أنت ملكي يا عنيدتي (ولسحر عيونك لن انحني )

Part161

نظرات لانعكاسها عبر المرآة بسعادة وبافتخار، هاهي بعد ساعات من ارهاق وتمارة هي على خطوة صغيرة وتوصل لهذاها، مرات شعرات بالفشل كيستوحذ على جسدها، وقللات من قدرتها مع باقي سيدات الاعمال والشركات لمكتاسحـين هاد المجــال بالفعـــل،

زفرات هواء بتوتر ونظرات لأصابعها لكانو مشتابكين مع بعض، الحماس،الخوف،الاعتزاز هي مجرد مشاعر صغيرة لقدرات تفسرها اما باقي فراه ظهرو على تقاسيم وجهها وجسدها، وضعات حلقاتها لهداتهم ليها لينــا

لينا الشخص لعمرها غتنسى خيرها، تشجعيها، وكلماتها القوية لأثرو على شخصيتها،وحتى نظراتها الدافئـة تجاهها، قوة كلماتها مع باقي النساء، هاد شهر ونص لعرفاتهم فيها تغيرات طريقة تفكيـرها بشكــل واضح

وخا كيجيها أمـــر غريب كرهها للرجال بدرجة شنيعة، وكيفاش كتمناهم يختافاو من هاد عالم، كانت في اول مشات على خطاها وخطى النسويات صديقاتها

ولكن في حديثها مع غيثة ومع نفسها، عرفــات الرجــال فيهم وفيهم كيف نســاء تمــاما، والحرب بين النســوية السامة والذكوريـــة العنيفة كيشجعو على تفريق الأســرة والضحيــة هما الاطفــال لهما جيــل المستقبل، بعد قصتها مع ولدها عرفــات شحال دور اباء مهم في حيـــاة اطفالهم وخا مكيبانش في الاول ولكن مع مرور الوقت متشوفي العقــد النفسية لبـدات كتكون ليه

وبذكر مجد، قررات تخليــه على راحتو، غتاخد معاه حــوار جـدي باش يفهم اسبابها واسباب عماد، مكنطلبش سماحة، كتشوف نفسها اسوء أم ،

ولكن على الاقل متبقاش عاطياها غير للبكا والنواح، وتشجع نفسها باش يخوضو حــوار وتما كيبقى القرار قرارو وحتى طفلتـها قررات تمشي تسافر بعد مؤتمر هاد النهــار لغيبذا مع 14:00

نظرات لساعتها بعد ماتذكرات الوقت ولمحاتها كتشير للحادية، يلاه خاصتها تخرج باش توصل وتشرف على اللمسات الاخيرة، هاد المؤتمر عنذو بور اســاسي في نجــاح البراند ديالها، لعبــات على لوغو والألـوان وأهم حاجة شعار الماركــة

نجلاء:نتي قادرة عليها نجلاء متخافيش كلشي غيدوز هو هذاك

حملات حقيبتها وهاتفها، ونزلات للاسفل خطوات سعيدة، والكل لاحظ اشراق ملامحــها اكيد وهما على درايــة بالبراند ديالها

صعدات في السيارة بعد مافتح ليها السائق، وجلسات كتفحص هاتفها

لمحات الكل مشجعها

غيثة لي لاحت اوديو كتعبر على سعادتها وافتخارها بها، سلمى وجواد رسلو ليها ڤيديو مع طفتها مروى وآدم لكان سعيد هو ايضا بالمشروع لغيتفتح