أنت ملكي يا عنيدتي (ولسحر عيونك لن انحني )

Part19

توجهوا نحو الصالة..ولمحات والدها لجالس بقرب لوليا لمزال كتوريه في هدايا نقلات عينيها نحو غيثة لجالسة بقرب عماد في الارض ...ماسكين جهاز تحكم عن بعد وكانوا متنافسين مع جواد وفارس لكانت ملامحهم مقتبضة بسبب اقترابهم من الخسارة لمحات ياسر لجالس في اريكة لوحده كيشجع في غيثة ومفتاخر بطريقة لعب امه الاحترافية ونظرات لدينارا لجالسة بقرب مجد واميمة برفقتهم. اكتافت من تحديق منين جراتها حسناء نحو لوليا..

حسناء: ونتي ابنت فارس متفكرتيناش..

لوليا: بالعكس اجدة جبت ليك هادو(نظرات لنور)؛ اوبس نور سمحي ليا متفكرتش تقريبا مشفتك من اخر مرة في مغرب منين كنتي كسولة في صغرك ونسيت على شكلك وصراحة كنتي خارجة من بالي ومجبت ليك معايا والوا ياك متقلقتيش مني حيث عارفاك مولفة الفشوش ديال عمي رياض وخالتي غيثة وقلت غتقلقي مني لنسيت كادو..

نور(بابتسامة) لا علاش غنتقلق.. واصلا قلتيها انا مولفة الفشوش من والديا يعني اي هدية كنتي غتفكري تهديها ليا او جبتيها معاك دابا فأنا متأكدة ان بابا حبيبي شراها ليا في أمريكا..وفي جميع الدول لسافرت معاهم فيها ومن ضمنهم بريطانيا....وحتى ذوق ديالي صعيب بالعكس انا فرحانة مجبتي والوا حيث عندي بزااف وفي اخير كنبدا غير نرمي لمعجباتش ذوقي

لوليا(تفاجأت من رد نور لكان ملحق بنبرة لطيفة كيف معهود على ابنة ارذوجان ... بلعات غصتها): شكرا فرحتني..

نور(رسلات لرياض قبلة في هواء ودارت لكيت في وذنيها وخدمات اغنية dynamite وبدات كترقص وكتغني..): اه شحال كتعجبني هاد اغنية..

ياسر:ايه ايه ايه هذا تيشورط ديالي..

نور: اه مالو؟؟

ياسر: واش صافابا واش محيدتيش هاد قاعدة.

نور: اء(حبسات اغنية): هذاك علاش كتغوت عليا واصلا شنو هو الدور ديالك في حياتي لمكنتش غنلبس منك تيشروط ... واصلا راه كنلبسهم غير في دار وديال ياسين كنلبسهم مرات منين كنبغي نعس

ياسر: ايوا علاش كتشري بيجامات ومعمراهم يلاه معايا هاد مرة ندخلوا بوتيك وشري لبغيتي..

نور: وشكون لقال ليك انا باغا نشريهم اصلا فايت جربتها ومرتاحيتش فيهم انا كيعجبوني ديالكم...نتوما

ياسر: سيري طلعي بدلي داك تيشورط يلاه راه عزيز عليا

نور: ولكن راه عجبني

ياسر: مشغليش يلاه دويت معاك

نور(نطقات نبرة مهددة): خويا الكبير يااااسر

ياسر نظر ليها بهدوء من نبرتها ماشي غير هو بوحدو حتى ياسين ورياض عارفين من ورا هاد نبرة عندها بلان على ياسر وماشي اي بلان بل خبار خايبة..

غيثة(نظرات لنور بتهديد): هاديك تفرقي على ولدي وبراكة من دوك فعايل..

نور(نظرات لجواد): عمي جواد ورك على مربع جوج مرات وكروة وضرب دوارة تلاثة مرات وكروة بقا دير بحال هكذا...