أنت ملكي يا عنيدتي (ولسحر عيونك لن انحني )

part132

مروة(عنقات جواد لضمها في حضنو وقبل جبينها): توحشتك عمو بزاف كون غير جيتي بريطانيا

جواد: عمك غارق في خدمة حتى ودنين هانتي شفتيني معاش جيت

مروة: امم الله يعاونك

جواد: امين تعشيتو ولا مزال

سلمى: عيينا نتسناوك وقلت مروة تعشا حسن باش طلع ترتاح ماشي بزاف باش جات

جواد: اه بنتي لكلمتي سيري طلعي لبيتك راهيما موجود ولاسيري عندك آدم نعسي حداه

مروة (خجلات حيث جواد كان عارف علاقتهم من اول قبل من حتى والدها وكان مرحب بالفكؤة وديما مطلعها على ادم): وخا عمي انا غنطلع بصحتكم

سلمى: لبسي مزياان متقوليش مبقيتيش في لندن لونس اجلوس راه سخونة عليها دفي راسك

مروة: متخافيش عليا راه بابا ومتما مطلقوني حتى حلفوني

جواد: يلاه سيري منشدوكش(نظى لسلمى بحب): ونتب زين مكليتيش

سلمى(ابتاسمت ليه): قلت حتى تجي وناكلو بجوج

جواد(قبل ظهر يدها): هادشي علاش زوين زواج تجي عيان تلقا مرتك كتسنى فيك ومكابدة ليك الهم

غيرات ملابسها ولبسات ملابس النوم لطانت عبارة عن بيجامة سخونة كتحتاوي على دب مرسوم على منتصف الهودي وسروال زرق كاروات لبسات تقاشر بيضين ومشطات شعرها البني القصير لعجبها كثر منين غيرات لونو وقطعاتو ومتحمسة تعرف ردة فعل آدم ، على ذكرو لبسات بانطوفتها وخرجات متوجهة لبيتو فتحات الباب ببطء ولمحات نافذة مفتوحة، عبسات ومشات تغلقها ديما كيخلي شراجم مفتوحين وهادشي كيعصبها كتخافو يمرض منين كتكون معاه عاد كيسدو باش ميأثرش عليها البرد كان ناعسة على كرشو معنق المخدة وعريان من لفوق لابس غير سروال كيطمة ولوشام ديال جماعتو كان على شكل سوار موشوم باحرف اسم الجماعة ADAMES لمقتباس من اسمو آدم واسفل اسم جماعة كاين اسم مروة باللغة العربية كانت مكتوبة ، تحركات بخطوات خفيفة ووضعات رأسها على كتفو

مروة(همسات في اذنو بصوتها الرقيق): آدم آدم

آدم: امم

مروة: آدم فيق هادي انا

آدم (وضع رأسو على مخدة حاجب صوت وقبل مايلف وجهو اتجاه اخر، هز حاجبو وفتح عين كينظر لمصدر الصوت، فرك عينو كيتأكد من الشخص لواقف أمامو ونطق ببحتو الناعسة): واش انا في الجنة

مروة: هه براكة من ضحك واش متوحشتينيش

هاد المرة فتح عينيه بجوج كيرمقها بصدمة خصوصا منين لمح شعرها القصير المصبوغ دخل في حالة من جمود وهو كينظر ليها

فرات قهقهة صغيرة من شفايفها على صدمتو اللطيفة بان ليها بحال طفل صغير لحصل سانتا كلوز خارج من مدفئة باش يوضع ليه هديتو