أنت ملكي يا عنيدتي (ولسحر عيونك لن انحني )

Part159

ابتاسم وهو كينظر لغيثة لكانت كتطبخ مع لوليا وبجانبهم طفلة صغيرة معرفهاش شكون ولكن منظرهم بتلاثة عجبهم

عمران(شم ريحة):الله غيثة موجدة لبان كيك احسن حاجة جيت معااك

ياسين:تمشي تطلع معايا ولا لا

عمران: لا سير نسرق شي حاجة غير فوتني دابا في الماكلة

ابتاسم ياسين على منظرو وتحرك كيتسلت صاعد لغرفتو

إنجل: طاتي هاكي كاكاو

غيثة(رمقاتها بانهيار من لطفاتها): اش هاد الفن ياسيدي ربي(نظرات لوليا):منين جبتيها فنة ماشاء الله مكرهتش نجيب شي بنتيك صغيرة

نور(فتحات ثلاجة وجبدات قرعة عصير):غيثة ديري عقلك

غيثة(التافتت نحوها بعبوس): علاش ندير عقلي مال دراري صغار نعمة من عند ربي نتي كبرتي وقربتي تزوجي وخوك مشا ولاخور غابر بغيت شي بنيتة صغيرة وتكون فنة بحال ها قطيطة(مسكات خذ إنجل بلطافة، هاد الاخيرة غمضات عينيها ووضعات يديها عليهم بطريقة خلات غيثة قلبها ينصار من كياتها):صافي انا كنذوب غنعيط على باك دابا نخدمو على مشروعنا

نور:ديك لغيكل مبغاتش تمشي منك زعما درتي خمسين غيثة

غيثة:اويلي واش نتي وباك حاقدين عليها ولا مالك زوينة هادي تمشي علد خاطرها واصلا مزال بغيتها باش منحسش براسي شرفت

نور:ولدك تزوج وقرب يجيب ولد راك شارفة غيثة شرفتتي

غيثة(قلبات عينيها من كلام نور ونظرات لإنجل لعينيها متبثين على شعر نور): سير تلعبي
إنجل(بصوت دلوع نطقات):شعرها زوين بزاف بحال سنووايت(نظرات لوليا وابتاسمت بسعادة):بحال اميرة لتفرجنا فيها ماما

لوليا(ربتات على شعرها وابتاسمت ليها):اميرات لشعرهم صفر حسن

انجل(نقلات عينيها نحو نور لكانت كتشوفها باستغراب ويلاه شعرات بوجودها ، انظارها كانو كينتاقلو بينها وبين لوليا وفي اخير توقفات على خاصتي انجل، لابتاسمت ليها حتى انغالقو عينيها، شعرات بقشعريرة مررات حول جسدها،بلعات ريقها وخرجات تحت استغراب انجل لنظرات لوالدتها، هاد الاخيرة كانت مربعك يديها بغضب وهي كتراقب ظهر الاخرى):مامي واش نتي معصبة

لوليا:لا علاش غنكون معصبة ، مافيكش نعاس حيث يلاه فقتي

إنجل: لا انا مزيان واصلا طاتي غيثة ظريفة انا معنري مدخلت كوزينك وطيبت هادي اول مرة

لوليا: هاديك بحال ماما وتقدري تقولي ليها ميمة غيثة غيعجبها لحال (مررات خصلة انجل خلف اذنها): شنو بغيتي نطيب ليك في لعشا

إنجل: امم بغيت تطيبي واحد حاجة قال ليا دادي كطيبيها زوينة

لوليا(زفرات هواء بملل منين سمعاتها كدوي مع إدموند ومع ذلك سألاتها): شنو هاد الاكلة