ဗျူဟာခင်းတဲ့ အမကြီးဇွန်ဘီ (Myanmar Translation)

92

၉၂။ စွမ်းအင်နဲ့ စွမ်းအား

လင်းချင်းသည် ကားမောင်းနေရင်း လင်းဖန်းနှင့် သူမ၏မိသားစုများအကြောင်း သတင်းကို ဘယ်လိုရနိုင်မလဲ တွေးနေသည်။ သူတို့သည် ဟေးဒီးစခန်းတွင် ရှိခဲ့ကြောင်းကိုတော့ သူမမသိပေ။ သူတို့သည် အခန်းစခန်းတစ်ခုတွင် ရှိနေနိုင်သလို ထွက်သွားနိုင်ပြီကိုတော့ တွက်ချက်ထားခဲ့သည်။ ကောင်းသည်မှာ သူမတွင် လိုသလောက်အချိန်ရှိသည်။ နောက်ဆုံးရလဒ်သည် ဆိုးဝါးနေနိုင်သော်လည်း သူမကတော့ အဖြေကို သိချင်သည်။ သူမသည် ရုပ်ကိုပြန်ထိန်းနိုင်ခဲ့လျှင်. . .

ရုတ်တရက် အတွေးတစ်ခုရကာ သူမသည် ကားဘရိတ်ကို အုပ်လိုက်သည်။ ကားသည် ရုတ်တရက် ရပ်သွားသည်ဖြစ်ရာ သူမနှင့် ချူးလီလီတို့သည် ရှေ့သို့ယိုင်သွားသည်။ ချူးလီလီသည် သူမကိုယ်သူမထိန်းနိုင်လိုက်သည်။ သူမသည် ကိုယ့်ကိုယ်ကို အမြန်ထိန်းကာ လင်းချင်းအား လှည့်ကြည့်လာသည်။ လင်းချင်းက ဘာဖြစ်လို့ ကားကိုရုတ်တရက် ရပ်ပစ်သလဲ သူမမသိပေ။

လင်းချင်းသည် ချူးလီလီကို အာရုံမစိုက်နိုင်ပေ။ အဘယ်ကြောင့်ဆိုသော် ကန်လည်ကအခြေအနေကို သူမပြန်သတိရသွား၍ ဖြစ်သည်။ ကန်ထဲက ပြန်တက်လာသည့်အခါ သူမ၏ခြေထောက်သည် ပြန်ကောင်းနေကာ အသားပြန်တက်နေခဲ့သည်။ ကန်ရေသည် သူမ၏ရုပ်ကို ပြန်ကောင်းပေးနိုင်ပါက မိသားစုကို ရှာဖွေရာတွင် ပိုလွယ်ကူမှာ ဖြစ်သည်။ သို့သော်လည်း အရင်တုန်းက ကန်ထဲကိုဆင်းဖို့ သူမဆုံးဖြတ်ခဲ့တာ မဟုတ်ဘဲ ကန်ထဲက သူမကိုဆင့်ခေါ်ခြင်းဖြစ်သည်။ ထို့ကြောင့် သူမကိုယ်တိုင်ဆင်းသွားပါက စွမ်းအားရှိသည့်နွယ်တွေက ထပ်ပေါ်လာမလာ မသိပေ။

ကားရပ်ပြီးသည့်အခါ လင်းချင်းသည် ချူးလီလီအား ဘာမှမပြောဘဲ ကားထဲကထွက်သွားကာ အပြင်ရောက်သည်နှင့် ပျောက်သွားသည်။ ချူးလီလီမှာ နားမလည်စွာ ကျန်ခဲ့သည်။

'ဟမ်? ဘာဖြစ်လို့လဲ?'

နယ်မြေထဲသို့ရောက်သည်နှင့် လင်းချင်းသည် ကန်ဘေးတွင် ရပ်နေသည်။ သူမသည် ကန်ကိုတစ်ချက်ကြည့်လိုက်သည်။ ကျွင်းကျွင်းကို မတွေ့သော်လည်း နယ်မြေလေးထဲတွင် ရှိနေကြောင်း သူမအာရုံခံမိသည်။