أنت ملكي يا عنيدتي (ولسحر عيونك لن انحني )

Part144

ياسين(بحدة): تحركي

مريم عبسات في وجهو ونقلات عينيها نحو العملاء لحضرو الامس بليل وكاين لفي صباح وهادشي بعد ماتوصلوا برسالة الدوكس باش يوجدو للحرب، زفرات لهوا بعد مانظرات لعينيه لكانو كيحملو الدفء عكس كلماتو وفهمات انه خاص يعاملها هكذا باش ميبانش انه كيدير تحيز، قوتها مقارنة مع باقي الفرقة كانت لا تقارن فايتينها بسنوات ضوئية، كانت فخورة بنفسها وهي مع فرقتها ودابا ولات محتاقرة نفسها بسباب عدم تباينها مع آخرين ، كان رعد مرة مرة هو ودرصاف كيشجعو فيها وحتى نادر ولكن غير طريقة قتالهم كانت كتبهرها بحالا كتشاهد فيلم في سينيما وخصوصا ياسين عمرها تخيلاتو يكون قوي لهاد درجة حركاتو مكانتش عندها القدرة باش تستوعبهم ،كلشي محتارمو وعاطيه قيمة بصفتو القائد او دوكس ومحاكاة لهما داخلين فيها كانت صعيبة ونالت صفر نقطة بسباب سرعة الكل مكاملاش دقائق فين غتسمك سلاح وتوجهو نحو ضحيتها كانو. سالاو من اختبار ،وقفات سايسة غبرة من على جسدها ، وفر أنين صغير من شفايفها كتشهر بالضو كيضرب جنبها،هزات تريكو وعضات على شفايفها وهي كتشوف كدمات زرقة بسباب اصدامها مع الدمى الخشبية في التدريب لكانت قاسية عليها

تركات قميصها وتوجهات فين واقفة الفرقة

ياسين: هاد اسبوع غادي يكون فيه تدريب باش نميز قدراتكم وخا عارفها ولكن باش نكون عادل ومنها نفكر في الخطط ولعندكم شي اقتراح غتزيدوه بالنسبة للفوكس بغيت كل واحد فيكم ليلة دير دراسة على عمليات لقام بهم لكتعرفو خليفتو غتفيدنا وطريقة قتالو وتفكيرو جد مهمة خاص نفهمو كبفاش كيفكر عدونا باش نسبة نجاحنا ونجاتنا تكون كبيرة مفهوم

الكل: مفهوم (نطق واحد من العملاء الماهرين في منظمة)

العميل: سمح لياوكس لقاطعتك ولكن شكون هاد البنت جاتني صغيرة وحتى خبرتها اقل من انها تكون عميلة من النخبة

مريم (وسعات عينيها ونظرات لياسين كتحاول تهرب من نظرات العملاء لكانو شي 12 تقريبا باحراج وكاين ليلاه لاحظ وجودها)

ياسين(بدون ماينظر لمريم نطق بهدوء وعينيه على عميل لكيتكلم): منظمة اختارتها باش تشارك وهي باقة متدربة(قبل مايسمع لصدمتهم ولاينظر ملامحهم  المدهوشة كمل في كلامو): هادي تجربة كيف باقي التجارب لكتقوم بها منظمة ووقع اختيار عليها بأنها افضل متدربة ليا ومنين جبدتي هاد موضوع غنختار كل واحد فيكم غادي تقضي معاكم مدة دربوها وعلموها داكشي لكتعرفو بين ربعيام حتى سيمانة انا غنختار لمدة وكيف قلت نبغي تخرج من قيمة إضافية وإلا فراه غيكون عندكم خلل في تدريب

مريم (رمقاتو بعدم تصديق حيث حتى حد هكذا مغيعقل عليها  وغيدربوها بجدية ومغيرحموهاش انها متدربة غيزيدو يكفسو عليها)

ياسين: بما ان كلشي مفهوم  هادب فترة لغدا تقدرو ترتاحو

تفرتكات جوقة ورعد تحرك مع درصاف مغادرين قاعة تداريب حيث فيه جوع ومفطرش مزيان،ومريم استادرت متوجهة نحو مستوصف حيث مكان كدمات كيهزوها ولكن وسعات عينيها منين شعرات بيد حاوطت بطنها هازاها