးမှ ခေါင်းစောင်းလိုက်ကာ သကြားလုံးတစ်ခုလုံးကို ပါးစပ်ထဲ ငုံလိုက်သည်။
လုပေါ်ယွမ်က ကော်ဖီဖျော်ရန် နားနေခန်းဆီသို့ ဝင်သွားသည့်အခါ သက်ပြင်းချသံတစ်ခုက သူ့အနောက်ကနေ ပေါ်ထွက်လာသည်။
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~
အပိုင်း(၁၂၄)
Start from the beginning