أنت ملكي يا عنيدتي (ولسحر عيونك لن انحني )

Part24

غيثة: هاديك الصغيرة والكبيرة تعاودها ... خصوصا لكانت شي حاجة وكلاها في قلبها متسكتش ودغيا تقولها

نور: غيثة هانتي راه سباغتي كطيب نمشي نبدل حوائجي ونجي

غيثة: وعلاش جايباني لكنتي موجدة كلشي راسك

نور: اه وراه نتي درتيها بطريقتك مكتعجبنيش.

لوليا :منيتك خالتي غيثة كانت كتوجدها ليا الذ مامنها...

نور: كولي ديال غيثة نتي حرةً انا طالعة...

غيثة: واش درتي بزايد

نور: اه حيث عارفة كلشي غينزل عليه

نور صعداا لطابق الفرق رهي تسمع صوت شهقات قادمة من واحد الغرفة تدهشات منين لمحات حسناء جداها ماسكة صورة في يدها وكتبكي بحرقة...غلقات نور الباب خلفها ببطء وكتحس بنار كتاكل قلبها تخيلات جميع حالات لتقدر توصل ليها جداتها سواء في الفرح او الحزن كتكون صامدة بحال شي جبل هرم لكن رغم التقلبات المناخية العنيفة الا انه تابث في مكانوا نفس الشيء بالنسبة لجداها لهي الشخص لكتستامد نور قوتها عمرها اعتارفت بها لشي حد لكن قوتها كتستامدها من حسناء لي بالنسبة ليها من اقوى النساء لشافت لدرجة فارضة شخصيتها على الكبير والصغير .. حتى من رياض لكلمتو مكطيحش ارض عمرو ماطيح كلمتها او دهس على كلامها رغم فظاظة مجد وأسلوبه الوقح مع الناس لكن حسناء هي ثاني اعز شخص عندو بعد غيثة ورغم ورغم بزااف الاشياء الا بكاء حسناء جعلها خائفة ومتوترة تقدمات نحوها بعد عنقاتها من الخلف

نور: جداتي شكون هدا لطيح من فيروزاتك الدموع

حسناء: توحشتتهم بزااف توحشت راجلي ووالديا وختي كلشي مات بقيت غير أنا وحتى خوتي لخرين معقلوش عليا بسباب الورث كون مدخلش ولدي رياض لو دابا سكنوها ناس اخرين

نور(كتمسح على شعر جداها الابيض ): نتي عزيزة على بابا بزااف وخا يخسر نص فلوسو وميخليش هاد القصر يتباع عارف قيمتو عندك وعند ماما خاصة نتي ...

حسناء (مسحات دموعها): هنا وانا ليلى ختي لهي جداك كنحتافلوا بعيد ميلادنا وهذا لواقف حدا جدي هو راجلي الله يرحموا

نور: ههه كان كيشوف فيك باينة عليه كان كيبغيك

حسناء: بزاااف صبر على فشوشي قبل زواج وشحال كنت دافعه كبير وحاسة براسي ومنين تزوجنا كنت خايفة من الزواج لكن عاملني كيف بنتو مدللني وقبل يسكن معايا في دار والديا حيث منقدرش نتفرق عليهم وكان ديما كيحاول يرضيني منين ماتت ختي مقتولة هي وراجلها صبرني ومنين مات با صبرني ومي من بعدو وقف معايا وخا كان مريض ومنين هئ هئ مات هو ملقيت ليصبرني كيف كان كيصبرني هو وخا كانت بنتي وولدي معايا وغيثة وباباك الا ملقيتش ليصبرني في اخير ولا فيا زهايمر على اقل كان نعمة نسا شويا سمحي ليا لكنت جرحتك بكلامي