أنت ملكي يا عنيدتي (ولسحر عيونك لن انحني )

Part111

قلبها سقط لمعدتها والأكسجين مبقاتش قادرة دخلو من انفها داكشي علاش فتحات فمها كتدخل الهوااء لذماغها باش يتشاغل ولعلها تفكر في جواب ولا غير تستوعب كلمة بجعائي ،كلمة لكان كيقولها ليها في بعض لحظات في التدريب لكن مكانتش كتفهم معناعة،و هاد المرة كانت مختالفة على مرات السابقة منين ضاف عليها ياء التملك وليللة هاد ليلة غتمشي تبحث على معناها مستحييل تغاضى على الأمر كثر من هكذا

تراجع للخلف قليلا بعد مالقى نظرة على بنفسجيها من ديك مسافة قصيرة لحولهم، مستمتع بأنفاسها لكتداعب فمو ،استاقم في وقفتو عاطيها مساحة كافية باش تنفس على راحتها وعينيه كيتنقلو بين خذوذها الموردين بالخجل وبين بنفسجها المدهوشين من جرأتو

سقطات عينيه الفريدة نحو عنقها، لمح شعرها مردود للخلف وبارزة رقبتها العاجية بشكل مثير ،مشعرش منين مد اناملو نخو خصلاتها المبتلين واضعهم فوق كتفيها كيحاول يحجب جاذبية منحوتتها

ياسين(نظر لشكلها بإرضاء ونقل نظراتو نحو متدربين لمكانوش اقل من مريم طبعا): شكلو ثنائيات كل واحد يتدرب مع شريكو باش من بعد غتخوضو محاكاة حقيقية باش تدافعو على نفسكم ضد اعداااء كل ثنائي يوقفو قدام اختبار لباغين يدربو عليه

غادر متوجه نحو آلات التدريب وتبعوه معظم المتدربين على الرغم من صدمتهم ولكن النظرة الصارمة لمنحها ليهم خلاتهم يتحركو وراه ، وترك خلفو هي وخديجة وروبي وجماعتها

خديجة(لفات يدها حول ذراع مريم وهمسات ليها بفضول): شنو بينك وبين الشاف علاش كيعاملك بحالا مرتو

مريم(نظرات ليديها لكانو كيرتاجفو): معرفتش م.م.معرفتش

خديجة(زيرات على ذرااع مربم ووسعات عينيها بعدم تصديق)): كيفاش معرفتتتيش وهو منين دخل محيدش عينو ليك وغير كيضحكتهيلي مدرب ديالنا دوكس ضحك ليك لو عاودوها ليا منصدقش

مريم: خديجة خليني غير نستوعب هادشي انا مفااهمة والو برااسي

خديجة: هه شوفي في روبي وغتعرفي شنو كاين (نطقات بنبرة سعيدة مسموعة لروبي وصديقاتها): هه اصلا ديك الليلة منين ربح صهيب قال عمران مغيعطيش مرتو شارة ماشي مهمة وهانتي نتي بوحدك لكيعطيك تلبسي سترتو دابا قولي ليا واش كنتي عند الشاف وشنو وقع وعلاش شعركم بجووح فازك

مريم (مسحات وجهها بحرج ووضعات يديها على حناكها لكتحس بهم غينفاجرو من حرارة): موقع موقع والو

روبي: نتي شفااارة شفاااااارة(صرخات بحدة وتوجهات نحو مريم ياش تنتفها لكن خديجة كانت قوية وسباقة منين يدها ودفعاتها بعنف على صديقاتها)

خديجة: جعرتتي ولا ماالك واصلا شكون لشفار ولصاق من غيرك

روبي(هزات اصبعها لكيرتاجف بغضب وهسترية ): هاديك برهووشة بديتي كطلعي ليا في كري غنشد مك غنقسمك على جوج