The Star around the Sun 明日星程 [Unicode]

Chapter 18

ဖန်းကျန်းယွမ် ခေါင်းကို မကြည့်မိအောင် ကြိုးစားရင်း သူ့နောက်မှ ယွီဟိုင်ယန်၏ လှုပ်ရှားနေသည့် အသံများကိုနားထောင်ရင်းဖြင့် ပန်းပင် ရေရွှဲစိုသွားသည်ကို စိတ်လွတ်စွာ ငေးကြည့်နေမိသည်။

ခဏအကြာတွင် ယွီဟိုင်ယန် ချည်းကပ်လာသော ခြေသံများကို ကြားလိုက်ရသည်။ ယွီဟိုင်ယန် သူ့နောက်မှာ ရပ်ပြီးနောက် ဘာ လှုပ်ရှားမှုမှ မရှိတော့တာကို သူ ခံစားလို့ ရနေသည်။

"မင်း ပန်းပင်တွေ အကုန် ရေနစ်အောင် လုပ်နေတာပဲ။" ယွီဟိုင်ယန် ရုတ်တရက် ပြောလိုက်သည်။

လန့်ကာ ဖန်းကျန်းယွမ် ခုန်လိုက်ပြီးနောက် ပိုက်ကို အလျင်အမြန် ပြန် ဆွဲယူလိုက်ပေမယ့် ရေများ သူ့တစ်ကိုယ်လုံးကို ရွှဲစိုသွားပြီ ဖြစ်သည်။

ယွီဟိုင်ယန် သွက်လက်စွာ အနောက်ဆုတ်ပြီး ရေများကို ရှောင်လိုက်ပြီးနောက် ဖန်းကျန်းယွမ်ကို ကြည့်ကာ ရယ်လေသည်။

ဖန်းကျန်းယွမ် ဘောင်းဘီများ စိုရွှဲသွားပြီး သူ့ရှက်နေသော ပုံစံသည် သနားစဖွယ်ပုံ ဖြစ်နေကာ မျက်နှာသည်လည်းယွီဟိုင်ယန် ရယ်မှုကြောင့် ရဲရဲနီနေလေသည်။ ရုတ်တရက် ကလေးဆန်သည့် အကျင့် ပေါ်လာကာ ရေပိုက်ကို ယွီဟိုင်ယန်ကို ချိန်ကာ ရေများ ဖြန်းပက်လိုက်တော့သည်။

ယွီဟိုင်ယန် အမြန် ဘေးကို ရှောင်လိုက်ကာ ရေများက သူ အခုလေးတင် လျှော်လာသည့် အင်္ကျီများကို ဖြန်းမိသွားတော့သည်။

သူ လှမ်းအော်လိုက်သည်။ "ဟေး!"

ဖန်းကျန်းယွမ် ရယ်လိုက်ပြီး ရေပိုက်ဖြင့် ယွီဟိုင်ယန်နောက်ကို ပျော်ရွှင်စွာ လိုက်ဖမ်းလေသည်။

အချိန် ခဏမျှ ကြာပြီးနောက် ယွီယိုင်ယန် ရှောင်နေသည်ကို ရပ်လိုက်ကာ ဖန်းကျန်းယွမ်ကို မျက်နှာမူလိုက်ပြီးရေပိုက်မှ ရေများ သူ့ကို ရွဲစိုသွားသည်ကို သည်းခံရင်း ရေပိုက်ကို ဖန်းကျန်းယွမ် လက်ထဲမှ လုယူဖို့ ကြိုးစားလိုက်သည်။ ဖန်းကျန်းယွမ် သူ့ကိုရှောင်ရင်း အလျင်အမြန်ပင် ပန်းခင်းအဆုံးဘက်ကို ပြေးသွားတော့သည်။