حفصة: امممم حتى يجي هاد مسيوك ألفا ونعرف يلاه نمشيو ناكلو
توجهات بخطوات سريعة نحو الطبااخ ووسعات عينيها بدهشة وهي كتنظر لأطباق الشهية لموضوعة فوق المائدة
حفصة: الله واش هادشي كاامل ديالي
الطباخ: نعام سينورا اي حاجة تشهيتها هاهي قدامك وجدت ليك ماكلة عمرك غذوقي بحالها فشي قنت
حفصة: بلاتي نمشي نغسل يدي
شيري(قاطعتها بسرعة): حنا نجيبو ليك فين تغسلي يدي غير جلسي ترتاحي
حفصة(نقلات عينيها بين الخدم لكينظرو ليها بحمااس واشتياق ونقلات عينيها نحو الطباخين،ابتسامة مشرقة شقات ثغرها ونطقات بنبرة واثقة): كنت عارفة بلا بيا هاد القصر مساوويش يلااه جلسو حتى نتوما وخليو ألفا وخوه يقدرو يجيو (همسات بنبرة منخفضة)ويجيو بجوع
الطباخ: خليت ليهم سينيورا بلا ماتشطني عليهم
حفصة: ايوا على هاد حسااب نبدا نعمر كريشتي..
..........
وضعات تلاثة قراعي كبار ديال عصير فروالة داخل شاريو وكملات سيرها خاشية يديها في جيوب معطفها وخلفها مجد لكان كينظر للأطعمة لبجانبو بملل
مجد: ياك هادشي كاين عندكم ولالا
نور:قلت ليك ماما كتحاول تخلق وقت بيناتناا
مجد: قلتي كان عندك موعد
نور: بسبابك نتا فشل لومهزيتيش طموبليتي ودخلتي لبيتي تبقشش
مجد: انا بقششت على سوارت مفراسيش كاينة حاجة اخرى
نور: مغتجبدش ليا لساني
مجد: هه بغيت نجرب وأصلا هاد موعد ديالك تهربتي منو وكنتي باغا السبة
نور(ثقلات سرعة سيرها حتى ولات غادة حداه): اشمن سبة
مجد: نور انا عارفك نتي مغتبدليش موعد ديالك وخا نعرفك تمشي على رجليك مهم توصلي وباش على قبل طموبيلة لكاينين منها بزااف في القصر ولا غير تشدي طاكسي قفلتي موعد اذن الطرف الآخر مبغاش تلاقايه ودرتي سبة بيا أنا باش يكون عند دليل واضح (نزل رأسو في اتجاهها وابتاسم بخموول): شكون هذاا لفرض على بنت ارذوجان تحضر معاه موعد بدون ماترفض
نور(زولات عينيها من عليه ونطقات بهدوء): مكنحملش العباقرة
مجد:نتي وحدة منا ولالا
نور:مكنحملش حتى عبقريتي مراات
مجد: في أخير كتبقى هي لنجاتنا ونقذاتنا وكيولي مصيرنا مختالف على البقية على ناس عاديين
نور: ناس عاديين مكيمروش بداكشي لدوزنا
مجد: ذنبك نور هو انت بنت ارذوجان وذنب حتى خوتك واي شخص قريب لباك نفس مصير كطغيدوز عليه لعنة لقبكم مغتساليش فيكم وإنما حتى في الجيل التاني لغيجي اعداء ديما ملاحقينكم
YOU ARE READING
أنت ملكي يا عنيدتي (ولسحر عيونك لن انحني )
Romanceليس بالضرورة قراءة الجزء الاول مسك يدها النحيفة وقبل اصابعها الرفعية برقي بعد ما انحنى ليها بطريقة نبيلة ابتاسمة جانبية شقات ثغرها الناضج وهي كتمعن في شكله الجذاب والهالك في نفس الوقت هي: اخيرا حضرة الشيطان شرفنا بحضورو رفع صقريتيه الحادة لاف...
