نور: اذن عرفني على راسك شكون هو دوريان وشنو كدير وشنو طموحاتك في الحياة
دوريان (ابتاسم ليها وهز عينيه كينظر للناس بابتتسامة صغيرو وهما كيرقصو): دوريان ويندسور رجل اعمال طموح في مجال العقارات عندي 29 عام (نقل عينيه ليها): غنكملها غدا
نور(ابتاسمت على جملتو ونطقات): بصح عيد ميلاد سعيد غنكون اول ما نهنأك
دوريان: وأفضل ما غيهنأني وخا ماشي من نوع لكيفضل يحتافل بعيد ميلادو
نور وعلاش؟ نتا من عائلة ويندسور الشهيرة وباك راه درق عائلتكم عريقة وثقيلة
دوريان: كيجني تافه نجيب شموع ونعرض على ناس لمعارفش وخا كيبغيوني ولا كيكرهوني، غير نسمع تهنئة ونسمع شي حد كيتفكرك بجملة هذا كافي(مد يدو نحو غرتها كيزول ليها ورقة من شجر صغيرة كانت عالقة تم، وراها ليها قبل مايزول يدو وابتاسم ليها وهي بدورها بادلاتو ابتسام من طريقة لكيعاملها بها وكيفاش كيحرص ياخذ اذنها باش متشعرش بالقلق او عدم الراحة، للعلم هي لمسة مغتأثرش فيها ولكن الطريقة باش كبرفع من قدرها وكيفاش كيخليها تشعر بأنوثتها جذباتها وحباتها كيف خبات لون عينيه البندقية، من هاد الليلة غتبدا تطحن حبوب القهوة باش تفكر لون مقليته الجميلة.....): وبالنسبة طموحاتي، انا كنبغي نوصل اي هدف رسمتو في حياتي مكنبغيش الفشل وفي نفس الوقت كنبغي نشوف الشباب نجاح ويحققو احلامهم ويوصلو اهدافهم ويفرحو الناس لكيبغيو ويهزو رأسك والديهم بفخر
نور(نظرات لسيد ويندسور والد دوريان لكان كيتكلم بنبرة فخورة من بعيد لمحاتها على تقاسيم وجهو مع بعض رجال الاعمال): باين باباك مفتاخر به
دوريان(نظر لوالدو بابتسامة فخورة هو بدورو): هو كان قدوتي في الصغر ونجاحي استامدتو منو وخا نوصل فين وصلت كيبقى تعب لضربوه اباء علينا بوحدو ولسألتيني على هدف ديالي فراه بلغت ليه نشوف والدي فخور وسعيد وخا بغاني نجيب ليه حفاد
منين قال هاد الجملة مقالهاش وهو كيشوف في نور وهاد الحركة عجباتها فيه كثر ، لو قال الجملة وشاف في عينيها كان غيبان بحال كيحاصرها انها هي مقصودة من كلام كأنها حقيقة مختومة عليها وعاد الصفة كرهاتها في ايمن وفي مجد وخا متواجدة في باباها رياض ولكن مع شريك حياتها هي رافضة هاد التحكم غير المباشر، والخضوع لهاد الكلام الحلو لمدسوس فيه سم ذكورية
نور: غتجيب ليه حفاد زونين (نظرات لعينيه بالندقي وشعرو العسلي ): غير يقدر يكون شعر كحل وعينيهم زورق
دوريان(وسع عينيه من جملتها لصدماتو ولف راسو باتجاهها كينظر لابتسامتها الهادئة وخا كانت كتنظر للناس لكيرقصو ولكن فهم مقصد كلامها، لمحات ليه انها موافقة على انه يتقدم في العلاقة، وماشي اي علاقة ولكن غتكون جدية منين تكلمات على موضوع اطفال)
لاحظت جمودو وهزات زرقوتيها فيه بطريقة خلاتو يبلع ريقو ويشعر بالحرارة كترتافع لرقبتو باحراج وهادشي لاحظاتو هي وغير عينيها تموضعو على عينيه فرات قهقهة منهم بجوج
غيثة(رمقات نور بدهشة وعدم تصديق): بنتي كضحك مع راجل غريب شوف كيفاش كتهرب عينيها شوفها كيفاش كضحك ريااض(نظرات لرياض لكانو عينيه متبثين على دوريان بعدم اعجاب): ايه داكشي لكتفكر فيه والله ما غيكون خليهم يدويو ومن بعد نشوفو معاها
رياض: انا غير كنحسب ليه غيشوف بنتي شوفة ماشي تالهيه غنتقبهم ليهم يحط يدو عليها ويتحرش بها غنتحرشرليه بتريكتو كاملة
غيثة: الله ياربي لسمعك يقول نتا لوالد
دوريان: ايوا آنسة نور مغتعرفينيش عليك
نور(وضعات كأسها بجانبها ومرفقها وضعاتها على مائدة ويديها نازلين من على طابلة واضعة وحدة فوق وحدة، ابتاسمت ليه بصدق ونطقات): نور عمري 24 عام هه كملتها في ليلة راس سنة
ضحكو بجوج حيث ذكرى ميلادهم قريبة ، ميلادها كان قبل لقائهم وذكرى ميلادو هو بعد ملتقاهم
دوريان: بصح تمنيت لو تعرفت عليك قبل باش نهنأك به
نور: مكنحتافلش به حتى انا
دوريان: بصح ! واش نفس وجهة نظري؟
نور:تقريبا غير كنملك ذكرى خايبة داك النهار
دوريان(حرك رأسو بتفهم وتوقف عن كلام مبغاش يدخل نفسو في خصوصياتها لبعيدة عليه وخا جزء منو باغي يعرف ولكن ماشي من اللائق يدخل شبوقات الناس):نتمنى تجاوزيها وخا صعيب يلا كانت متعلقة بناس قريبة
نور: جدي مات داك نهارر
دوريان(بنبرة متأسفة نطق رامق زرقوتيها بحزن): كنعتاذر لا خليتك تفكري شي ذكرى متألمة
نور(حركات راسها بنفس وابتاسمت بهدوء): لا داكشي فات ودارت عليه تقريبا 8 سنين
دوريان: ولكن صعيب تنساي ، حتى انا مات ليا جدي بكسيدة وكنت قريب ليه بزاف كنت فينما نرجع من مدرسة ولا من غولف كنت كنمشي عندو مكتب ، من داك نهار لمات مقدرتش نلعب غولف
نور:كانت صعيبة
دوريان(نظر لوالدو بكيفكرو بجدو وتنهد تنهيدة عميقة ونطق): صعيبة ومنين كدوز وقت وسنين كيزيد عذاب وحش وكتزيد تعرف بقيمتهم كثر
نور:انا جدي مات مقتول ديك الليلة وصبح داك نهار عندي مشؤوم
دوريان (استادر نحوها بصدمة )
نور(ابتاسمت ليه بحزن):عمري نسيت كيف مات والطريقة باش مات واخر كلامو ليا
دوريان:محسيتيش بالغضب
نور(هزات عينيها باتجاهو): علاش كتقول هكذا
دوريان: كنت باغا نقتل كلشي بغيت نصفيها ناس كاملين حسيت بدنيا معادلاش معايا، علاش جدي بالضبط لمات وعلاش ناس كيضحكو بحالا موقع والو بعد موتو كلشي رجع طبيعي حسيت بخيانة وقهرة، وتما فين عرفت ان للناس مقامات، ماشي بالضروري كلشي يحزن معاك وفي جنازة منين كيكونو بعض الناس كيبكي يقدرو يتذكرو غير شي ذكرى سيئك ليهم ويبكيو ماشي على ناس لفقدانهم وعزاز عليهم منين فقدت جدي عرفت انني نضجت
نور(بقات كتنظر لنبدقيتيه بصمت ونطقات بهدوء): مبايناش عليك انسان عصبي ولا تبغي تفكر تقتل ناس
دوريان(ابتسامة صغيرة شقات شفايفو، وعلى إثرها نور نظرات لفمو ورجعات انظارها اعينيه): كنت عصبي ومتهور وكنت تبليت والتاجأت طريق خايبة، واليد لوقف معايا وصبرني وفهمني معنى حياك وفي اخير كلشي غيموت وغير كنآذي نفسي وحتى عائلتي ، وخوتي وجدي لمات مغيكونش راضي على حياتي، تما فين قررت نتغير للافضل مكانش ساهل عليا خصوصا بعد ادمان طويل بالمخدرات والعقرات
نور: صراحة مبايناش عليك ابدا كنتي مدمن
دوريان(طلع طرف سترتو وشار لنور باش تنظر لرسغو ، هزات حاجبيها بدهشة حيث نفسهم آثار لكتملك على ساعدها،بلعات ريقها وهزات عينيها دخل عينيه): دازت مدة صعيبة ولكن فخور انني قدرت نتجاوز
نور: في نظرك يلا كان شي شخص مدمن بشي عقار ولا مهدئ لاقطعتيه كيخلي انسان شبه وحشي في تصرفاتو عقار خطورتو كثر من هيرمين وكوكايين واش قدر يتجاوز إدمانو
دوريان: اي حاجة صنعها انسان فراه بمقدور انسان اخر يتجاوزها ويتفوق عليه خاص غير الاصرار والمثابرة، مساهلاش ولكن ماشي مستحيلة
نور(حركات راسها بفهم وصمتات كتفكر في موضوع لشاغل بالها)
دوريان(نطق بنبرة ممازحة مخرجها من دائرة الاكتئاب لغلفاتهم): خلينا نساو هاد مواضيع حزينة كنحس برياض ارذوجان كيحرقني بعينيه
نور(التافتت نحو والدها لكان مربع يديه بغير رضا كيخنزر في دويان وخلفو باسل وهجان لكانو هما ايضا مخنزرين فيه، لمحات ماماها لكتشير ليها باي باي وسعادة واضحة من عينيها ، ابتاسمات على هاد المشهد لأمامعا والتافتت نحو دوريان لضحك هو بدورو على المشهد ): هه هداك غير بابا كيخاف عليك راك عارف بنت ارذوجان كلشي كيحوم عليها
دوريان: من حقو يخاف على بنتو لو كانت بنتي عينيها زورق وشعرها كحل كنت غادي نخبيها فبرج ربانزل
نور(هاد المرة ضحكات ضحكة مسموعة خارجة من قلبها): مكيعجبونيش دراري صغار ومكنفكرش نولد گاع
دوريان: لمكنتيش باغا تولدي تقدري تربي بنت ولا ولد صغير
نور: لا مكيعجبونيش دراري صغار بصفة عامة مكرهتس نبقى غير مع دافني كنتسنى نشوف شي قط يكون من فصيلة نادرة باش يتزوجو ويولدو ليا وليدات
دوريان: الصمت
نور(بنبرة جدية): دوريان غنكون صريحة معاك مكنفكرشرابدا واش نولد ولا تكون عندي شي طفلة، وانا ماشي بريئة ولا ملاك كيف كتخيل تقدر تشوف حقيقتي وتهرب مني هادشي علاش خبرتك بالحقيقة من الأول باش تعرف راسك فين غتخطو من هنا لقدام
دوريان: حتى واحد فينا مامثالي وقريب للملاك لكنتي سيئة فراه كاين الاسوء ، قلتي غتكوني صريحة وبدوري غنكون صريح معاك جذبتيني هادي عامين في واحد حفل كنت حضرت ليه كنتي مع خوك ياسر وباباك تما فين اول مرة شعرت بقلبي كينبض في حلقي، عجباتنب طريقة كيفاش كتحتارميهم من عينيك وعشقت كيفاش نتي منال صعيب على الكل، بغيت لطافتك مع قطتك الثلجية لكانت جات في آخر الحفلة، وحبيت الطريقة باش شفتيني بها لرمشة عبن قبل ماتجاوزيني، انا ماشي معجب بك وانما كنبغيك وبقيت خلف كواليس لمدة حتى ندخل بطريقة محتارمة نتعرف عليك بها، قريت على ثقافة عربية وثاقفة المغرب العربي وعرفت ان رجل خاص يتكلم مع اب البنت، عرفت والدك رفض معظم الشباب حيث نتي رفضتي الكل بدون ماتشوفيهم ومبغيتش نكون ضمن قائمة وتسنيت شي يوم ما ، توصل وقيتة لتدركي بوجودي بقا غير نتحدث معاك بهاد العمق،
نور(اختفات الابتسامه من فمها ونظرات لعينيه كتنتاظرو يضحك): واش كدوي بصح
دوريان(نظر ليها نظرة مثقلة بالمشاعر ): تمنيت لو كنت كاذب باش نرصيك ولكن هادي الحقيقة
قرا على ثقافة والدها العربية، رياض كان كيرفض علاقات سابقة حيث كانو اغلبية طامعين في منصب والدها باش يعززو ثقتهم، وكاين لكان مهووس بها بطريقة غتآذيها، والبعض كانو كيملكو عيشقات وحياتهم القذرة لكيحاولو يغطيوها بالمثالية كان عارفها رياض بالحرف، الجامع لقرار فيه هو لبناه
مظرات لدوريان من جديد لكان مزير على قبضة يدو واي تعليق غيخرج من لسانها غيأثر به
نور: مغنولدش ليك وكيف قلت ليك انا ماشي كيف كتصور
دوريان: وانا موافق وكيف سبقت وقلت ليك حتى واحد فينا ما مثالي
نور(ابتاسمت ابتسامة جانبية): سولتي على هدفي ومجاوبتكش عليه خاص تعرف انني باغا نحكم هاد عالم لكتشوف
دوريان(ظن في نفسو انها كتكلم على ثورتها وشهرتها): وانا مستاعد نوقف معاك بخطوة بخطوة حتى توصلي
نور(ابتاسمت ليه هاد المرة ابتسامة صادقك): دابا الهدرة سالات معايا خاص تحاول تقنع بابا
دوريان(مد ذراعو نحوها ونبضات قلبو كانت كدق داخل قفصو الصدري بعنف): غندير جهدي كامل باش يقتانع مهم نتي رضيتي
نور(تقدمات نحوه وانظار تلقفاتهم بهدوء، بدات الوشوشة حولهم، هادي اول مرة يشوفو نور ارذوجان مع شخص غريب وماشي اي شخص بل دوريان ويندسور، الشاب لبدات الصحف كتناول اخبارو في اعوام اخيرة بسباب مجاحات الساحقة لحققهم، بداو الصحافة لمتنكرين على انهم ضيوف الحفل كيلتاقطو صور خفية على الانظار،
رياض زادت عقدة حاجبيه وصبح كيرمق دوريان بحدة مضاعفة
دوريان(همس لنور): نتمنى والدك ياخد انطباع جيد عليا
نور: ماما واضح انها كتبغيك ولكن بابا صعيب يلا وافق عرف اننا في علاقة رسميا يلا رفض منقدرش نقلق بابا
دوريان(زفر هواء بتوتر وحاول يبتاسم لرياض وغيثة من بعيد): غنحاول اقصى جهدي باش نسمع موافقتهم
لوليا: واش هاديك نور؟
حسنا(رمقاتها باستهزاء): شنو ياكمة غتحيديها على رويجل مثدكش هداك الحمق والبنت لعندك
لوليا(بعدم الفهم رمقاتها): اش كتخربقي نتي واش حماقيتي بصفة هامة واصلا علاش غنحسدها، كنبغي ماحسن واصلا انا فرحانة ليها على الاقل شافت راجل بحالها وتبعد على مجد ميليق ليها متليق ليه
حسنا: غنبقى معاك غنصدق كاويياك انا اصلا معرفتش لاش جيت عندكم يخ نمشي عند غيثة ورياض نشوف اش غيوقع مع هداك
لوليا(سمعات رنة هاتفها غير وجدات اسم متصل استغراب حيث هاد صاحب هاد الرقم مدددة طويلة متكلمات معاه، التافتت نحو أميمة لكانت واقفة بعيدة بقرب الشرفة بعيدة على ناس): صافي هاديك معقدة بلاما نخاف عليها(نظرات لمجد لكانو ملامحهو متجهمة وعينيه غير على نور وذاك الشاب): متبقاش تشوف وانا صراحة معرفتش علاش مخطبتيش من بعد دينارا هي ماشي اول خطيبك ولا لخرة ياك قلتي لعبك سالا مع بنت ارذوحان وغتسوف وحدة اخرى علاش كتقبها بعينيك
متلقات حتى رد ومنين سمعات هاتفها كيرن من جديد تقدمات نحو الحمام وجاوبت بنبرة باردة
لوليا: الو علاش كتصوني ليا
مرأة: هادي هي سلام توحشتك كنا صحابات
لوليا(كسرات ملامحها بتقزز): صحابات نكون صاحبك لكلبة بحالك معرفت فين كان عقلي قولي ليا علاش مصدعاني في هاد الوقت
مرأة: تؤتؤ حشومة تعاملي معايا هكذا وانا جايبة ليك خباار كطير العقل وغتشكريني عليها
لوليا(نطقات بنفاذ الصبر وهي كتحرك نحو دورة المياه): نطقي خلاص ممسالياش ليك
المراة: كابوسك مات
لوليا(عقدات حاجبيها بعدم الفهم): مفهمتش وضحي كتر معنديش الرقت
المراة(زفرات هواء بملل من قلة صبر لوليا ونطقات ): إدموند صاحبتي مات
لوليا(توقفات عن السير والصدمة جمدات جسدها ):ش..شنو
المرأة: هادشي لسمعت من ايلزا كانت مع زاك مشافونيش ولكن سمعت كتقول ادموند الي كيمبلي ماات تهنيتي ودابا تقدري تكوني كيف بغيتي مع حبيب قلبك
لوليا(جحظو عينيها من مكانهم وقلبها بدا كينبض بعننف كتشعر باحساس غربل جميع مشاعر تخالطو عليها): متكذذذببيش عليااا عرفتتتي ونعرف هادي كذبة من كذووبك غنقتتلك ونشرب من دمممك فهمتتي
المرأة: دير خير مايطرا باس لمصدقتيش شغلك هداااك
قطعات المرأة على لوليا هاد الاخيرة لدموعها بداو كيخرجو بدون شعور من عينيها
لوليا(نظرات ليديها بعدم تصديق واحساس غريب كيخسف بقلبها): علااش كنبكي علاااش خاص تكوني فرحانة لوليا خاص تكوني فرحانة(انفاجرت في البكاء ورجايها مبقاوش ماسكينها استاندت على بااب المرحااض كتبكي بقووة ممصدقاش ان امنيتها لحكاتها لغيثة تحققات الليلة ممصدقاش ان اخيرا سجانها ومعذبها ومغتصبها مااات ): اخيرررا اربي اخيررا تهنييت منو الحمدلله غنقدرر نعيش بخييير غنقدر نعيش كيف ناااس(مسحات دموعها ودخلات الحمام تفاجأت منين لمحات مروة وأدم مكانوش في وضعية مخلة ولكن كانو كيتصوروا وواضح انهم التاقطو بزاف صور تذكارية...)
مروة(رمقات لوليا باستغراب وقلق): لوليا مالكي علاش كتبكي واش وقعات ليك شي حاجة واش وقعات شي حاجة برا
لوليا: لا مواقع والو، غير دويت مع صاحبتي وسقت شي خبار
مروة(وصعات يدها على صدرها براحة): هووف خلعتيني مهم (التافتت نحو ادم): راه تعطلنا خاص نمشيو(نظرات هاتفها لكيرن):اء هادي ماما غنخرج باش ندوي معاها(شارت لآدم باش يتبعها وخرجات مغادرة الطواليط)...
ادم كيف شي ذئب عينيه اختارقو وتفحصو تعابير لوليا وحالتها، ابتاسم بخبث ووهو كيراقب ارتجافها بتشفي، خشا بديه في جيوب وتحرك مغادر هاد البقعة لبدات كتخناز في نظرو غير قرب نحوها سمع نبرتها مبحوحة تهديدة اتجاهو
لوليا: منسيتهاش ليك(نقلات عينيها من على الحائط لخاصتيه ونطقات بحقد): منسيتش انك سبابي باش عشت داك الرعب وانك سباب حادثة غدفع ثمن كبير حيث تبعتي هدرة نور وديك كسيدة لدرتي مزال معطاتكش درس على ما بان ليا
آدم(رمقها بسخرية وازدراء ونطق): نتي لمتنسايش انك كتلعبي مع سفاح مكيرحمش، فرحي مزيان وضحكي بالخبار لي تلقيتيه ولكن برب المعبود وتقربي لنوري ولا مرتي(على مروة): غنخرج على حياتك اباتريشيا متنسايش حقيقتك وسميتك العاهرة هزات قبضتها باش تصفعو بانهياار ولكن ادم كان سريع منين مسك يدها ودفعها حتى تزدح ظهرها مع لاڤابو ، فر انين صغير من شفايفها وهمس ليها كفحيح الافعى بتهديد): غنهرس ليك يدك ابنت الكلبة لفكرتي تمسي خنزك عليا انا لعارف حقيقتك وعارف كيفاش اسم باتريشيا. كيضربو به المثل في العهر متخلينيش نتمادى ونشوهك قدام ليسوا وميسواش وعرفاني نديرها خيث كنكره شعرك تاع مك كنكرهها فيك
لوليا(صرخات بانهياار ): شكووون نتااا شكوون منين كتعرررف هاددشي تهنيييت من واحد جيتي ليااا نتااا بعد مننتي
آدم: تفرق من خطيبتي ومن نورر غنبعد عليك مبغيتش تحملي مسؤولية
غادر المرحاض وترك لوليا كتنحب بحرقة على حظها وزهرها
لوليا: عيييت عيييت انا بغييت نموت صافففي صافففي(شعرات باهتزاز هاتفها وغير نظرات اسم متصل رمات هاتفها ذعر ): علاش هاد مصيبة كيتاصل بها علاااش كيعيط ليهااا، اش بغااو عندها بعد هاد المدددة ، شنوو وقع علاش كلشي تجمع عليها اليوم، خااصها تكون فرحاانة حيث مات داك الشيطاان علاش كتحس بدنيا كتقلب عليها وكلشي كيجي ضدها ولكن لمداركاهش انها فقدات الجدار لكان واضع خط احمر للعالم كامل على انه يآذيها، من هاد الليلة هي فقدات أمانها وحريتها وخاصها تستعد للقادم حيث صبحات فريسة سهلة على الاعداء
قطعات على المتصل وزبرات على هاتفها كتحاول تصبر نفسها وتطرد الخوت لتركبها، نظرات انعكاسها عبر المرآة ، عسليتها كانو ممخرين بسباب البكاء وجسدها كلو كيرتاعش، استنشقات كمية كبيرة من الهواء بصعوبة بسباب شهقاتها متقطعة..
زفرات هوااااء وتوجهات خارجة من المرحاض ومع فتحات الباب ، تفاحأت بابتسامة خبيثة مستقبلاها، سقط الهاتف من يدها وتراجعت برعب من الشخص لدخل الحمام كينظر ليها بخبث شيطاني وبافتراس
المجهول: مبغيتيش تشوفي باباك
لوليا(تراجعت للخلف بخوف حتى اصطادمت بالحائط وهمات بعدم تصديق): ع..علاش جيتي علاااش
المجهول (زول قناع من على وجهو ورجع القلنسوة المعطف خلف ظهرو، طقطق رأسو لليمين وتقدم بخبث نحوها): جيت نسلم على بنتي نور صدق داك ارذوجان ممحيدش عينيه عليها بسباب داك الدوق ومنين شفتك قلت ضروري نسلم على بنتي اخرى متنسايش حتى نتي عشتي معانا
لوليا(وضعات يديها خلف ظهرها ونطقات برجاء): خرررج علياا خرج علياا ولا غنغووت ونجمع ناس عليك
المجهول: هه غوتي شكون غيسمعك اصلا شكون لكيهتم بك وشكون لسعر بفرااغك ولابتغييرك منين كنتي معايا حتى حد من غير دااك راجلك راه ماات وتهنيت منو كان خالق ليا عقبببة كبيرة في الطريق ببابو بطلت شحال من حاجة ولكن منين مااات دابا كللشي غيتقلب
لوليا(نظرات ليهوهو كيقرب ليها ودخل معاه واحد من حراس واصع بد فوق بد وكينظر بجموك للخائط لهي مساندك عليه): ببعدد فيننن غتقررب مااشي حيث ماات هاد الشيطاان صاافي غدير مابغييتي ماشي هو بوحدوو لكيحميننني
المجهول(وسع عينيه على كلامها وقهقه بصخب): وااش عارفة شكتقووولي هههه واش عارفة شنوو داررر عليك ولالا هههههه متقوليش ليا شيطااان منظمات خلااااك جاااهلة على شنو وقققع ميميكنننش هههههه(بدا كيقهقه بصخب وسعادة لدرجة دموع ذرفو من عينيه ): هااادي خبااار زوينة ولكن حيث كنعتابر بحال باباك في اخير عشتي معايا مدة طويلة كثر من نورررر غنعاونك تعق
لوليا(صرخات بجنون منين شافتو مقرب ليها ): بععععد مني بعددد (حاولت تجري وتخرج ولكن شذها بعنف من رسغها ورماها على الحائط، فلتات صرخة متؤلمة من شفايفها وهي كتشعر بأحبالها الصوتية غيتقطعو،): هئ هئ بعد مني تفرق علياا
المجهول: فين غااادة قبل مانكمل كلامي(لف قبضتو حول رسغها لواه ليها بعننف حتى بدات كتبكي وكترجاه يفلتها): بسباااابك بسبااابك تكلااخك نورر قدرات تهرب منني بسبااابك الخطة ممشاتش هي هاديك دابا لو هي بنتي انااا انااا ماشي داك ارذوجااان
لوليا: هئ ه ئ وطللق مني 😭 يدي كتحرقني غتهرسننني
المجهول (لفها بقووة حتى صراخها كسر دنيا من حديد ودموعها كينزلو بحرقة ممزوجين مع شهقاتها المتؤلمة): غنهقتتتتلك غتمووتي على يدي لوليا طووال دنياا ولا قصاارت لو كنتي ذكية تخدمي شويا العقل لفيك لو نتي بنت رياض وغيثة ولكن مكللخة وغبية عمرك غتكوووني بحاال نور بزااف عليك بنتتتي لووو خدمتي داك العقل لو هي بنتتتي انا كتعررفني غير انا تفووو(ترك يدها وترااجع للخف كيفرك شعرو بقوة ضرب علبة نفايات كانت موضوعك اسفل لڤابو بقوة حتى سقطاااا): ليووم نصفيها ليك ابنت **** مكاين لعتقك مني
(مد يدو نحو حارسو ): هارا دااك سلاااح
وسعات لوليا عينيها على كلامو وقلبها تزير عليها وقبل مايمد حارس المسدس كان سقط جثة امامها صرخات برعب من المنظر، وهزات راسها في الشخص لدخل الحمام كان كارلوس جا ينقذها، شعرات براحة منين شافتو وخا كتكرهو ولكن عارفاه كيحميها ولو على حياتو
لوليا: كارلوس عتقني عفاك
كارلوس(رمق المجهول بحدة): خرج براا
المجهول(رمقو بسخرية): وعلاش خاصني نسمع هدرتك
كارلوس (عينيه كانو حمرين بسباب بكااء ونطق ببرود): خرج برا كتبقى هي مراة الرئيس ديالي وهي ماشي غبوحدها باقي خلفها عائلتها ولافكرتي تمس لوليا غادي ندمر ليك خططك كاملة
المجهول: متقدرش ديرها حيث(جبد رزمة ديال عقرات غير شافتهم لوليا جسدها بدا كيتخبط في الارض): نقطة ضعف ديالها كنملكها بيدي
كارلوس(فكو تشنج حتى احمار وقبضتو زير عليها بعنف على المسدس): خرج وحطها تم
المجهول (نظر ليه بسخرية ورمق لوليا بخبث): باقي غنتلاقو مرة اخرى وغنحرص انك تكوني بوحدك بعيدة على هاد بياديق
كارلوس: بلاتي
المجهول: شباغي تاني؟
كارلوس: بطاقة
المجهول(بادراك): نسيت(خرج بطاقة لكانت زرقاء اللون ومتوسطاها من اسفل نجمة مكتوب عليها الرقم 4)
كارلوس(مد ليه ظرف كبير ازرق اللون): الترتيب غيتعلن عليه في الليل غتشوف رتبة ديالك في بطاقة جديدة وبالنسبة اوراق باقية بغيتهم يوصلو قبل منتصف الليل عبر حارس لغيجيك
المجهول: شنو الجديد
غادر المجهول واضح حزمة ديال مهدئات فوق الرخام واخد معاه الظرف الكبير لمنحو ليه كارلوس، لوليا قامت بسرعة بخطوات مرتعشة تجاوزت الجثة وحملات واحد من عقرات ملآت إبرة لكانت لاصقة فيه ودخلاتها في رسغها غمضات عينيها براحة، واخيرا تقدر ترتاح ولو غير شويا، نظرات كارلوس بفرحة وتقدمات نحوه
لوليا(بنبرة سعيدة): واش بصح مات قول ليا واش تهنيت منو
كارلوس(نظر لعينيها لكيقذفوه بسعادة، شعر بالمرارة في حلقو با يقتلها ولكن تذكر نفس هاد العينين كانو كيراقبوه بلطف ): غنمشي حاولي متبعديش على مجد المرجولي حدك قريبة ليه مغيمسك حتى خطر
بغا يغادر وهي توقفو لوليا
لوليا: فين غادي واش مغتبقاش معايا مشفتيش هاد الحمق شنو دار
كارلوس: عندي مهمة اخرى
لوليا(ربعات يديها وهزات حاجبها فيه): شنو هي المهمة هاد المهمة لأهم مني
كارلوس(بغا يخبرها انها بنتها كتنتاظرو ولكن سكت، مكرهش لو قنع إدموند انها تسترجع ذكرياتها على الاقل كان غيعيش افضل ايام في عمرو ولكن رئيسو رفض رفض قاطع، ومات موت صعيبة تعذب بسباب المرض والألم في ايام اخيرة فمو تشلل ومبقاش كينطق ولا غير كيرمش وكيضحك وهو كيتخيل صورتها، هو مكيلونش لوليا بالعكس في الاخير كتبقى هي الشخص الرحيد لحعلات إدموند يدرى اهمية الحياة): بقاي مع مرجولي وغتكوني بخير
لوليا: بلاتي كارلوس منين مات لاخور واش نقدر نمشي عند داغر مبقى دابا ميحبسنا