أنت ملكي يا عنيدتي (ولسحر عيونك لن انحني )

Part169

ياسر(ضحكة خرجات منو بدون قصد):هه واليدة راني كبرت يهديك الله اشمن يجيبو ليك

رياض(وضع يدو على كتف ياسر زير عليه وابتاسم ليه ابتسامة واسعة مخيفة خلات زغب ديال لحمو يتشوك عليه، بلع ريقو وهو كيشعر بنضات قلبو وصلات لأذنو، حاول يبتاسم لوالدو باش يهرب منو ولكن رياض كان مرسخ يدو بقوة وحتم عليه يتحرك للاسفل، وسع عينيه بصدمة وزاد جحظهم منين لاحظ غيثة لكتسوط لهواا من فمها بغضب وهازة ديك العصا كتحركها بنفاذ الصبر بين يدها وداك البرهوش كينقز وكيقول بابا بابا بغا ليه الغمة  ومكرهش لو يمسكو من ديك قرجوطة لمبغاتش تسكت ويزدخو مع الحيط

نقل عينيه نحو الكل لكانو كيتنااظروه ينفي ولا يكذب الموضوع حيث لكان بصح ولدو فراه غيكون المشكل جدي  ،انه والد ولد ومخبعو كثر من ست سنين

ياسر(حنحن متكلن بنبرة حنينة): واليدة يهديك الله واش انا غنجيب هاد لخرا فين هو الشبه

غيثة(نقلات عينيها من على ڤاسيلي نحو ياسر وكانو كيتشاركو في بزاف الحوايج كلون البشرة ولعينين وحتى الشعر، قضمات على شفايفها بغضب ووجهات لعصا نحوه غير سبقها وتخبع خلف رياض): يهدينـــــي الله البرهووو ششحال من مرررة قلت ليييك ديييييير عقلللك متبقااايش داااخل خاارج مع لكانت غيييير صباااح (خرجات عينيها فيه بالفقصة): غييير صباح مكاملة حتى ثناش لساااعة شقلت لييييييك المسخوووط متجيبش ليا شي كررش هنا ونتاا جايب لييياا برهوووش على قدددو وشحال عندو من عااام

ياسر:غير شي تلث سنين واليد واصلا كيفاش دغياا لصقتيه ليا

ڤاسيلي(قطب حاجبيه بعبوس  ووضع يديه على خسرو مخسر سيفتو في ياسر لكان محمر عينيه في بتهديد باش يشد فمو عندو): لا جدة كيكذب(مسك يد غيثة لنظرات ليه ): عندي ست سنين وهو شحال وغابر عليا وعلى ماما ولكن في لخر رجع عندي

غيثة(شعرات بطونسيو غيهبط ليها، مسكات راسها بتعب وظهر الالم على تقاسيم وجهها، ياسر وسع عينيه بصدمة وتقدم نحوها كيتفحص ملامحها بخوف)

ياسر: هناري لواليدة بغا يرزيني فيه هاد المسخوط تافين كنعرف بوك ومعاقل حتى على ليلة لبزقتك فيها غادي تشد فمك ولا غنبيع ليك هاد قل****وي دااابااا

غيثة(زولات يدها من على راسو ومسكات اذنو جاراه بعنف): انا لغنحيدهم ليييك ونحيد ليك هذاااك لفرحان به وفينما كانت شي حفرة ولا ثقبة ولا خرية تلقاااها تخشيه فيها (بدات كتضربو لفخاضو ووهو كان كيهرب منها وفي نفس الوقت معنقها ومانع ضحكتو لتسرب ولايطنز عليها كيف كيدير مع حسنا  )مكتعياااش ولدي شحال دويت غوت عضيت قرصصصصت ماخليت مادرت معاك ولكن يلا يلامحيدتهمش ليك وعلقتهم ليك في البيت راه  عبرك ليك ولاي واحد في هاد الداااار راه مسميميتش غيثة

ياسر(فتح فمو بألم من الضربة لشعر بها في فخضو): والمصاصط لا غيييثة لااا وتحيديه لياا وباش بغيتيني نجيب ليك الحفيييد لفرحانة به