أنت ملكي يا عنيدتي (ولسحر عيونك لن انحني )

part74

غيثة:وياه واحد مرة كان معصب من الخدمة غير شاف تصويرة ياسر كان واقف في يخت وخلفو نايض شي حريق باش تعرفي حمق دولدي ولاحها وتشوفي باك شحال كان فرح منين شافها

نور(هزات حاجب من خلال وصف لقالتو غيثة وهي تنطق ): الحنش ماكيولد غير طول منو كيف كتقول جدة

غيثة: مكذبتيش في هادي عرفتي وحيد لكيخليني مهنية ومرتاحة من جيهتو ونحس بالفخر نيت هو ياسين الرزانة والعقل لابنات لا بلية بكارو لا شرااب انا مزال نعقل كنت سكايرية الدرب غير باك هو لزيرني باش نحيد بلية

قاطعها دلوف آدم لغير ما نظر لنور سارع في معناقتها

آدم: سمحي ليا مجيتتش عندك بكري. مروة كانت عيااات بزاااف كيف بقيتي واش شويا

نور: راني بخير مواقع والو

آدم فكها من عناقو ونظرات ليه نور بنظرات فهمهم غير هما

غيثة: غنمشي نجيب صاكي نخليكم دويو شويا

نور: وخا ماما متعطليش

غيثة(رسلات ليها قبلة في هواء وتحركات تاركاهم ومع طيفها غادرهم اختافت ابتاسمة نور ونظرات ليه بجمود)

نور: من امتا آدم كيدير حاجة بلا خباري

آدم (وضع يديه على كتفيها ونظر ليها برجاء): نور كنت مضطر في ديك الحالة مقدرتتش انا براسي غير تكرهت باش ندير داك أمر وعارفاني عمري درت شي حاجة بلاخبارك

نور: هدرة ماعندها فايدة هز مروى وسيرو من هنا

آدم: ولكن نور

نور(قاطعاتو بحدة): دييير داااكشي لكنقووول ليييك آدم فهمتي

آدم: اه

نور: ليوم في ليل تكونو خويتو بلاد شوف شي كذبة وديها عند باها حسن ليها

آدم: ومن بعد نجي حيث نتي محتجاني انا

نور: لا آدم هي غتحتاجك وانا عمري احتاجيت شي حد قادة براسي

غيثة(حملات صاكها في يدها ومدات باسل باش ياخد معطفها): يلاه نمشيو آدم تمشي معانا

آدم: لا عندي شي غراض بسلامةخالتي غيثة

غيثة اء مال وجهو ماشي تالهيه واش تخاصمتو

نور: لا غبر مروة عيات بسباب خوها

غيثة: ربي. يشوف من حالهاهي غير قلبها وبزز باش عايشة به وزادتنا صدمة مجد

ركبو في السيارة في المقعد الخلفي وجلس باسل قرب السائق بينما سيارة سبقاتهم من الامام وجوج من الخلف

نور: بعدا عماد فين هو

غيثة: عماد راه رجع عندو لوليا لبريطانيا

نور(بنبرة مستعجبة): لوليا في بريطانيا!!!

غيثة: ويلي نسيت مقلتش ليك دارت حادث في بريطانيا