အခန်း ၂၅ အပိုင်း ၂
"တာအိုဘုန်းကြီး၊ တထုံမှာ ဘယ်လိုအခြေအနေရှိလဲ။ မြင့်မြတ်တဲ့လူတွေ မေးလိုက်တာလား"
ရှောင်းယိုနဥ်က အလွန်ပင် စိတ်ရှုပ်ထွေးနေသဖြင့် သူမက ပထမဦးစွာ အခြားစကားကို မပြောနိုင်ဘဲ ထိုအကြောင်းအရာကိုပဲ ဆက်ပြောနေခဲ့သည်။
ယဲ့ရှန်းက သူရဲ့ ထူးဆန်းသောခံစားချက်များကို ထိန်းထားပြီး သူ့ခါးပတ်မှ ခေါက်ယပ်တောင်ကို လှမ်းကိုင်လိုက်သည်။ သူက ယပ်တောင်ကို ဖွင့်ကာ ဒူးပေါ်ကို ညင်သာစွာ ပုတ်နေရင်း "တထုံက စစ်သားတွေက မင်းအဖေနဲ့ အစ်ကိုကို ရှာနေသေးတယ်"
အစားအသောက်နဲ့ ရိက္ခာကို မလျှော့ပေးပဲ ပုံမှန်ပို့နေတဲ့ အကြောင်းကို သူ မပြောခဲ့ဘူး၊ ဘာကြောင့်လဲဆိုတော့ ဒါက သူမကို အရမ်းမျှော်လင့်ချက်ပေးသလိုဖြစ်မှာ စိုးရိမ်ပြီး ဒါဟာ သတင်းကောင်းလို့ သူမ ထင်သွားမှာကို စိုးရိမ်လို့ပါ။
ကလေးမလေးက ဝမ်းနည်းပူဆွေးနေတာကြောင့် သူမကို မျှော်လင့်ချက်တွေအများကြီး ထပ်မပေးချင်တော့ဘူး။ ဒီကိစ္စကို သူ့ဆီပဲ လွှဲထားပေးဖို့ ဆုံးဖြတ်လိုက်သည်၊ ဒီလိုဆိုရင် သူမလဲ နန်းတော်ထဲက လူတွေနဲ့ အဆက်အသွယ် မလုပ်တော့ဘူး။
ရှောင်းယိုနဥ်က သူ့စကားကိုကြားတော့ အနည်းငယ် ထိတ်လန့်သွားပုံရပြီး စကားမပြောတော့ပေ။
ယဲ့ရှန်းက ဆက်ပြောနေသည်။ "အရှင်မင်းမြတ်က မင်းအဖေနဲ့ အစ်ကိုကို အပြစ်မတင်ဘူး၊ ဒါကြောင့် မင်း နေ့တိုင်း စိုးရိမ်နေစရာ မလိုဘူး။ အနည်းဆုံးတော့ မင်းရဲ့ လက်ရှိဘဝကို စိတ်အေးချမ်းသာစွာနဲ့ ဖြတ်သန်းပြီး ဒီအကြောင်းကို တွေးမနေသင့်ဘူး"
ဒီစကားတွေက သူမစိတ်ကို သက်တောင့်သက်သာဖြစ်စေပြီး သူမရဲ့နှလုံးသားထဲက ကျောက်တုံးကြီးကို တစ်ဝက်တစ်ပျက်လောက် ဖြတ်တောက်ပစ်လိုက်နိုင်သည်။
အနည်းဆုံးတော့ အရှင်မင်းမြတ်နဲ့ သူမဖခင်ကြားထဲမှာ အုပ်စိုးသူနဲ့ အရာရှိအဖြစ် အပြန်အလှန် နှောင်ဖွဲ့ထားဆဲဖြစ်ပြီး စစ်သည်တွေက သူတို့ကို ရှာဖွေနေကြသည်။ ခုချိန်မှာ ဒီထက်ကောင်းတဲ့ သတင်းတော့ မရှိနိုင်တော့ဘူး။
YOU ARE READING
ဒုတိယအကြိမ်...လက်ထပ်ခြင်း
Historical FictionMyanmar Translation of China Web-Novel "Second Marriage" English Title : Second Marriage Original Authors : 喵蓝 English Translators : https://www.novelupdates.com/group/wordrain/ Episode : 66 Chapters...
