ဤသည်က ခန့်ညားသော အမျိုးသားများ၏ ခမ်းနားကြီးကျယ်သော အခမ်းအနားပွဲတစ်ခုဖြစ်သည်။
ထိုအမျိုးသားများအားလုံးမှာ ဇွန်ဘီ များဖြစ်ကြပြီး အကုန်လုံးချောမော ကြည့်ကောင်းကြသည်။
အရပ်မြင့်မြင့်၊ ခြေတံရှည်ရှည်၊ abs ရှစ်ခုဖြင့် ပထမဆုံးအကြည့်တစ်ချက်နဲ့တင် ကြည့်ကောင်းသည်ဟု ထင်ရသည်။
ဘယ်နည်းနဲ့ဖြစ်ဖြစ် စုရွမ်ရွမ်ဟာလည်း အမျိုးမျိုးသော စိတ်ကူးများ ယဉ်မိလိုက်၏။
" ကြည့်ကောင်းလား"
" ကြည့်ကောင်းတယ်"
ဟီး ဟီး ဟီး
စုရွမ်ရွမ် ပြုံးဖြဲဖြဲဖြင့် ခေါင်းညိတ်လိုက်ပြီးနောက်မှ တစ်ခုခုမှားနေကြောင်း ရှာတွေ့လိုက်သည်။
သူမရဲ့အေးစက်စက်လည်ပင်းလေးကို ထိကိုင်ကာ ဘေးကို လှည့်ကြည့်လိုက်တော့ သူမကို မှုန်ကုပ်ကုပ် စိုက်ကြည့်နေသည့် သူမ၏ ကိုယ်ဝန်သည်ခင်ပွန်းကို မြင်လိုက်ရသည်။
စုရွမ်ရွမ်သည် သူမရဲ့ လည်ချောင်းလေးထဲ တံတွေးဂလုကနဲ မျိုချလိုက်ပြီး အမျိုးသားရဲ့မှုန်ကုပ်ကုပ် အကြည့်အောက်မှာပဲ ချက်ချင်း မတ်မတ်ရပ်လိုက်သည်။"အဲ့ ပေါပေါပဲပဲ လူတွေက ဘယ်လိုလုပ် ရှင်နဲ့ ယှဉ်လို့ရပါ့မလဲ။"
စုရွမ်ရွမ်သည် သူမ ဘာပြောပြော မတုန်လှုပ်သွားသည့်အပြင် ဟမ့်ကနဲ တောင်နှာမှုတ်လိုက်သေးသည့် အမျိုးသားနဲ့ ရင်ဆိုင်လိုက်ရသည်။
ထိုကဲ့သို့ မှုန်ကုပ်ကုပ် အမူအရာနဲ့တောင် သူက အရမ်းကြည့်ကောင်းနေသည်။
အရင်က ကျောချမ်းဖွယ်ရာ ကြင်နာသိမ်မွေ့မှုနှင့် နှိုင်းစာလျှင် ယခုလုရှီမင်ကမှ တကယ့်လုရှီမင်အစစ်ဖြစ်သည်။
အဆုံးမှာတော့ သူက နဂိုတည်းက အေးတိအေးစက် လူတစ်ယောက် ဖြစ်သည်လေ။
ထိုကဲ့သို့ ဖောက်လွဲဖောက်ပြန် အပြုံးမျိုးက စုရွမ်ရွမ် နှလုံးသားလေးကို ထုရိုက်နေ၏။
အလိုလေး။ ဒီလိုအလှလေးကို ဘယ်သူကများ သူမချစ်သူဖြစ်လာစေပါလိမ့်။
YOU ARE READING
ကမ္ဘာပျက်ကပ်၌ ကျောင်းကျောင်း နေ့တိုင်း ရုန်းကန်နေရတယ် 🍀ဘာသာပြန်✓✓✓
RomanceI don't own this story. Credit to Original Author/s and English Translator/s. Title-In the Apocalpyse,Jiao Jiao Struggled Every Day [JJSED] Author - Tián Yuán Pào English translator - winter_yanyan Status in COO - 50 Chapters+ 6 Extras ( Complete...
