ဘတ်စ်ကား၏တံခါးက ဖြည်းဖြည်းချင်းပွင့်လာပြီး အဲ့သည့်နောက်မှာတော့ ပရိတ်သတ်တွေ၏အော်သံတွေကြားတွင် TTCအဖွဲ့ဝင်တွေက အပြုံးကိုယ်စီနှင့် လက်တွေဝှေ့ယမ်းပြရင်း တစ်ယောက်ချင်းစီဆင်းလာနေကြသည်။
နောက်ဆုံးအဖွဲ့ဝင် ကားပေါ်မှဆင်းလာသည့်အခါမှာတော့ အော်သံတွေက ပိုမိုကျယ်လောင်လာပြီး ပရိတ်သတ်တွေက သူတို့ရဲ့LEDဘုတ်တွေကို အရင်ကထက် ပင် စိတ်အားထက်သန်စွာ ဝှေ့ယမ်းပြလာကြသည်။
လူများနေသည့်အတွက် မတော်တဆဖြစ်ရပ်များ မဖြစ်ပွားစေရန် ကာကွယ်ဖို့ခက်ခဲလေသည်။ ထိုအခိုက် TTCဟုရေးထားသည့် ဆိုင်းဘုတ်လေးက မြေပြင်ပေါ်သို့ ရုတ်တရက်ပြုတ်ကျသွားပြီး ကောင်မလေးတစ်ယောက်၏အော်သံနှင့်အတူ လုံခြုံရေးများက သူမအား အော်ဟစ်တားဆီးသံများ တစ်ဆက်တည်းထွက်ပေါ်လာလေသည်။
ကောင်မလေးက စိုးရိမ်တကြီးနှင့်ပြောရှာသည်။
"တောင်းပန်ပါတယ် ၊ တောင်းပန်ပါတယ်
ကျွန်မကိုတစ်ယောက်က တွန်းလိုက်လို့ပါ၊ တကယ်တောင်းပန်ပါတယ်၊ ကျေးဇူးပြုပြီး အဲ့ဒီLEDဘုတ်လေးကို ပြန်ကောက်ပေးနိုင်မလား"လုံခြုံရေးအစောင့်ကဆို၏။
"ခဏနေရင်ပြန်ကောက်ပေးမယ်၊ လောလောဆယ် နောက်ကိုနည်းနည်းဆုတ်ဦး"
လုံခြုံရေးအစောင့် ပြောပြီးသည့်နောက်မှာပဲ တစ်စုံတစ်ယောက်က ထိုဘုတ်ပြားလေးကို ကုန်းကောက်ကာ ကောင်မလေးဆီ ကမ်းပေးလိုက်သည်။
ပြန်ကောက်ပေးလိုက်သည့် ထိုလူက အဖြူနှင့်အမည်းရောစပ်ထားသည့်ယူနီဖောင်းကို ဝတ်ထားပြီး သူ၏ဆံပင်တွေက အနည်းငယ်ရှုပ်ပွနေကာ အနီးကပ်ကြည့်မည်ဆိုပါက တစ်ခုခုကိုမှီအိပ်ထားသည့်အတွက် ပေါ်လာသည့်အစင်းကြောင်းလေးတွေကိုပါ သူ၏သေးသွယ်ပြီးကျဥ်းမြောင်းသည့် မျက်ဝန်းထောင့်စွန်းဘေးတွင် မြင်နိုင်သည်။ ထိုမျက်ဝန်း၏အောက်ဘက်တွင်တော့ ဖြောင့်တန်းပြီးမြင့်မားသည့်နှာတံနှင့် အနည်းငယ် ခပ်ဟဟပွင့်ဟနေသော နှုတ်ခမ်းပါးတစ်စုံရှိလေသည်။
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~
အပိုင်း(၁)
Start from the beginning