The Star around the Sun 明日星程 [Unicode]

Chapter 69

နောက်နေ့မနက်၊ ယန်ယိုမင်နှင့် ရှရှင်းချန် ဟော်တယ်၌ မနက်စာစားပြီးနောက် ကားဖြင့်ထွက်ခွါဖို့လုပ်လိုက်သည်။

လီယွမ်က သူတို့နှစ်ယောက်ကို ဟော်တယ် ဝင်ပေါက်အထိ လိုက်ပို့ပြီး ကားငှါးပေးခဲ့ပေမယ့် သူတို့နှင့်တော့ အတူလိုက်မလာ။

ဟော်တယ်အခန်းမှ ထွက်လာကတည်းက ရှရှင်းချန် ဦးထုတ်နှင့် mask ဝတ်ထားပြီး ယန်ယိုမင်ကလည်းနေကာမျက်မှန် ဝတ်ထားတာတောင်မှ သူတို့ကို လူအများအပြား မှတ်မိကြဆဲ။ ကားပေါ်မတက်ခင် သူတို့နှစ်ယောက်အား ဖုန်းဖြင့် ဓာတ်ပုံလှမ်းရိုက်ယူနေတာကို ရှရှင်းချန် မြင်လိုက်ရသည်။ သူ ဟွမ်းကျီစင်းရဲ့အပ်ကြောင်းထပ်အောင် ဆိုဆုံးမညွန်ကြားမှုများကို တွေးမိပြီး အကြောင်းအရင်းမရှိ ထိတ်ပျာသွားမိသည်။

သူ အဲ့ဘက်နေရာကို ငေးကြည့်နေတုန်း ယန်ယိုမင် သူ့အနောက်မှ အမြန်ဝင်ဖို့ လောဆော်နေတာကို ကြားလိုက်ရပြီးနောက် သူ ခေါင်းငုံ့ကာ ကားထဲဝင်ထိုင်လိုက်သည်။

ယန်ယိုမင် သူ့အနောက်မှ လိုက်ဝင်လာပြီး ကားဆရာက အပြင်မှ တံခါးပိတ်ပေးလိုက်သည်။

ကားအတွင်းက ကျယ်ကျယ်ပြန့်ပြန့်ရှိလှပြီး အပူပေးစက်ကလည်း ကောင်းကောင်းအလုပ်လုပ်နေသည်။ ရှရှင်းချန်ဦးထုတ်၊ maskများကို ဆွဲချွတ်ပြီး သူ့ဘေးမှာ ထိုင်နေသည့် ယန်ယိုမင်ကို ကြည့်ရင်း ပြောလိုက်သည်။

"ကျွန်တော် တစ်ယောက်ယောက် ဓာတ်ပုံလှမ်းရိုက်တာကို မြင်လိုက်တယ်။"

ယန်ယိုမင် သူ့နေကာမျက်မှန်ကို ချွတ်ပြီး အပေါ်ဝတ်ဂျက်ကပ်၏ အိတ်ကပ်ထဲ ထည့်ရင်း ပြောလိုက်သည်။"အသားမကျသေးဘူးလား။"

ရှရှင်းချန် မနေနိုင်ပဲ ပြောလိုက်မိသည်။ "ကောနဲ့အတူရှိနေချိန်ဆို မတူဘူး။"

ယန်ယိုမင် ဘာမှပြန်မပြောပဲ ကားမောင်းသမားရှိသည့်ဘက်ကိုသာ တစ်ချက်လှမ်းကြည့်လိုက်သည်။ ရှရှင်းချန်လည်း ထိုအကြောင်းကို ဆက်ပြောခြင်း မရှိတော့။

သူတို့နှစ်ယောက်လုံး အပေါ်ဝတ်ကို ဆွဲချွတ်လိုက်သည်။ ဒီနေ့ ယန်ယိုမင် လည်ပင်ဖုံးဆွယ်တာဝတ်ထားသည်။အကြောင်းကား သူ မနက်နိုးချိန်တွင် သူ့လည်ပင်းတစ်ခုလုံးက အမှတ်ရာများ ဟိုတစ်ကွက်၊ ဒီတစ်ကွက်ရှိနေခြင်းကြောင့်ရယ် သူ့နောက်ကျောနှင့် ပခုံးတစ်ဝှက်တွင် ရှရှင်းချန် ဆွဲကုတ်ခြင်းကြောင့် ဖြစ်လာသည့် ဒဏ်ရာအသေးလေးများ ရှိနေတာကြောင့် ဖြစ်သည်။