أنت ملكي يا عنيدتي (ولسحر عيونك لن انحني )

part54

في هاد اللحظة ركز ياسين على اصابعها الطويلة لكتزيل الخصلات العالقة على رقبتها بدقة واحترافية ركز كتركيزو في وجودو فشي مهمة وهو كيحاول يزول اللغم
من المنطقة لهو فيها...دقق نظراتو في رقبتها البيضاء لظهرات اخيرا وكذلك جناح ترقوتها الفريد✨

وكز مقلتيه على هاد الاخير بنظرات غير مفهومة ولاحظ انه في كلما كيخاطبها كانت عينيه كتستكين على رقبتها او على عظمة ترقوتها. فلكاتت رؤية بنفسجها كتخليه يخرج عن واقع فرقبتها كتخلي افكارو ضايعة واما عطمة ترقوتها باختصار فهي واحد التحفة اثرية لمكيملش السائح من تأملو ليها وهو السائح في مثالنا

ياسين(بهمس قدر يوصل لأذان مريم):بجعاء

مريم(قطبات حاجبيها باستغراب):كيفاش بجعاء وشنو معناها وعلاش ديما كيقولها؟

معمراتش راسها كثر بالكلمة.... ومسكات ذيل شعرها بيمينها اما بشمالها(يد ليسرية) فدورات البانضة على شعرها مشكلة بها كعكة على رأسها....

صغر المسافة بيناتهم كيتفحص انفها بتركيز من اي اصابة

ياسين:معندك والوا غير مقصحة

مريم:وباش عرفتي؟

ياسين(هز حاجبو فيها)

مريم:سمح ليا الشاف غير ضربة مزال مدوخاني{في نفسها همسات}[باينة غيكون شبعان تهراس منين عرفني غير مقصحة]

وقفات من مكانها متوجهة لمكان لكانت كتدرب فيه حتى بها كتفاجأ انه حداها

مريم:الشاف

قاطع جملتها صوت روبي

روبي:الشاف سمح ليا واش مغنرجعوش للتدريب؟

ياسين:غدربي مع صديقتك

مريم(نظرات لياسين بترقب وخايفة داكشي لكتفكر فيه يكون بصح):وانا معامن غندرب

ياسين:معايا

مريم(وسعات عينيها على اخرهم من اخوف خير سمعاتو منذ دخولها للمنظمة وعقلها كيصرخ داخلها بكلمة):اويلااااااي

روبي:ولكن الشاف كنتي قلتي اننا غنبداو ليوم

ياسين:هادي في حالة مكانش عقاب كلكم معاقبين وبعد الغداء ساعتين الاخرى غتمشيو تلبوا العقوبة(نظر لمريم):لهذا غدربي معايا

مريم:وشحال دالمدة الشاف

ياسين؛ على حسب سرعتهم يقدر دربي معايا حتى لاسبوع واصلا نتي متأخرة في التدريبات ومنها غنشوف دوك حركات لتعلمتي من عند خالك

مريم(في نفسها):لو غير نتهرس في نيفي ولاندرب مع هاد خينا ياربي اجاو ميكملوا ديك الف واجا ميعتقمي منو ويللللي على يدربني

.....

خرجات من غرفة أخيها بعد مالبست أحد تيشورطاتو لكشف قليلا عن كتفهاوصدرها بعد مانزل من جانبها الايمن وهادشي راجع للاختلاف الواضح بين بينها وبين ياسر .. كعادتها كل صباح نزلات كتدندن باغنية من اغانيها المفضلة