Unicode
" ဒါက ဘယ်နေရာလဲ"
ဒီနေရာကို မသိချင်ယောင်ဆောင်ပြီး စုရွမ်ရွမ်မေးလိုက်သည်။
လုရှီမင်က ခပ်ဖျော့ဖျော့ ပြုံးလိုက်၏။"ခန့်မှန်းကြည့်"
စုရွမ်ရွမ်က ခဏလောက် ညည်းညူပြလိုက်ပြီး ရုတ်တရက်ပြောလိုက်သည်။"ကျွန်မ သိပြီ၊ အိမ်မက်မက်နေတာ ဖြစ်ရမယ်" လို့ ပြောပြီးနောက် မျက်လုံးမှိတ်ဖို့ ကြိုးစားလိုက်သည်။
အမျိုးသားက နှုတ်ခမ်းထက် ကြည်လင်သော အပြုံးတစ်ခုနဲ့အတူ သူ့ရင်ခွင်ထဲ ကွေးနေတဲ့ အရာလေးကို ငုံ့ကြည့်လိုက်သည်။
သူ့လက်ကိုမြှောက်လိုက်သည်နှင့် သူ့အတွေးအတိုင်း အောက်က ရေများက တဖြည်းဖြည်း မြင့်တက်သွားကာ သူ့တို့နှစ်ဦးကိုယ်ပေါ်သို့ စီးကျနေတော့သည်။
စမ်းရေက အလွန်ပင် စိတ်လက်သက်သာဖြစ်စေသည်။
ပင်ပန်းနွယ်နယ်မှုကို သက်သာစေနိုင်ပြီး ဒဏ်ရာများကိုလည်း သက်သာပျောက်ကင်းစေကာ အဓိကအချက်မှာ အသားရေ လှပစေနိုင်ပြီး ကိုယ်အလေးချိန် ကျစေနိုင်သည်။
သူမကိုယ်သူမ ကန်ထဲ မြုပ်ထားဖို့ ကြိုးစားလိုက်သည်။ နည်းနည်းလောက် သောက်ရရင် ကောင်းမလား၊ မကောင်းမလားလို့ တွေးနေတုန်း ရေထဲမှာရှိနေတဲ့ သူမရဲ့ ခြေထောက်လေးနဲ့ လုရှီမင်ရဲ့ ခြေထောက်ကြီးကို တွေ့လိုက်ရသည်။
မေ့လိုက်တော့၊ ဘယ်သူက ခြေဆေးရေကို သောက်ရတာ ကြိုက်မှာလဲ။ မသောက်တော့ဘူး။
ဘယ်လောက်ကြာနေပြီလဲ မသိပေ။ သူမအရေပြားတွေ ရှုံ့တွနေပြီဟု ခံစားရသော်လည်း အမျိုးသားက သူမကို မလွှတ်ပေးသေးချေ။
စုရွမ်ရွမ် ညင်သာစွာ ပြောလိုက်သည်။"ရေက အရမ်းအေးတာပဲ။ ကျွန်မကိုယ် ကျွန်မ စောင်သွားပတ်ခြုံပြီးမှ ပြန်လာခဲ့မယ်လေ"
စကားပြောပြီးနောက် ထွက်သွားဖို့ပြန်နေတုန်း ကြမ်းကြုတ်သော အမျိုးသားရဲ့ ဖမ်းပြီး နမ်းတာခံလိုက်ရသည်။
ဒါက လုရှီမင် space ဖြစ်ပြီး အရာအားလုံးက သူ့လက်ထဲမှာ ဖြစ်သည်။
YOU ARE READING
ကမ္ဘာပျက်ကပ်၌ ကျောင်းကျောင်း နေ့တိုင်း ရုန်းကန်နေရတယ် 🍀ဘာသာပြန်✓✓✓
RomanceI don't own this story. Credit to Original Author/s and English Translator/s. Title-In the Apocalpyse,Jiao Jiao Struggled Every Day [JJSED] Author - Tián Yuán Pào English translator - winter_yanyan Status in COO - 50 Chapters+ 6 Extras ( Complete...
