أنت ملكي يا عنيدتي (ولسحر عيونك لن انحني )

Part95

ابتاسمت نصف ابتسامة وعينيها متبثين على الباب فين داخل والدها لكان حضورو هاد النهار مبكر نوعا ما....

غيثة(قطبات حاجبيها باستغراب وهي كتشوف في رياض لمتقدم نحوهم بملامح منزعجة): رياااض شفتك هاد نهار جاي بكري واش خدمتي غير ساعتين

رياض(عينيه على مجد ونطق بحنق): منجيش وعندي بوبرايص في القصر

غيثة:شكتتقول نتا

رياض (جلس في الاريكة لمقابل معاهم ونقل نظراتو نحو غيثة وابتسامة صفراء مرسومة على وجهو منساش هي سباب تواجد داك الاشقر الطويل معاهم): والوا انا غهبيل مديش عليا

غيثة (وضعات يدها على ركتيهل ونطقات بانزعاج طفيف): هاهو رجع لحالتو المنفرة تقول فيه لغيݣل حتى هو اخخخ

رياض مجاوبهااش ماشي حيث ملقاش جواب كلامها وإنما بغا يفهم اش دا مجد يجس حدا بنتووو؟؟!!؟ واش كيقلب على موتو ولا كيلقي الترحيب على مسدس رياض باش يتيري فيه في الخصية...

رياض: اش جلسك نتا تما

مجد (ابتاسم باستمتاع وعينيه الكسولة على رياض لطان واضع يدو على خلف ظهرو تأهبا يلا. نفذ ليه صبر ينفذ خطتو باش يهني هاد الكسول من البشرية وأول واحد غيبارك ليك ويشكرو على هاد الخير هو عماد..): مكتوبة في سميتك لا

رياض باشر باش يتكلم ويجبد سلاحو وهي توقفو غيثة

غيثة: اويلي شهاد سؤال بعد من ولد واصلا توحشناه انا ونور ومسكين يلاه خرج من الحبس

رياض: توحشتيه نتي ألالة اما بنتي خوتها ومكتوحشهمش بقا غير هاد (دور رأسو جهة ثانية كيسب تحت انفاسو حيث لو صمعات غيثة الكلمة غيقلبوها هو وياها صباط وزيد مباغيش يلوث مسامع بنتو البريئة): نور عيني

نور(زولات لپاي من فمها ووسعات عينيها باستماع نحو والدها): نعام باباتي

رياض: أجي جلسي حدايا بنتتي

نور(قامت بسعادة وتوجهات بقربو جالسة في حضنو ): ههه دادي توحشتك

رياض(نسا غضبو لوهلة ومسح على شعرها بحنان،واضع راسها على كتفو): حتى انا بنتي ماشي بحال مك كتقوول. لاش جاي بكري باغا تنهى مني

غيثة: انا مقصدتتش هادشي نتا عارف ولكن خفت يكون عندك شي مشكل ونتا وجهك داخل بحال قباط رواح

رياض(نقل عينيه نحو مجد لكان جالس بخمول كعاتو رجليه كان موسعهم قليلا باش يجلس براحة واصابعو الطويلة على ركابيه كيطرق بهم . وبدون نسيان خصلاتو الشقراء البنية ل ساقطة على جبنيو مخفية قليلا لون عينيه العشبية..): مزال ناوي نقبط شي بوحغ منين يجي وقت مناسب

صك على سنانو بغضب حيث رياض ماشي من النوع لكيعجبو اسلوب الاستفزاز هو عصببي وكيتصرف يابيدو يابالفردي يا بفمو مع غيثة... وحربو مع لاخور كان كيطلب منو يكون هادئ وبارد على اسلوبو الزفت وخصوصا مجد حاصل على دكتوراه في علم الاستفزاز والكسل ...