أنت ملكي يا عنيدتي (ولسحر عيونك لن انحني )

Part158

تنهدات بخفوتً وربعت يديها بحنق وعينيها على اطفال الصغار لكيضحكو مع والديهم، مكانوش عاجبيها بالعكس فقصوها بفشوشهم، ها لضرب لماماه لايس كريم لشراتو ليه ولكن حيث معجبوش الشكل رماه في ارض وحماها بالبكا، واطفال اخرين كانو كيتناتفو بحال دجاج واخرين كيلقيو شتائم على بعضهم، شتائم رذيلة هي بنفسها عمرها نطقات بهم، رمقاتهم بتقزز ونقلات عينيها للطفلة لكتمشي بقربها، كانت هادية على عكسهم، ماسكة في دميتها ضاماها لحضنها وعينيها مركزين في طريق لأمامهم وابتسامة واسعة مرسومة على ثغرها، مشعراتش بنفسها وهي مطولة الشوفة فيها، وحتى باقي الناس كانو كينظرو ليهم بفضول حيث لباسهم كيصرخ من الثراء وحتى الحراس لخلفهم دخلو في نفوسهم الشكل حول هوياتهم...،

هزات انجل عينيها نحو لوليا بعد ماشعرات بنظراتها وابتسامتها المشرقة مزال مرسومة على ثغرها، لوليا رمشات بسرعة ونقلات عينيها بهدوء نحو النهر، مشاعر غريبة كتشعر بهم تجاه هاد الطفلة وغير كيفاش انها منفراتش منها وقلبها تزير عليها هذا كيثير الفضول داخلها

لوليا(كلامها موجه لكارلوس):متأكد ان هادي بنت هداك هماجي حيث لاعلاقة به

كارلوس مجاوبهاش وعينيه مطبقين على انجل لكانت كتنظر لدميتها كتخاطبها بعينيها على سعادتها بتواجدها مع والدتها، وقرر يتراجع للخلف باش يخليهم على راحتهم وغير من لغة جسد لوبيا عرفها مغتآذيهاش

وفي اللحظة لي التافت ليها كرة توجهات نحو وجه انجل ، وسعات عينيها بهلع والدمية سقطات من على حضنها وخضروتيها مستقرة على الكرة لغتصطادم بها، غمضات عينيها ومدات يديها باش تحمي وجهها واكن الكرة اصطادمت بالارض عكس وجهها، فتحات عينيها كترمش بذعر ولمحات والدتها هي لتصدات الكرة بيدها،

لوليا:اح يدي(مسكات اصابعها بألم بسباب دفعها للكرة لكانت مجهدة): يخخ على بشار

هزات عينيها نحو المراهق لبغا ياخد الكرة وهي ضربها برجليها بعيد عليها

لوليا: اش هاد قلة تربية واش هادي بلاصة الكورررة!!!

مراهق(هز عينيه فيها ورمقها من رأسها لأخمس رجليها بسخرية): ونتي اش كديري هنا زويننة كلشي كيلعب لمعجبكش الحال سيري **** بحالك

لوليا(وسعات عينيها بصدمة من كلامو وبدون ماتشعر كانت صفعات خدو بحدة): قليل الترابي تفووو عليك وعلى تربية ناقصة

قبل مايهاجم عليها كانت أم المراهق جات كتجري باش تستفر على سباب لخلا لوليا تطوع كرة هادشي على حساب كلام لقالو ليها صحابو ولكن منين شافت ولدها تصفع من طرف ديك الشقراء ، عينيها حمارو بالغضب وصرخة صرخة شبه رجولية

المرأة: شفتتتك ضااربة ليااا ولددي اديك ***** محشمتييش دراردي كيلعبو ونتي مصرفقاه

لوليا(رمقاتها باشمئزاز): مغنزلش مستوى ديالك اوكي ولكن ربي ولدك على اقل انه يحتارم ناس لكبر منو وغير من اسلوب ديالك وطريقة ياش هدرتي باينك تربيتك وزيدي بسباب هاد الموقر المفشش ديالك كان غيضرب ليا البنت