Unicode
"ရှင် ဘာလို့ ကျွန်မ နောက်လိုက်နေသေးတာလဲ"
စုရွမ်ရွမ်တစ်ယောက် သူမ အထုတ်အပိုးကို ကိုင်ကာ သူမနောက်တစ်ချိန်လုံး လိုက်နေတဲ့ အမျိုးသားကို လှည့်ကြည့်လိုက်သည်။
ပြီးတော့ အဲ့ ဖရုံသီးခွေးရောပဲ။
အမျိုးသားက စကားမပြောဘဲ သူမကို ကြည့်ရုံသာ ကြည့်နေသည်။
အကြောင်းပြချက်တချို့ကြောင့် စုရွမ်ရွမ် နှလုံးသားလေး တုန်ယင်လှုပ်ခါသွားသလိုပင်။
သူမအိတ်ထဲက ပိုင်မုန့်အကြီးကြီးတစ်ခု ထုတ်ယူလိုက်သည်။
ဖရုံသီးခွေးက အပြေးရောက်လာပြီး မုန့်ကို ကိုက်ပြေးသွားတော့၏။
စုရွမ်ရွမ်: ... သူမက လူကိုပေးမလို့ကို။
ရုတ်တရက် အရှေ့ဘက်ဆီက e-bike လေးဆီမှ ကျယ်လောင်သောအသံတစ်ခုထွက်ပေါ်လာ၏။
အရပ်မြင့်ပြီး တောင့်တင်းမာကျောတဲ့ ကြွက်သားတွေနဲ့ အမျိုးသားက လက်ထဲတွင် ပုဆိန်ကြီးတစ်လက်ကိုင်ထားပြီး ၊ ရင်ခွင်ထဲတွင်တော့ ဝဝကစ်ကစ် ခွေးလေးတစ်ကောင်ကိုင်ထားကာ လျှပ်စစ်ဆိုင်ကယ်လေးကို မောင်းလာသည်။
သူတို့ရဲ့ နောက်တွင်တော့ လျှပ်စစ်ဆိုင်ကယ် ကိုယ်စီ မောင်းနေကြသော ညီငယ်လေးတို့ တစ်ဖွဲ့က လိုက်ပါလာသည်။
သို့သော်လည်း လျှပ်စစ်ဆိုင်ကယ်အရေအတွက်မှာ နည်းလွန်းပြီး ညီငယ်အရေအတွက်က အတော်လေး များပြားလွန်းသောကြောင့် အားလုံးမှာ တိုးဝှေ့ ပူးကပ်ကာ စီးနေကြရသည်။
"အစားအစာနဲ့ ငွေတွေ ထားခဲ့စမ်း" လျှပ်စစ်ဆိုင်ကယ်ကို မောင်းနေတဲ့ ညီငယ်လေးက အော်ပြောလိုက်သည်။
ပုဆိန်နဲ့ ကစားရင်း ခွေးကိုကန်ထုတ်လိုက်တဲ့ အစ်ကိုကြီးက ဆိုးသွမ်းသွမ်း အပြုံးမျိုးပြုံးပြလာသည်။
ဝဝကစ်ကစ် ခွေးလေးက လွန်လွန်ကဲကဲ ဟောင်လာ၏။ "ဝုတ် !!!"
ဖရုံသီး ခွေးရဲ့ မျက်လုံးတွေ တလက်လက်တောက်ပလာပြီး ချက်ချင်းပဲ ပြေးတက်သွားသည်။
VOUS LISEZ
ကမ္ဘာပျက်ကပ်၌ ကျောင်းကျောင်း နေ့တိုင်း ရုန်းကန်နေရတယ် 🍀ဘာသာပြန်✓✓✓
Roman d'amourI don't own this story. Credit to Original Author/s and English Translator/s. Title-In the Apocalpyse,Jiao Jiao Struggled Every Day [JJSED] Author - Tián Yuán Pào English translator - winter_yanyan Status in COO - 50 Chapters+ 6 Extras ( Complete...
